قصة بعنوان:#عروسي بقلم:#ساجدة_سجود (زيني حلا)

الحلقة 32⁦🔺

🔺الحلقة 32⁦🔺
🔻عروسي..........#ساجدة_سجود🔻
تحوس كيف المهبولة على تليفونها ....مرة تبكي مرة تسبها...عينيها معميين ....من كثرت لعصاب حسات بوجع في حزامها ومع ذالك ما إهتماتش وباقت تحوس على ساكها من كثرت الغش قدامها لكن مكانتش شيفاتو.... غير لمحاتو هزاتو ويديها يترعدو...جبدات تليفونها ودخلت طول للاسم....عيطت عليه صونا حتى قطع وحدو...عاودت عيطت عليه حتى قطع عليها هو وعيط عليها بالوقت يحكي....
داوود:سجى مشغول دورك ...
سجى:منعرفش مشغول أنا....دورك تجي لدار وإلا والله نعمل حاجة في روحي ونخليكم عبرة لناس الكل...
قطعت الخط عليه تنهج بكلها....ما فكرتش مرتين هزات تليفونها وعيطت على ماماها لي هزات عليها بالوقت وغير سمعت صوتها طرشقت بالبكاء مخليا قلب كلثوم يتهز من بلاصتو....حكات ليها كل شيء من لاول حتى للآخر...وطلبت منها يجو ليها طمنتها كلثوم وقطعت معها الخط....
لتحت هبطت من عندها معصبة ....دخلت على امها كيف لعجاجة ...خالتها غير تشوف قعدت قدامها تحكي...
نادية:شوفتيها أماما شوفتي مرت والدك واش عملت....هزات يديها وضربتني كف لا وزدات سحتتني من دار خويا....شوفتي واين وصلنا....
عزيزة:ضربت صدرها تحكي...اشومي على ضرباتك واش هذي هبلت كيفاه تضربك...ناضت من بلاصتها... هذي لازمها لي يعاود يربيها ....
نادية:لا خليها راح تدفع الثمن لكن اذا طلعتي عندها راح نولو حنا لي غالطين....تكون عيطت عليه اخرجي استنايه لبرأ....
حركت ليها رأسها بأه وخرجت مخليتها هي تتنفخ وتتفش وحدها....دقائق حتى وصل داوود رجليه اعلى من راسو ما فاهم حتى حاجة....لقاء أمو قدامو وقبل ما يلحق ينطق نطقت هي...
عزيزة: وصلت بمرتك تضرب اختك و تسحتها من دارها...بقى ليها كان تجي تضربني أنا...
داوود:واش من ضرب واش صاير ....ما فهمت حتى حاجة...
نادية:أنا نفهمك... طلعت عند مرتك في نيتي نصفي لأمور بيناتنا....ولات تتهز ووتنفض عليا ....قوتلها لي انا ما عندي حتى ذنب في شيء لوقع علاه خويا قطع معيا الهدرة...قاتلك أنا ما دخلنيش وهي تلقها مخلات ما قالت ليك....في لآخر ناضت وسحتتني من دارها بوجهها الصحيح...
من غير ما يجاوبها طلع الدروج ....الدرجة يعمل فيها زوج درجات حتى وصل للباب فتحو بيديه يرجفو ... غير تفتح دخل وخلاه مفتوح يعيط عليها حتى لمحها واقفة قدام شمبراتها تبكي كيف طفلة الصغيرة تهز قلبو من بلاصتو ....قرب منها أكثر وعينيه يدورو على وجهها ركز مع اثار الصوابع لي مرسومين على خدها وعقد حواجبو يحكي.....
داوود:واش واقع علاه تبكي وشكون ضربك...
سجى:لا رد غير تبكي...
داوود:انطقي قولي واش واقع هنا انتي تبكي هنا وهم لتحت مقيمين القيامة....وانا لحمار وسطكم....
سجى:اختك لي ضربتني اختك لي هانتني في قلب داري .....واش ذنبي انا علاه يكرهوني اذا انت ما تحكيش معها أنا واش دخلني..والله منعرف لي انت وياها ما تحكوش...كرهوني في حياتي كي هي كي امها....شافت فيه عينيها حمر... اختك ضربتني في وسط داري وقالتها ليها بصريح العبارة راح نخربلك دارك....
داوود:لبسي عليك وخلينا نهبطو...
سجى:ما نخرجش من حتى يجو والديا اليوم كل شيء لازمو يوضاح....
داوود:عيطي عليهم....فوت يديه على وجهو...علاااااه اسجى علاااااااه مرانيش رااجل أنا باه تعيطي ليهم هم علااااه ما ستنيتنيش أنا حتى نجي علااااه تتصرفي من رأسك ....
سجى:ما تعيطش عليا مرانيش نقصاتك حتى انت اذا كنتو متوقعين لي انا مقطوعة من شجرة تكونو غالطين كي انت كيف اهلك....اختك فيضت الكاس اليوم يا تلقالي حل معاهم....يا كل واحد يشد طريق....
بعد كلامها ساد الصمت بياناتهم....ما قال ليها حتى كلمة رجع ادراجو ودخل لصالون قعد داير و جهو بين يديه هم الدنيا ودين طاح عليه...معارفش قداه فات عليه الوقت ما فاق كان على صوت دق...ناض من بلاصتو لقاهم اهل سجى....سلم عليهم ودخلهم نزل عيط عليهم طلعو عندو امو واختو وحتى من باباه...سجى غير لقات امها تقول واش لقات ترمات في حضنها تبكي وتقول ما بكيت خلات كلثوم تبكي معها...
#يتبع