مساء الخير حبايب😘
البارت الثامن عشر
#رحمة
للكاتبة فاطمة العبيدي
__________________________
وانت تدري وانا ادري
الصاحب الينكرله موقف ماله صاحب
واليخون بصاحبه عيب ايتعاتب
والملح والزاد شارة
الخانهن باجر تعثرة
وحتى لو عذرو اهلهن رب اهلهن ما يعذرة..
متابعة ممتعة ♥️
______________________
مرت الايام ايهم تصرفاته متناقضه يوم يجي يحضني ويبوسني ويضل يتغزل بيه ويوم يبتعد عني كأني مو ويا بالبيت
ابد مراعى نفسيتي وكال مريضه المفروض اداريها
بيوم الي يتجاهلني ويحاول يبتعد الليل كله ابجي ،احبه وتعلقت بي
وهو يوم اشوفه يحبني وميكدر بدوني ويوم حتى بالبيت ميبقى ومن اسأله وين دتروح واحنه عرسان العالم دتجي تبارك من ميلكوك شيكولون عريس بأول ايامه عايف عروسته
ويردني بجواب يخليني اتندم على كلامي " ديله شلون عريس شمحصل اني منج اشو حتى البوسه تضلين ترجفين وتتنفسين سريع عبالك داخذ روحج"
اجاوبه " يعني متصبر هي كلها شهرين بين ماسويها واصير زينه ليش هيج تقهرني "
يطيب خاطري بكم كلمه وارضى !
اي ارضى صرت ارضى بالقليل حتى بس امشي حياتي واحسه يحبني
شعور سيئ من تحس بشخص متندم عليك لو مرايدك صعبه جنت من اشوف النفور من ايهم احس حركه بكلبي مو بيدي اني مريضه وهو راد عرسنا قبل العملية مجبرته حتى يعاملني بهل طريقه
اليوم سبعتي مسويت حفله وهوسه لبست فستان بسيط اشتريته بجهازي لونه بصلي كعد عليه كُلش حلو لان اني بشرتي بيضه قصير ويا الركبه وردانه شفافه شيفون سرحت شعري واساساً اني نسيت شعري المجعد بسبب ايهم ميحبه ابد اضطر كلما اغسله اسرحه يتعبني بس حتى ماسمع كلمه تجرحني فوك كلماته
برمت كذلتي (الغره) واخذت خصلتين رجعتهن ليوره بطبيعتي احب المكياج يكون خفيف رتبت وجهي ولبست كعب
جانت عمتي والبنات جوه يرتبون ، جنت دالبس بذهبي ودخل ايهم
جنه قبل يوم متعاركين على نفس الموضوع باوع عليه وتقرب
خله ايده على خصري وضل يباوعلي بالمرايا واني اباوع عليه بانعكاس المرايا توترت من قربه بس فرحت بنفس الوقت بعد شعري من رگبتي نفسه الحار لفح بشرتي خله انفه على رگبتي وشمني حيل
طبع بوسه على رگبتي ضل دافن وجهه بركبتي ويتنفس انداريت عليه ولفيت ايدي على خصره وحضنته حيل حسيت محتاجه حضنه ومشتاقتله تمنيت حياتي ويا تكون احلى من هيج ضل حاضني وعاصرني قوي
فزينا على فتحه الباب انداريت شفت سميه بسرعه ايهم دفعني عقدت حاجبي بصدمه على ردة فعله جان يكدر بكل هدوء يبعدني
أنت تقرأ
رَحـــمـــة
Romanceأصبح قلبي مقبرة وتبخرت روحي مثل سحابة سماء سوداء هبت عليها رياح عاتيه فنتاثرت كَـ اوراق الخريف 🍁 فتاة بريئة تعيش في جو عائلي دافئ تسوده المحبة تفقد اقرب ٱلناس اليها فتعتزل عن هذا العالم فهل تدوم عُزلتها ام ...
