مساكم الله بالخير ♥️
البارت العشرون
#رحمة
للكاتبة فاطمة العبيدي
_______________________
من شاف جنح الينكسر
مايلگة شغلة تعينه
ومن شاف طينة هالبشر
ماچنها نفس الطينة
من اچو گالولي انعمت
ماگالو ايزيد الوجع
من تنعمي السچينة
ومن چنت ساكت مو عجز
بالوجه ادري شكم وجه
وشگد حقد بالسكتة
واصطاد بالماء العكر
مشدودة عيني وبالمطر
الگة الندة الضيعته
بس ما استعجل بالحكم
مثل العنب يطلع عنب
بس من يطيح بوكته
متابعة ممتعة ♥️
__________________________
دخلنا للدكتور وويانا المترجم حجاله احنه من طرف دكتور ........
وهو عرفنا بدو يسوولي فحوصات تخطيط وتحاليل وغيرها
حدد العمليه على باجر وطلبو ابقى بالمستشفى من اليوم
دخلنا بالغرفه وتمددت بقت يمي هاجر رغم مقبلو اي احد يبقى لان العناية هنا كلش زينه
باوعت على نظافه المستشفى وترتيبها والعناية بالمريض
شيصير لو بالعراق هم هيج بس المستشفيات الاهليه بيها شويه عناية بس الحكومية ولا يهتمون للمريض يعني الفقير يموت ومحد داري عنه
مشى اليوم بملل طكت روحي من جو المستشفى صار الليل صليت ونمت
كعدت ثاني يوم اجه الدكتور فحصني وتأكدو من كلشي غيرت ملابسي ولبست ملابس العمليات
جنت خايفة والدمعة بطرف عيني زياد يهدئ بيه هو وهاجر بس اني جنت خايفه ومتوتره دخلوني للعمليات جانت نظيفه وباردة اول مره ادخل لغرفة عمليات تمددت ضربوني ابرة شويه وبعد محسيت بالدنيا شكو
فتحت عيوني بعدني شبه واعيه مجان اكو احد يمي بس صوت الاجهزه رجعت نمت
حسيت على اصوات يمي فتحت عيوني الدكتور ويمه ممرضات يحجون بس مافتهم حجيهم حاطيلي الاوكسجين مجانت الي قابليه اسوي اي شي تعبانه مره وحده شفت زياد وهاجر مجانو يقبلون يدخلوهم لان جنت بالعناية المركزة ضليت تقريباً اسبوع وبعدها نقلوني بغرفه زياد كلي العملية نجحت وهذا الاسبوع الراح متابعة لحالتج وحتى يتأكدون من نجاح العملية
ضليت يومين وطلعوني من المستشفى
رجعنا للفندق بعدني تعبانه وعلى الكرسي المتحرك ممنوع امشي واتعب روحي كلت لزياد اطلعو انتو تونسو اني هنا ما عليه شي مدام جايين ليش تحبسون روحكم
ردتني هاجر " لا عيني ماطلع واعوفج اني اتونس وانتي هنا موجوعه شبيه قابل توازيت عود مره لخ نجي كلنا سوه حتى الولد وموده نتونس هنا مو الا هسه "
أنت تقرأ
رَحـــمـــة
Romanceأصبح قلبي مقبرة وتبخرت روحي مثل سحابة سماء سوداء هبت عليها رياح عاتيه فنتاثرت كَـ اوراق الخريف 🍁 فتاة بريئة تعيش في جو عائلي دافئ تسوده المحبة تفقد اقرب ٱلناس اليها فتعتزل عن هذا العالم فهل تدوم عُزلتها ام ...
