البارت الرابع والاربعون (الاخير )
#رحمة
للكاتبة فاطمة العبيدي
________________
العبرة ليست في البدايات !..
العبرة بمن يمسك يدك حتى النهاية
متابعة ممتعة ♥️
________________
مودة :
من بعد ما دزيتها نمت حلمت بقصي وجنه يمي وضياء واكف بعيد عنه
بجيت بالحلم وضياء جان مبتسم محجه اي شي بس مبتسم وشكله مرتاح جان قصي شايل جنه
كعدت من النوم حييل مرتاحه باوعت جنه نايمه بمكانها فتحت تلفوني وكلبي يدك سريع
تفشلت من ملكيت ولا رساله من عنده ولا حتى مكالمه اوي هذا شبي هو شايف الرسالة مالتي ليش ممجاوب
كمت اخذت جنه غسلتلها وبدلتلها وطلعنا حتى نتريك
لكيت الولد كلهم كاعدين ع السفره كعدت وريتاج وهاجر هم كعدو
اكلنا وجنه صايره نحسه شلعت كلبي لحد ما رجعت نامت يالله ارتاحيت نظفنا البيت وسوينا غده
تغدينا ورحت توني داحط راسي على المخده كعدت ست جنه
كمت سبحتها وغديتها
شويه وسمعت صوت الباب تندك طلع احمد من غرفته كال
"هذا يا ذوق سز يجي هيج وكت حتى العصر بعده ممأذن "
كمت وكفت يم شباك المطبخ اباوع خفق كلبيي من شفت قصي وعمي وعمتي ديدخلون
شلت جنه وطكيتها بركضه للغرفه ياربيي صارت صدك
تذكرت قصي من شفته شلون الابتسامه مالية وجهه ومتكشخ
هسه شسوي اني وين اروح لو يصير جان اخذت بنتي وانهزمت
شعوري ماعرف اوصفه خوف على قلق توتر
شويه واسمع احمد يحجي " وين وليتي امشي قدميلهم شي بين ما اصيح زياد وابراهيم صايرين مينشافون غاركين بالعسل عمي "
عدلت روحي وطلعت للمطبخ وبديت احظر دخلت هاجر وريتاج كبل حطيت الصينيه بأيد ريتاج وكلتلها " هاج ودي انتي "
هاجر ضيقت عينها بشك وكالت " شمسويه وهيج ترجفين "
كعدت على الكرسي وكلت " ولجن هذا قصي جاي يخطبني "
شهكت ريتاج وكالت " صدك والله "
هزيت راسي وهي كملت كلامها " ولج بس لا انتي الجان يقصد عليها "
استغربت وكتلها " شيقصد يعني مفتهمت "
راحت هاجر تقدم وريتاج تربعت كدامي وحجت " ولج جان يفتح اغاني بالليل ويضل يتحسر وعمتي انتصار تكله مني الماخذه كلبك وتجر عليها حسرات هو جان يسكت بس يبتسم "
طب زياد صاح " تعالي موده "
رحت وكفت يمه حط ايده على كتفي وكال " عمي جاي يخطبج لقصي "
أنت تقرأ
رَحـــمـــة
Любовные романыأصبح قلبي مقبرة وتبخرت روحي مثل سحابة سماء سوداء هبت عليها رياح عاتيه فنتاثرت كَـ اوراق الخريف 🍁 فتاة بريئة تعيش في جو عائلي دافئ تسوده المحبة تفقد اقرب ٱلناس اليها فتعتزل عن هذا العالم فهل تدوم عُزلتها ام ...
