رَحـــمـــة

بارت 38

مساء الخير عليكم احبتي♥️

بارت مفاجئ استاهل تره التصويت والتعليقات  ⭐️😘

البارت الثامن والثلاثون
#رحمة
للكاتبة فاطمة العبيدي

_____________

وچانت عيونچ مدينة
وبيها تاه شگد حچي من باوعتلچ

متابعة ممتعة♥️

________________

مودة :

اني مودة الاخت الاكبر من رحمة عشت اجمل قصة حب وكان حبي بالحلال حبيته بنظراتي وهو كذلك كنت اروح للمدرسه واشوفه يباوعلي من بعيد سنتين هو كل يوم الصبح اشوفه ابد ما تجرأ وخطى خطوة ممكن تأذيني كملت السادس اعدادي تقدملي واهلي ما اعترضوا ابداً عليه

صّـْْح حالته فقيرة وما يملك غير البيت الكاعدين هو ووالدته بي بس بابا كان يكول اخذ الي من طبقتي لا يحس نفسه اقل من بنتي ولا يشوف نفسه عليها والرزق من الله خطبني وتمت خطبتنا بدون مشاكل

احلى ايام عشتها ايام خطوبتي اشياء بسيطه كنت اطير فرح بيها ابد ميدخل وايده فارغه حتى لو نستله يعاملني مثل الطفله يخاف عليه من كلشي تعلقت بي بشكل مو طبيعي

تزوجنا وزواجنا كان بسيط بس كنت اسعد بنية بالدنيا من اشوف نظراته وحبه ولهفته عليه مستحيل اكو مثله رجال يعامل زوجته ميزعلني ابد واذا صارت بنفس الساعه يعتذر المهم ميخليني ضايجه

كانت اخته من امه وابو تكلي شلون عايشه بهل بيت ميعجبج تشترين تطلعين بس اني مكنت مهتمه ابداً بهل اشياء

من يرجع من شغله تعبان بس يبتسم ابتسامة يحاول يخفي تعبه بيها اركض عليه واتلكاه بكلمه الله يساعدك وانطي المي

صرت حامل واتدللت دلال حتى عمتي كانت متخليني اسوي كل شي وهو يوكلني بيده كان محسسني عنده شي ثمين ويخاف عليه

وصارت عدنا جنه كنت اغار منها وهي مكيف بيها ويكول صارن عندي ثنين بنات

ما دريت كله هذا راح يروح مني ما دريت الموت راح ياخذه مني ومن امه وبنته راح بسرعه وملحكت اشبع منه يتمني قبل ميتم جنه

رحت يم اهلي واخواني طايرين بيه وبجنه وهي تحب خوالها وهاجر كانت نعم الاخت فعلاً الطيبون للطيبات زياد صبر ونال وحده مثله طيبه

خلصت شهرين من العده مالتي وبقت شهرين وعشر ايام تمنيت اكون حامل بولد يحي ذكرى ابو بس ربي مقاسملي

الغريب بهذه الفتره اتصالات قصي ورسائله كل يوم صح من كنا صغار نلعب سوه بس ماتذكره كلش

بالبداية كنت اجاوبه بس بعدها رحمة نبهتني على العدة فصرت ما ارد وهو ضل بس يراسل

( مودة تحجي بالكاف يعني تكول كان وكنت )