بارت مفاجئ شلوني من ادللكم 🌝💘
طلب من بنوته ع الانستا aya_majed
البارت الثالث والعشرون
#رحمة
للكاتبة فاطمة العبيدي
صوتو حتى اكثرلكم من البارتات ⭐️🌝
_____________________________
باوعت بالمرايا جان اشوف يوسف واكف وراية وعينه على شعري ومميل راسه صافن
شهكت وجريت شالي حطيته على راسي ارتبك هو ورجع خطوه ليورا
يوسف " اسف اسف جيت داشوف الچاي وانتي واكفه هنا مكدرت افوت " حجاها بسرعه وراح للمطبخ
صاح " شذى وين الچاي "
لفيت شالي شلون مجان ورحت كعدت بصف هاجر
هاجر " شبيج ولج شو وجهج فالت "
رحمة " اسكتي هسه بعدين "
ضليت متوتره من الصار بعدين فكيت واندمجت ويا البنات بالسوالف
اذن العشا وصاح يوسف " مريم احنه حنروح للجامع من نرجع يمر ياخذهن "
طلعو ومريم كالت امشو نكعد بالحديقه الجو بي هوى
طلعنا وهي جابت كرزات ونساتل وجبوسه وكعدنا ناكل
ونسولف رؤى وشذى عبالك توأم جمالهم مو طبيعي ميقل عن جمال مريم ودمهم خفيف ضحكت من كل كلبي مشى الوكت واحنه نسولف محاسين
انفتحت الباب ودخل يوسف وولد ويا يمكن اخو اجتي عيني بعينه كبل تذكرت الموقف نزلت راسي
يوسف " خيتي زياد برا رايدكم
كمنا اني وهاجر سلمنا ع البنات وطلعنا لزكت بهاجر حتى مينتبهلي
رحنه يم زياد مشينا ويا دخلت للبيت يلا تنفست عزه نظراته مدري شلونها
طبيت سبحت وكعدت ع التلفون اكلب مر اسبوع وزياد قرر نعزم بيت عمي وبعدها نعزم بيت يوسف حتى نرجع العزيمة
راح زياد عزم عمامي وطلعنا تسوگنا عجبتني كلابيه بالسوك طبيت للمحل اخذت وحده الي وحده الموده والهاجر دفعت فلوسهن وطلعت سألني زياد كتله عجبتني كلابيه واخذت الي وللبنات
حصلتلي رزاله لان اخذتهن من مصرفي
والطريق كله اكل كلبي برطمت وعيوني دمعت الا شويه ابجي طبينا الفرعنا وشفت يوسف يرش بالشارع سلم على زياد وباوعلي وعكد حاجبه نظراته جانت متسائله
طبيت للبيت تلكتني هاجر " ها ها شبيج راح تبجين "
بجيت وكتلها " هذا رجلج لان اشتريت الي والجن كلابيات ودفعت الفلوس مني اكل كلبي "
هاجر " صدك شو بله داشوفها "
باوعتلها صفح " هاي صدك تحجين اكلج رزلني ودابجي وانتي حايره بالكلابيه "
أنت تقرأ
رَحـــمـــة
Romanceأصبح قلبي مقبرة وتبخرت روحي مثل سحابة سماء سوداء هبت عليها رياح عاتيه فنتاثرت كَـ اوراق الخريف 🍁 فتاة بريئة تعيش في جو عائلي دافئ تسوده المحبة تفقد اقرب ٱلناس اليها فتعتزل عن هذا العالم فهل تدوم عُزلتها ام ...
