قصة بعنوان:#عروسي بقلم:#ساجدة_سجود (زيني حلا)

🔺الحلقة 23⁦🔺

🔺الحلقة 23⁦🔺
🔻عروسي..........#ساجدة_سجود🔻
طول الطريق هو يوصي فيها على صحتها...حتى خلاها تجن ....غير وصلو وجات راح تهبط حكمها من يديها يحكي...
داوود:ليلتين وتروحي لدارك....منحبش كثرت لخروج اسجى...نخليك هنا نلقاك هنا...
سجى:كيفاه كثرت لخروج هذي ...واش ما نتحركش خلاص ....اذا خرجت مع ماما وخواتي حتى هي ممنوعة....
داوود:ما قوتلكش ممنوع لكن ماشي كل دقيقة ....نحب وقت نعيط نلقاك في دار ....
سجى:داوود دورك انت تحكي من نيتك...هذي اول مرة نزور دارنا ...كنت مربوطة ليه وراح نزيد نتربط هنا ...واش فيها اذا خرجت حوست شوي وشريت حوايج خاصيني....تسمى من دار لدار ....
داوود:خزر فيها يحكي...قداه من مرة نقولك وقت تكوني تحكي معيا تنقصي في صوتك....ومدام الالة محتاجة لحوايج علاه ما قولتيش ليا أنا نجيبهم ليك...ما عنديش أنا كثرت الدخول والخروج و يبقاو يمردو في مرتي....خليتك في داركم تبقاي هنا...ايه أخرجتي مع ماماك و خواتك لكن ماشي كل دقيقة نلقاك خارجة معاهم...
سجى:بطلت مرانيش خارجة أنا خلاص....
داوود:ايه احسن ليك وليا....داخل يديه في جابو وجبد دارهم عطاهم ليها ....
حكمتهم من عندو من غير ولا كلمة ...نزلو ودخل معها هو سلم على نسابو لي فرحو بيه بزاف...قعد شوي عمل الواجب وودعهم وخرج مخليها عندهم....وصلاتو حتى للباب ودعاتو ورجعت هي عندهم....
أما هو ركب طموبيلتو وتحرك من ثم...مخليها فوق من قلبو والف بيها بزااف...فكرة انها بعدت عليه مقلقاتو لكن ما يقدرش يمنعها على أهلها....مسافة الطريق وكان قدام السوبيرات تاعو تفقد الخدمة وعاود خرج...ركب طموبيل طول لدار تصادف مع خوه محمد....واحد خارج ولوخر داخل....سلم عليه وسألو على الحال والاحوال ودخل مع حط رجليه في دارهم سمع صوتها استغفر الله وكمل طريقو....دخل عليهم لقاهم قاعدين في صالون ...
داوود:السلام عليكم....
عزيزة:اهلا اولدي ...هذا واين تتفكر مميمتك...هذا غير ساكن لفوق...
داوود:حاشة لكن نهار الكل خدام نروح طول نرقد لأمور هانية....
عزيزة:الحمدلله الساعة....انتم بخير مرتك وايني علاه ما جاتش معاك...
داوود:في دارهم أديتها قبيلا....شاف في اختو لي غير تشوف وقلب عينيه....
نادية:الحركة هذي زعجتها وخلاتها تنطق...واش اخويا أنا ما تسلمش عليا...
داوود:حطها كأنها ما نطقتش ...وشاف في امو ...كاس قهوة الوليدة هاني لبرأ...جاء خارج لكن تفكر شافها ناضت وهو يوقفها بهدرتو....الوليدة سجى حاملة...
عزيزة:شافت فيه بصدمة وكلمة حاملة بقات ترن في وذنها....لكن في سع ما داركت لأمر وابتسمت ابتسامة صفرة وقربت منو تحضانتو وقالت...مبروك عليكم اولدي الله يجيبو على خير...
داوود:بأس جبينها وقال... اللهم أمين ...
خرج من صالون مخلي من وراه الحرب بين لام و بنتها...غير شفاتو خرج نطقت وهي حاقدة على الوضع...
نادية:شوفتيه اماما شوفتيه كيفاه ما سلمش عليا...هذا الكل على جال اللفعة تاعو ....وزيد كملت ربطاتو بذراري مزال حتى ما حكمت شهر....
عزيزة:أه على والدي مسكين....واش عدنا ما نعملو ... كون جات عليا أنا راهي مفيدة هي لي في بلاصتها لكن مكتوب وهي لي كتبت ليه ....نوض نحطلو قهوة قبل ما يرجع....ناضت من بلاصتها وخرجت للكوزينة سخنات القهوة مع كانو موجدينها وصباتلو فنجان خرجاتو ليه لقاتو قاعد مع باباه يبارك ليه حطاتها قدامو ورجعت ادراجها عند بنتها....لقاتها كيف خالتها...قعدت في بلاصتها وشافت فيها...
عزيزة:نوضي اطلبي سماح من خوك....هاهو قاعد مع باباك يدخل بيناتكم...
نادية:على واش راح نطلبو السماح ....واش عملت ليها انا كنت في داري لا جيت عليها ولا قولت ليها حاجة...
عزيزة:تنهدت من كلام بنتها عندها الحق .. الخطأ ماشي خطأها....باه تطلب منو السماح وحدو لي هز روحو ...شافت فيها وقالت ..اقعدي واش راح نقولك...
نادية:ما تقولي والو أنا لي نعرف واش نعمل خالي تجي برك ...
#يتبع
حلقاتنا خلاصو حبوباتي كيف العادة نحب أراائكم وتفاعلكم مع الحلقات #بونوي