قصة بعنوان:#عروسي بقلم:#ساجدة_سجود (زيني حلا)

🔺الحلقة 4⁦🔺

🔺الحلقة 4⁦🔺
🔻عروسي..........#ساجدة_سجود🔻
في دار لعروسة واين كانو اهل لعريس وصلو عندهم... كانو غير رجال جايين باه يهزو جهاز لعروسة....لقاو خواتها و باباها وعمها واقفين في إستقبالهم....سلمو على بعض والضحكة مزينة وجه كل الحاضرين .... كلهم فرحانين بالعرس و خاصتا أب لعروسة و أب لعريس متفاهمين مع بعض و طاحو كيف بعض متقاعدين من الجيش تقريب عندهم نفس العقلية واين ما يتلقاو يفتحو دفاتر العسكر....
داخل الدار كانت كلثوم وكل لبنات متعاونين على لحوايج يهزو ويحطو في وسط الدار واين كانو مفرشين زربية يحطو عليها لحوايج غير لفاليز لي فيهم حوايجها وفيهم لي كادو وحوايج آخرين ....مخاد ومطارح الصوف لي مخيطتهم بالصوف لي جابوه ليها اهل لعريس....وحوايج أخرى شاريتهم هي زرابة ديكورات ....تنهدت كلثوم وهي تشوف في جهاز بنتها وتحكي...
كلثوم:الحمدلله قدنا الوقت ولحقنا...
فتيحة(اختها):انتي برك اكلثوم لي تصعبي فيها هنا اختي كملنا ....غير ربي يهنيها ...
كلثوم:امين ياربي ....دورت رأسها جهة الصوت لي سمعاتو كان واحد من ولادها دخل باه يقولهم يدخلو راح.يدخلو رجال يهزو لحوايج....وكأي ام لازم تبقى توصي و تعاود....
سمير:خلاص اكلثوم فهمت والله فهمت وحفظتهم... ونزيد نطمنك كل شيء في لكراج تهز بقاو غير هذوم ...ومرانيش راح ننسى حتى حاجة....وكل شيء راح نحطو مع بعض....وزيد راح تروحي ياك انتي وخالتي فتيحة ....
كلثوم:ايه أنا وخالتك ومعنا حتى عمتك ...
سمير:يلاه البسو حوايجكم عيب نخلوهم يستناو...
ما زداتش معاه الهدرة ودخلت تلبس جلابتها باه ترافق فراش بنتها وتطمن لي هو وصل بخير وتحط في دار بنتها....
في غرفة لعروسة....واين كانت قاعدة تتنهد وتحرك في يديها من كثرت التعب....جنبها بنت خالها تضحك وهي تشوف فيها وتحكي...
وفاء:لالة لعروسة تعبت...
سجى:يدي ما بقيتش محسية بيهم...انتي لي جات معاك تضحكي..
وفاء:ياختي قولنالك حنا نتكلفو انتي ما حبتيش و حلفتي تلمي حوايجك بيدك...دورك ارتاحي غدوة عرسك وبعد غدوة ليلتك نشاء الله لازمك تكوني مرتاحة لسي سيد...
سجى:دورو دورو وتحكو على الموضوع هذا...تقول راح نروح نحارب ليلة و تفوت...
وفاء:نشوفوك من وراء الليلة هذي....ناضت من بلاصتها وكملت كلامها ....نروح نشوف حاجة نعاونهم بيها وانتي ارتاحي راك عروسة ما لازمش تعبي روحك...
سجى:حركت ليها كان رأسها بأه اما هي كانت مشغولة مع حبيب القلب تحكي معاه بمساجات وابتسامة ما تفارقش وجها لا في وجودو ولا حتى في سيرتو ولا في غيابو....حب بريئ ...صافي...كبير...وعميق بياناتهم بين زوج أشخاص واعيين وعندهم تجارب فاشلة لكن خرجو منها بالعبرة....استفادوا منها وداروها قدام عينيهم وعلى أساسها قدرو ينجحو علاقتهم...سجى مرزوق بنت في منتصف العشرينات...ملامحها مقبولين عينين خضراء وجه كإستدارت القمر....تربية اخلاق ودين....اي واحد يتمنها حلالو ...اهلها ناس طيبين ودوبهم دوب رواحهم لا يدخلو في ناس ولا تهمهم يتبعو مشاكل العباد....يمشو بمبدأ كل واحد يديها في روحو....هي لكبيرة في خواتها لبنات...عندها زوج اكبر منها هي ذكورة...إنسانة متواضعة ولي في قلبها على لسانها....ديمة تضحك قليل واين تلقاوها عاقدة حواجبها....كملت قرايتها وكيف اي خريجي الجامعات مجرد ما يكملو سنوات دراستهم راح يخرجو ويتحولو من طلاب لبطالين....تعرفت على داوود بمحض الصدفة ولا نقولو هو لي تعرف عليها بمحض الصدفة...من وقت ما شافها وقت دخلت عند واحد من صحابو تشري مع وحدة من خواتها من ثم حلات في عينيه....ومن وقتها وهو مراقبها ومراقب تحركاتها ويسئل عليها وعلى اخلاقها وبنت من هي....لين جاب التقرير عليها ووقت لقاها صافية وبنت دارهم ما ترددش يخطي خطوة اتجاهها....وأول خطوتو تبعها وقت شافها وطلب منها رقم هاتفها ورقم هاتف باباها ابتسمت وقت تفكرت الحوار لي دارت بيناتهم...ورجعت بذاكرتها ليه...
داوود:شاف مباشرة في عينيها وقال...السلام عليكم ...
سجى:وعليكم السلام...
داوود:احمم من غير ما نطول عليك عجبتيني وناوي لحلال معاك ابنت الناس...مزال ايام الله طويلة وتعرفيني ونعرفك لكن قبلها لازمني نحكي مع باباك واين ممكن نلقاه..
كلماتو صدموها ....حساتو زرب عليها وهي ماشي مستعدة ترتبط في الوقت هذاك..لكن مع ذالك عطاتو رقمها ورقم باباها ....وخلاتها في يد الله ...غير حكمهم من عندها انسحب بهدوء من طريقها مخليها تكمل طريقها وهو يخمم واش راح يعمل وكيفاه راح يوصل للاب تاعها.....بعد تفكير طويل منو ما لقى قدامو كان يعيط عليه و هذاك لي كان عيطلو وحدد معاه موعد تلقاو وطلبها من عندو....وكأي اب لازم يسقسي اهل الدار وعلى لعريس...عاد يجاوبه خلالو داوود رقمه وانسحب مخليلو الوقت واين ياخذ راحتو ويسقسي عليه براحتو....وبحكم كان يسكن خارج الولاية كان الوضع صعيب شوي...لكن مع ذالك سأل وعرف شكون هو والد شكون وما لقى كان الكلمة الطيبة في حق العائلة وداوود....فراجع عليه بعد ما سأل اهل الدار وسجى ورحب بيهم عندو...وهذاك لوقت حددو موعد واين يتلقاو العائلة وتكون خطبة رسمية...وطول الفترة لي كان أب سجى يسقسي عليه....هو كان يحكي مع سجى ويتعرف عليها وحتى هي نفس الشيء....تمت خطوبتم وتفقو على كل شيء وبطلب من داوود انو العرس يكون الصيف من غير ما يطولو وأب سجى ما لقى قدامو كان يوافق مدام عطها ما بقى كلام....
#يتبع