رَحـــمـــة

بارت 6

البارت السادس
#رحمة
للكاتبة فاطمة العبيدي

عجل يابه شحلاتك
يا لعد
يا چا
يا كحله عرب بعيون كرديه ♥️

قراءة ممتعة
___________________________

انفتحت باب بيتهم انصدمت بسميه جانت لابسه صدرية احسها اذا كعدت تنشك من كثر كصفها عكس ريام جانت لابسه ملابس مرتبه
هاي عمو مشافها صدك انقهرت عليها هي كلش حلوه وكلشي بيها يجبر الواحد يباوع طويله وعيونها ملونه

صعدن بالسياره سلمن ومشى ايهم الطريق كله عينه بالمرايا عليه
دغتني سميه بخاصرتي وضحكت خلاها تنتبه بعدين تقربت عليه

سميه : لج ايهم مبين يحبج باعي شلون يباوعلج

رحمة : شسويله عفيه مو تكولين لاحد اني ماعندي شي ويا

سميه : لا عيني ليش داكول شعليه

وصلهن الهن اول ضجت من تصرفه جان يكدر يوصلني قبلهن بس هو خبيث صاح عليه
ايهم : تعالي كعدي ليكدام

رحمة : ميحتاج راح نوصل ، تأفأف وساق وصلت للكليه دانزل كلي بيش ساعه تطلعين

رحمة : اطلع ب١ ميحتاج تجي عليه اني ارجع

ايهم : لا انتظريني اني اجي عليج من ادكلج اطلعيلي

عفته ومشيت دخلت شفت هاجر يممه مشتاقتلها مووت
حضنتها حيل

هاجر : ادبسزز حيوانه ميته شوق عليج

رحمة : مفتهمت هسه تغلطين عليه تمدحيني

هاجر : انجبي انجبي تعالي نكعد اعزمج على جاي ادري بيج تحبي

رحمة : اي والله هسه حتبدي المحاضرات من اول يوم يجونه متحلفين ينرادلي ترمز يمشيني اليوم كله

امشي يلا عندي الج سوالف كومه اريد افرغ ، راحت هاجر تجيب الجاي واني كاعده انتظرها تأخرت يلا جتي وتمشي وتدردم

هاجر : عزا بعينهم ولا يكولون الجنس اللطيف الرقيق واكفه خل ننطيها مجال ابو عين الصلفه يكلي اوكفي بسراج

رحمة : ههههه يلا بعد جبتي

هاجر : اي يلا سولفي قبل متبدي المحاضرة

سولفتلها على امي وعلى ايهم وست هاجر متقبل برؤوس الاقلام لازم كلشي بالتفصيل

هاجر : والله يا اختي امج هسه تجيكم متندمه وكولي مكالت هاجر
اما بالنسبه الايهم شكو بيها اذا يخطبج على كوله بيبي ابن عمي شيال همي

رحمة :مادري والله شسوي ماريد كبل اذب روحي وبعدين اتندم لازم اشوفه يضل متمسك بيه يلا اقبل

هاجر : باع هاي المتمسك بيها شباب هل وكت يتمسكون بخمس بنات وتالي امه تخطبله

رحمة : الله كريم اني عايفتها ع الله اذا بي خير ربي يقربه اليه واذا مابي خير ربي يبعده عني كومي دندخل للمحاضرة احسن