قصة بعنوان:#عروسي بقلم:#ساجدة_سجود (زيني حلا)

🔺الحلقة 12⁦🔺

🔺الحلقة 12⁦🔺
🔻عروسي..........#ساجدة_سجود🔻
لبست ڨندورة من تاع نادية ودخلتها للكوزينة واين كانت عزيزة والناس لكبار لي مزال ما روحوش قعدين ثم...أما الباقي كل واحد حكم دارو....نعتت ليها لحوايج الكل وخرجت مخليتها وحدها....بقات واقفة لدقائق تشوف في الفراغ وحوار داير داخلها وفي كل مرة تتعصب تهدي روحها ....استغفرت الله وبدأت توجد في لعشاء والحنة مزينة يديها ....ومرة مرة تخمم في شيء لي سمعاتو ما حبش يفوت ليها....
لبرأ واين كانو مجموعين نقصت منهم كان سجى.... صوت نجلاء هي لي مسمعو....
نجلاء:علاه عملتو هكاك قبيلا....زعما كبار وانتي انادية ماشي مرت خوك هذيك بديتي من دورك تسممي فيها بكلامك....كون يسمع خوك بشيء لقولتيه ليها واش راح تعملي....
تسمع صوت عزيزة من وراهم بالصدفة كانت فايت من ثم وسمعت كلام نجلاء ....شافت في بنتها تحكي...
عزيزة:واش قولتي لمرت خوك ...
نادية:ما قلت والو مفيدة هي لقالت ليها علاه كلكم شعلتو فيا أنا....
مفيدة:ما قلنا ليها والو اخالتي....هي لي حساسة بزاف ونجلاء تكبر في لحكاية..
نجلاء:مرانيش نكبر فيه لكن حرام.عليكم طفلة مزالت عروسة ومزالت حزينة على أهلها تكملو.عليها انتم...
نادية:نجلاء علاه هذا شيء دورك ياك هي ما قالت والو ....علاه انتي تاكلي في روحك عليها...
عزيزة:ماشي راح تحشمو على روحكم دورك زوج مزوجين وانتي امفيدة في سن زواج ...كون يسمعكم راجلها دورك....
حتى وحدة ما جاوبتها هبطو رسهم وهي كملت كلامها متغششة وخايفة من ولدها....
عزيزة:لهدرة هذي منبقاش نسمعها والا راح تسمعو مني لي عمركم سمعتوه....راحت وخلاتهم وحدة تشوف في لوخرى....طريق وحدة للكوزينة واين كانت سجى مركزة مع الكسكسي لي توجد فيه....ما حستش بيها غير وقت نطقت...
عزيزة:بنتي سجى...
سجى:شافت فيها تحكي...نعم اعمتي ..
عزيزة:لكلام لي سمعتيه من لبنات ما ديريش عليه ...وما تقوليشو لداوود ابنيتي والله يعمل حالة في اختو وهي وحلة لي روحها...أنا عملت فيهم حالة....
سجى:بقات تشوف فيها كيفاه جايا تقنع فيها باه ما تقولش ببنتها ...أما هي الله يفكر فيها....تنهدت تحكي... ماله صحيح واش قالو...
عزيزة:هو صحيح لكن ماضي وانا واختي لي كنا حابين لكن هاهو وقت قرار يتزوج ما قيمش حتى امو .... و خذا رأييها ....انتي كملي واش في يديك تحتاجي حاجة عيطي علينا برك....
رمان كلامها وخرجت مخليتها من وراها تشوف فيها ... وعينيها رغرغو عرفت لي هي غير مرغوب فيها وحتى داوود من وقت حطها ما رجعتش شفاتو...حسات روحها وحيدة....وبدأت تندم لي هي تزوجت اصلا تمالكت نفسها ورجعت لخدمتها تفوت فيها في الوقت....حتى كملت كل شيء وليل طاح عاد سمعت صوتو حتى لعندها يسقسي عليها شوي ودخل عندها طلعها وهبطها وهي شافت فيه وبعدت عينيها ورجعت تكمل في تفوار الكسكسي....قرب منها يحكي...
داوود:علاه تعبي في روحك كاين الف وحدة هنا هي توجدو...
سجى:جوباتو من غير ما تشوف فيه...العادات هكا ..
داوود:حس بيها شيء حاجة قرب منها أكثر يحكي... واقعة معاك حاجة قلقك واحد...
سجى:لا حتى واحد ما قلقني تعبانة شوي برك...
داوود:حرك رأسو ...بعد لعشاء اطلعي لدارك وارتاحي عندك نرجع نلقاك مزال واقفة هنا....لي ياكل يغسل صاحنو ...
ما جوباتوش اكتفت كان تحرك راسها ليه باه وحتى هو استغرب من برودها لكن لا لبلاصة مناسبة باه يحكي معها ولا الوقت رجع قالها جملة وحدة.."غطي شعرك قبل ما تخرجي "...وخرج مخليها هي لاتية في خدمتها حتى كملت ووجدت صحونة وحتى واحدة ما دخلت تعاونها من غير نجلاء حطو لعشاء لنساء والرجال اهل الدار برك...تعشو وشكرو طيابها ....والمرة هذي نادية هي لغسلات لماعن ....وسجى بقات قاعدة معاهم فوق من قلبها وكل مرة تشوف مفيدة تحس بوجع في قلبها ولوخرى تضحك معها وكانو ما قالت ليها والو....حتى دخل داوود وناضت مفيدة باركة ليه وتحكي معاه وتضحك قدامهم....وهو يجاوب فيها فوق من خاطرو انهى حوارو معها بالفن وهز مرتو وطلع لدارو....وغير قفل الباب وشعل الضوء بدأت عملية لاستكشاف عند سجى ....أما هو تبعها بعينيه حتى كملت عاد نطق...
داوود:واش سمعني اسجى...شافها راح نحكي سبقها...من غير ما تقولي والو واش هدرنا الصباح..
#يتبع
حلقاتنا خلاصو نحب أرااء دخلنا في صح ....#بونوي