البارت الثاني عشر
#رحمة
للكاتبة فاطمة العبيدي
يبو عيون الوسيعة الـ مالهن تعيوب
يالابيض يالـ ضحكتك تسوة الولاية ✨
متابعة ممتعه♥️
_____________________
دخل للمطبخ باوع عليه فتح عيونه من شافني مغيره شكل شعري
ابتسم سلم وباسني من خدي استحيت من احمد هو من شافنه هيج حط ايده وره ركبته بخجل وكال " اخذ راحتك انته مو غريب حدخل جوه "
من راح احمد كبل كتله " مصبرت دخل يطب وبوسني "
ايهم " ديلا قابل شمحصل هي بوسه بعدين هاي شطالعه شهل جمال كل هذا علمودي حتى نسيت اني زعلان منج "
رحمة " اي انته مو تحب الشعر السرح سويته علمودك "
ايهم " اي كلش حلو خلي هيج دائماً "
جنه حاطين قنفه بالمطبخ راح كعد عليها طلعتله العصير والكيك وكعدت يمه ماعرف ليش استحي واضل متقيدة ما اخذ راحتي
ضلينا نسولف ويحجيلي شنو ديشتغلون بالبيت
ايهم " مبقى كم يوم ويخلص هو مجان بي هذاك الشغل القوي من يكمل اخذج تشوفي حتى نأثثه "
رحمة " وين صاير البيت خوما بعيد منا "
ايهم " لا بنفس المنطقه اني هم ماكدر اصير بعيد عن اهلي هذا قصي مو دائماً موجود يطلع هواي ويسافر مديستقر حتى ضحكه بوجه الواحد ميضحك "
رحمة "خطية ربي يسعده مشفت شي منه محلو حتى عينه ميرفعها على وحده "
شوية وراح واني دخلت اتصلت على هاجر صوتها تعبان خالتها عايفتها ورايحه متكدر تبقى يمها عود وحتى مكايلتلها تعالي ويايه
باقية يمها المرة وهم احتمال تروح قابل لشوكت تضل يمها ،جنت كاعده بالصالة واحجي وياها سديته وكمت حطيته ع الشحن التفتت لكيت زياد واكف
زياد " رحمة تعالي داحجي وياج "
رحت ورا طلع للكراج كعد ع الكرسي وضل صافن عبالك ديفكر بشي نبهته "بيك شي زيودي شتريد تحجي "
زياد " رحمة باعي شسمه هاجر صديقتج عدها احد بحياتها"
رحمة رديت بأبتسامه على توتره " لا حسب علمي هاجر بعيده عن هيج مواضيع ،ليش "
زياد " احم باعي اريد يعني اريد اخطبها "
رحمة " يا فرحتي اذا تصير بس ليش هسه وبهل توقيت خاف تحسبها شفقه ولان ماعدها احد "
زياد " لا والله ماعندي هيج سالفة اني رايدها صح التوقيت غلط وما انكر اني لان وحدها استعجلت بالموضوع بس مو معناها اني لان شفقان عليها داخطبها هاي حياة طول بعرض شلون استمر وياها واني مجرد منقهر عليها "
رحمة " اي زياد اني متمنيه تصير الك بس اخاف هي متقبل "
زياد " انتي بس تأكديلي هي ماعدها احد تريده والباقي عليه اني قابل هسه راح اتزوجها خل تمر فتره على وفاة اهلها "
أنت تقرأ
رَحـــمـــة
Romanceأصبح قلبي مقبرة وتبخرت روحي مثل سحابة سماء سوداء هبت عليها رياح عاتيه فنتاثرت كَـ اوراق الخريف 🍁 فتاة بريئة تعيش في جو عائلي دافئ تسوده المحبة تفقد اقرب ٱلناس اليها فتعتزل عن هذا العالم فهل تدوم عُزلتها ام ...
