قصة بعنوان:#عروسي بقلم:#ساجدة_سجود (زيني حلا)

الحلقة 40⁦🔺

🔺الحلقة 40⁦🔺
🔻عروسي..........#ساجدة_سجود🔻
نهار جديد على ابطلنا...كانو راقدين في أحضان بعض مستمتعين وناسيين كل شيء وقع معه...واعدين روااحهم يبداو حياة جيدة....كان أول الفايقين هي سجى بقات تشوف فيه وهو مغمض عينيه مستسلم لنوم...ابتسمت وقت تفكرت ليلتهم تاع البارح ليلة غير كل ليالي....غاب فيها العقل وحضر فيها القلب... مشاعرهم في زوج هي لي كانت تسير فيهم....شهوتهم في بعض كانت طاغية وشوقهم اكبر من اي وقت كان... هزات يديها وفوتتها على ملامح وجهو ....سرحت في أفكارها ... عندها الف حاجة لازم تعملها منهم تخرج هي وياه يشرو حوائج للبيبي تاعهم.... وحاجة أخرى حابة تعملها لكن قبل لازمها تتشارو معاه....حسات بحركتو شيء لي خلاها تنتبه ليه....ابتسمت وقت جات عينيها مع عينه وقالت...
سجى:صباح الخير....
داوود:صباح نور....هز يديه يحك في عينيه....قداه ساعة....
سجى:منعرف لكن رقدنا بزااف على غير العادة....
داوود:ما يهمش العمر بايتين خدميين ...
سجى:دخلت رأسها في صدرو تحكي...خلاص لازم تحشمني....مزية صلينا الفجر عاد رقدنا....بعدت عليه لقاتو يشوف فيها بوحدة طريقة خلاها لا شعوريا تبتسم ....بقى متبعها بعينيه حتى تنهد وقال..
داوود:عمرك ما تبقاي تبعدي عليا اسجى كون يوقع بينا واش يوقع تبقاي في دارك...
سجى:ما تتكرش ما بقيتش نبعد عليك ولا نخلي داري نهائيا....احمم داوود محتاجة ناخذ رأيك في حاجة...
داوود:انشاء الله خير....قول نشوف..
سجى:حابة نروح نعظم لأجر لنادية في ولدها....وحتى انت تروح معيا نديرو واجبنا ونرجعو....
داوود:لا اسجى ....هكا بعاد عليهم رانا بيا...
سجى:نعرف وراح نبقاو بعاد حدنا حد رواحنا.... ومرانيش راح ننسى واش عملت فيا ولي هي السبب في بعادي عليك...وزعما خسرت والدي في جرتها هي...لكن هذا شيء وموت والدها شيء اوخر .... الموت ما يتشمت فيها حتى واحد ....وانا حابة نروح نعمل واجبي بصفتي مرت خوها نعظم ليها لأجر ونرجع لداري....وانت خوها واجبك توقف معها ....وعمرك ما تعاملها نفس معاملتها... حتى حنا راح نكونو أم واب ونعرفو بحق الكبدة....
داوود:ضرتني اسجى ضرتني بزاف ....حياتي شعرة ولا خسرتها ليا....كيفاه راح نشوف فيها موت والدها غاضني هو ملائكة ما عندو حتى ذنب...
سجى:ها إنت قولتها ملايكة وما عندو حتى ذنب... حياتنا جديدة حابة نبدوها من غير حتى مشكل مع حد حنا نعملو واجبنا والباقي خليه للوقت....
داوود:نوضي نفطرو ونتحركو....حاب نشوف والدي ثاني نطمن عليكم...
سجى:لكن مزال ما وصل موعدي مع طبيبة...
داوود:نديرو استثناء العمر نوضي يلاه....
ناضت سجى من جنبو دخلت لدوش غسلت وجهها نشفاتو وخرجت للكوزينة توجد لفطور...مخلياتو هو يخمم في كلامها ....ما ينكرش لي هي كبرت في عينيه وقت خممت فيه هو وفي اختو برغم كل شيء عملاتو ليها....لكن مزال مهزي في قلبو من جهتها ....وكون ماشي سجى مكانش راح يعتب دارها ...موت والدها غاضو ووقف معاهم طول ايام العزاء دار واجبو بعدها جبد روحو.....وكل أمرو لله وناض من بلاصتو دخل لدوش غسل روحو وخرج عندها فطرو مع بعض ونظمت هي دنيا عاد لحقاتو لبست حوايجها وخرجو اليد في اليد ....ركبت معاه وديمارو في إتجاه الطبيبة لي حكاو معها في طريق زعما رفضت لكن اصرار داوود خلاها تقبل....مسافة الطريق وكانو قدام العيادة تاعها ....نزلو يضحكو مع بعض وداوود متحمس بزاف باه يشوف والدو....بقاو يستناو دارلتهم حتى جات ودخلو عندها.... استقبلاتهم بالضحكة على وجهها دخلتها طول للفحص و خلاو. داوود يشوفو عينيه رغرغو وهو يشوف فيه...طمنتهم عليه وعلى صحة لام ...بشرتهم بجنس البيبي كان طفل ...عطاتهم موعد اخر شكروها وخرجو من عندو مع وقت لغداء قدقد...هزها لاقرب مطعم عاائلي تغداو مع بعض وهو يدور يدور ويقرب ليها الماكلة ....كملو وناضو من ثم اليد في اليد ....للمحلات كانو قراب من المطعم....اي حاجة تشوفها تهزها للذراري تهزها....ما عرفوا جنسو شرات اي حاجة زرقة وعجبتها وداوود يخلص ....هزو ساشيات ورجعو لطموبيل وديمارو راجعين أدراجهم للدار....وفي طريقهم قررو يفوتو على نادية يديرو واجبهم ويهنو ضميرهم....
#يتبع