البارت التاسع
#رحمة
للكاتبة فاطمة العبيدي
البارحه ماندري شنهو الجاسنه
يمكن الحب بينه طك وصاحنه
واحنه مانعرف نحب حُب على كيف
من نحب الا نذب رواحنه ♥️
____________________
دخلت للصالة وانصدمت كلشي مرتب حاطين الكراسي ومرتبين الميز
رحمة : مو بعد وكت ليش من هسه مسويته جان اني ساعدتج
موده : لا ماكو تعب اني بس نظفت وحطيت الميز والباقي زياد جاب الكراسي وعلك النشره يلا روحي بدلي بين ما اصب غده
دخلت للغرفه بدلت وتوضيت وصليت طلعت كاعدين اخواني وموده يتغدون جيت كعدت
ابراهيم : شرفت عروستنا
ضحكت وضربته بزنده "عوفني لتخجلنيي"
ضحك كملنا غده وغسلت مواعين رحت نمت كعدتني العصر موده كالت نروح للصالون حفي وجهج وسوي تنظيف بشره حتى يبرد منا لباجر كمت لبست صايه ولفيت شالي وطلعنا احمد وصلنا للصالون وكال من تكملون خابروني
دخلت للصالون حفيت بس حواجبي لان وجهي جنت مسويته فمابي
سوتلي تنظيف بشرة كملنا وخابرنا احمد اجه اخذنا اول مدخلت للبيت سبحت
كملت وطلعت موده كاعده وحاطه ايدها ع خدها
رحمة : شعندج كاعده وايدج على الخد چنج عاشكه وبالج احد
موده : هههه نجبي والله افكر بماما ما فديوم كلفت نفسها وخابرتني سألت عليه جنت اكول تفرقني عنكم بس هسه حتى الكم عافتكم هذا يا رجال اليستاهل تعوف ضناها عليه
رحمة : شنسويلها هي اختارت حياتها احنه مفكرنا حتى نكللها ارجعي هو بابا جلطته ومرفلها جفن
كمنا سوينا عشه وكعدنا سألت زياد على مقابلته بالشركه
زياد : والله الشغل سهل والراتب هم زين يعني يعدل احوالنا فد مره
ابراهيم : شكد يعني
زياد :٨ اوراق اذا استلمت مال شهرين وويا الجامعهن كبل اسوي عملية رحمة
صفنت على زياد شايل همي وبس يريد يسويلي العملية المفروض هسه متزوج وعنده طفل
كملنا اكل ودخلت للغرفه اجاني صوت اشعار
ايهم : شيجيب باجر وتصيرين مريتي
ضحكت شو هذا جان مثكل الظهر هسه يريد باجر يجي سديت التلفون ونمت
كعدت ثاني يوم على صوت موده كومتني سحل من الفراش جنت نعسانه حيل كومتني دخلت سبحت وطلعت وجتي سميه حتى تروح ويايه للصالون لان موده متكدر تجي منا البيت مابي احد ومنا جنه ينراد واحد يضل يركض وراها كمت صحت احمد حتى يوصلنا
أنت تقرأ
رَحـــمـــة
Romanceأصبح قلبي مقبرة وتبخرت روحي مثل سحابة سماء سوداء هبت عليها رياح عاتيه فنتاثرت كَـ اوراق الخريف 🍁 فتاة بريئة تعيش في جو عائلي دافئ تسوده المحبة تفقد اقرب ٱلناس اليها فتعتزل عن هذا العالم فهل تدوم عُزلتها ام ...
