اسعد الله اوقاتكم🤍
البارت الخامس عشر
#رحمة
للكاتبة فاطمة العبيدي
عن لسان زياد ..
ما عاد يحلالي العطر من يوم ما شميتها
بطبشور كمت اكتب غزل هيج اعلى حايط بيتها
من ردت احلي العسل فوك العسل خليتها
فد مره صدفت بالشقة مدري شكلت غثيتها
جريت حسره من بجت من كلبي مدري شطلعت رضيتها
مو زلمه وانعد ع الزلم الا اخذ الحبيتها
متابعة ممتعة ⭐️
________________________________
بلشنا تحضيرات للعرس كل يوم تجي موده وناخذ هاجر ونطلع نشتري واني اجهز وياها العرسي زياد مرات يطلع ويانه ومرات ضياء خطيه هل ولد ابد ميضوج ولا يمل مخلينا براحتنا
مره طلع ويانه زياد وصلنا لمحل ملابس نسائيه موده دخلت واني داريد ادخل ولزمت ايدي هاجر ابتعدت شويه حتى يحجي وياها براحته وهي تخزر بيه تقرب من يمها وهمسلها بس صوته مسموع وصلني
"كثري اسود ولتجيبين وردي ابد "
عزه بعيني شكد منحرف شعليك بهل سوالف هي ضحكت وعافته ودخلنا وفعلاً بدت تختار اكثر شي اسود بس تعمدت تاخذ ثنين ورديات بدرجات مختلفه ماعرف ليش يمكن عناد او تريد تثبتله هنه حلوات اني ماعرف بهل سوالف هواي فـ موده هي اختارتلي كملنا وطلعنا ضلينا نفتر تقريباً خلصنا نجهيز مكياج وملابس بقت بس الصالون نحجز وبدلات نأجر تغدينا بالمطعم ورجعنا للبيت هلكانين
اول ما طبينا للبيت سمعنا صوت هورن كالت موده هذا ضياء اخذت غراضها وطلعت واني عندي جنط كمت رتبت بيها ملابسي الاخذتها للجهاز بيها سمعت صوت تلفوني يدك باوعت هذا ايهم
فتحت خط ورديت "الو هلاو حبيبي
"هلاو رحمة
استغربت ليش هيج يحجي بثكل
"شبيك شو ضايج
عبالك انطيته دفعه حتى ينهد بيه
"شنو السالفه شو زياد راح يتزوج لعد واحنه شوكت تعبت اني شوكت تفض عاد مو علساس ديجمع شو راح يصرفهن على زواجه
"لحظه على كيفك ايهم شبيك انهديت فد مره بيه اني وره العرس بسبوع لو ١٠ ايام اسافر اسويها ثاني شي هاي فلوس زياد الي ديتزوج بيها غير عن فلوس عمليتي
سكت بعدين حجه "اني اريدج يمي تعبت من الانتظار هم حقي يعني مماخذ راحتي وياج بالخطوبه متقبلين من اجي متقبلين اتقربلج وبالتلفون حرام وميصير حقي استعجل بالزواج
" كتلك مضل شي ليش هيج تقهرني وتطلعني صفر
" خلص سكتت ، غير الموضوع وضل يسولف باشياء ثانيه وراها سديته منه وكمت سبحت وصليت مرتاحه حيل لا دوام ولا قرايه هل سنه صارت شطولها ومخربطه كوه كملتها
أنت تقرأ
رَحـــمـــة
Romanceأصبح قلبي مقبرة وتبخرت روحي مثل سحابة سماء سوداء هبت عليها رياح عاتيه فنتاثرت كَـ اوراق الخريف 🍁 فتاة بريئة تعيش في جو عائلي دافئ تسوده المحبة تفقد اقرب ٱلناس اليها فتعتزل عن هذا العالم فهل تدوم عُزلتها ام ...
