البارت الرابع
#رحمة
للكاتبة فاطمة العبيدي
گتله گوم احضني بويه اترجاك
بويه شبيك ساكت هذا مو ملگاك
تلاگيني چنت ملگه الطفل للعيد
ها بويه گمت والموت ما خلاك؟
روحي وگلبي اخذه بويه اخذه هاك
مادري الضروره اتعلت بجفاك
يابويه تعال البيت مابي روح
شو حتى السوالف فاهية بلياك
والبيبان طلعن حابات الطول
يومية يسألن وين طولك ذاك
الايام الكضت وعيونه تحوم
سولتنه السهر وي ذكرياتك
هنا كاعد جنت وهنا تغديت
هنا مديت سجادة صلاتك
بيتك ناطرك ويريدك تعود
مشتاگيلك بگد طيبة البيك
والك وحشه بكبر كسرة بناتك
_____________________
فتحت الباب ودخلت وچان اشوف امي تعيط وتبچي وعمه انتصار والبنات لازمات ايدها اباوع بالوجوه كلها تبچي
رحمة : بخوف هاي شكو ليش دتبجون ماما شبيها ليش تعيط
محد يرد ولا احد يجاوب اباوع للباب انفتحت ودخلت اختي موده تركض على امي وتبجي وياها
رحمة : فهمونيييي شبيكممم منو مات عفيه عمه كليلي كلبي حيوكف
سمية : عمو محمد ضربته جلطه ومملحكيله
رحمة : يعني شنو بابا مات !
بس كلت هيج وكلهن كامن يبجن بصوت عالي احس الدنيا وكفت لا الدمعه راضيه تطلع وتخلصني من هل غصه احس تبنجت وكلشي مااستوعب بعد ابويه هذا الي مفد يوم مد ايده عليه لو ضوجني
دومه متعوب وماله بالمشاكل هيج بسهوله يروح من عدنا كعدت بالكاع وارتچيت ع الحايط حضنت رجلي لصدري وضليت صافنه ماعرف شسوي اعصابي راخيه ومدافتهم عقلي توقف اريد اعيط ابجي ماكو متطلع مني الدمعه
شويه وسمعنا هوسه طب ابراهيم للبيت جان شكله مبهذل وعيونه حمر
ابراهيم : طبن جوه دنطبب التابوت
عمه انتصار وكفت امي ودخلو الكل جوه جتي عليه ريحان وريام لزموني من ايدي وكوموني مجانت عندي قوة اسوي شي حتى المشي كوة امشي
طببو التابوت بالكراج احمد جان واكف على صفحه وبس دموعه تنزل وزياد جان وجهه تعبان وعيونه حمر ومدمعه حطو التابوت وگال عمي محمود خل يجن امك وخواتك يودعنه كللهن بدون صياح الزلم بره
صاح علينا زياد كومتني موده وياها امي فتحت التابوت وكامت تبجي بصوت عالي بس شفت وجه بابا بعد مدريت بالدنيا شكو
طول ايام الفاتحه اني بالمستشفى يمي عمه انتصار معافتني وكلما اكلها شوكت اطلع للبيت تكلي مو هسه
نايمه وافكر يعني من ارجع للبيت ماكو ابويه بعد ميحضني ويكلي تعالي كعدي يمي حبيبة ابوج ولا اشوف وجهه الصبح من يكلي تريكي يعني صرت يتيمه وابويه عافني والله احس بعدني صغيرة ما شبعت منه اخخخ النار البيه متنوصف لا بيه افرغ قهري واخلص احس صدري تعب كثر ما كاتمه الغصه
أنت تقرأ
رَحـــمـــة
Romanceأصبح قلبي مقبرة وتبخرت روحي مثل سحابة سماء سوداء هبت عليها رياح عاتيه فنتاثرت كَـ اوراق الخريف 🍁 فتاة بريئة تعيش في جو عائلي دافئ تسوده المحبة تفقد اقرب ٱلناس اليها فتعتزل عن هذا العالم فهل تدوم عُزلتها ام ...
