البارت التاسع والثلاثون
#رحمة
للكاتبة فاطمة العبيدي
قبل متبدون اضعطوا ⭐️ وابدوا
______________
دخذني بكلشي مابيعك
جكارة بچفك اشعلني
اموتن بين اصابيعك....
متابعة ممتعة ♥️
_____________
رحمة :
التفتت على مصدر الصوت شفته قصي باوعلي وكال
" رحمة اريد احاجيج بسالفه "
جاوبته " اعذرني خويه بس يوسف بره واكفلي "
حجه وهو يمشي " هسه اني اطببه هنا حتى ما اسببلج احراج "
طلع قصي على يوسف واني طلعت ورا من شاف قصي عكد حواجبه ومبين ضاج تسالم ويا وكله " تفضل رايدكم بحجايه بلا زحمة "
يوسف ضاج بس مكدر يرده دخل واني مشيت بصفه ولزمت ايده
جان يعصر كف ايدي عصره الا شويه اتخربط من قوتها رفعت ايدي وكرصته وحجيت بهمس " يوسف اذيتني "
التفت باوعلي شافني مدمعه رخه قبضه ايده وكال " بويه اليوم شسوي بيج "
ما اجذب واكول مخفت منه لا والله خفت واحس كلبي صار يوجعني
كعدنا بالحديقه وقصي تحمحم وكال " اعذرني يوسف بس رايد رحمة بسالفه ومردت احاجيها بدون علمك حتى متصيرلها مشكله "
هز راسه يوسف وكله " اي تفضل احجي "
سكت قصي بعدين حجه " رحمة اني اريد اخطب موده "
انصدمت وفكيت عيني وحجيت " عفيه قصي تدري ميصير ينحجي بيها بعدها بالعدة "
جاوبني " محاجي ولا متقدملها بس اريد اعرف شلون اقنعها بيه "
ابتسم يوسف ورد " هذا الموضوع يعتمد عليك بي اذا رايدها صدك تكدر تقنعها "
رديت "ما اعتقد لان موده تحب زوجها ومن شافت رسائلك ومكالماتك ضاجت منك حيل "
حجه " هاي عود اني ردتج عون "
رديت " خل تكمل عدتها وانته حاول وياها "
هز راسه واحنه گمنا ترخصنا وطلعنا للبيت ونسيت يوسف متحلف بيه طبيت للغرفه بدلت ملابسي بالحمام بعدني استحي منه
لبست تراك احمر وطلعت باوعتله متمدد جيت دالبس صايتي واطلع ويا البنات حتى نسوي عشا
توني فتحت الباب جان يصيح يوسف " تعاي تعاي "
يمممه عرفته ضايج حجيت بسرعه " هاي شبييك يوسف قابل اني شعليه مو كدامك هو الراد يحجي "
خزرني وصاح " حسج لا تعليي"
شفت مو مال اضل اجادله ذبيت الصاية والشال هو جان ممدد نص جسمه ونص متكي على تاج الجربايه
أنت تقرأ
رَحـــمـــة
Romanceأصبح قلبي مقبرة وتبخرت روحي مثل سحابة سماء سوداء هبت عليها رياح عاتيه فنتاثرت كَـ اوراق الخريف 🍁 فتاة بريئة تعيش في جو عائلي دافئ تسوده المحبة تفقد اقرب ٱلناس اليها فتعتزل عن هذا العالم فهل تدوم عُزلتها ام ...
