قصة بعنوان:#عروسي بقلم:#ساجدة_سجود (زيني حلا)

الحلقة 39⁦🔺

🔺الحلقة 39⁦🔺
🔻عروسي..........#ساجدة_سجود🔻
بقاء يشوف فيها وكلامها صحيح الكل ما ينكرش هذا شيء....نزل عينه لكرشها لمنفوخة ويديه لي محطوطا عليها....بقى يشوف فيها من غير ولا حرف يخمم في كلامها....خلاها تبقى حتى هي تشوف فيه ولحظة حسات لي شخص لقاعدة جنبو ولي كانت تحكي معاه ماشي هو نفسو داوود راجلها...حسات بإحراج وقت ما لقات منو حتى إجابة ....نزلت يديه من عليها وحابة تنوض من جنبو لكن هو كان عندو رأيي اوخر حكمها من يديها قربها ليه مصغر فيها عينيه..
داوود:فيسع استسلمتي....ويني سجى لي كانت تحكي من شوي على حياة جديدة...
سجى:الحياة جديدة لازمنا نكونو فيها في زوج لكن ظاهر إنت مهزي عليا في قلبك بزااف....
داوود:ابتسم على كلامها وقال....لي يحب اسجى ما يهزش فقلبو على شريك حياتو....باسها من فوق جبينها ربي زرع حبك في قلبي ...و مدام اخترتك حلالي لازمني نحط.يدي في يدك....ونصبر...
سجى:قربت منو اكثر وحطت جبينها فوق جبينو فرحتها ما تعطيها لحتى واحد ...ضحكت بحماس وقالت نحبك ادودو تاعي....وعمرنا ما بقينا نتفارقو الا في الموت ....
داوود:ضربها بجبهتو يحكي...هانتي كنتي ماشية مليح خسرتيها بدودو هذي ....
سجى:نحبها أنا وتعود ديما نقولها ليك ....
داوود:ايه انتي قوليها وانا نعاقبك بطريقتي....
سجى:ضحكت بالصوت وقالت واش من عقوبة ادودو...
قبل ما تستوعب كان حط شفايفو فوق شفايفها ومخليها توسع عينيها لكن فيسع ما تجاوبت معاه وانتقلوا في زوج لعالمهم الخاص ...من كان راح يعاقبها ولا طمعان فيها أكثر....لزوج كانو ملهوفين على بعض واشتياقهم لبعض هو لي يحرك فيهم....فصلت القبلة مخلياتو يخزر فيها ....وقبل ما يحكي حطات صبعها على شفايفو تحكي وتنهج بسبب لهواء لي تقطع فيها
سجى:ماشي دورك لازمنا نلمو دارنا قبل...
داوود:غمض عينيه معصب ...سجى سجى قداه من مرة نقولك ما تقطعينيش..
سجى:اصبر شوي برك...بعدت عليه تضحك على شكلو خلاتو يهز مخدة صغيرة و يحادفها بيها...هربت من ثم دخلت للكوزينة شهقت بالوقت ....وكلت امرها لله نحات خيمارها وجلابتها بقات بڨندورة ....لبست طابلية وهزات وحدة أخرى أدتها ليه رماتها عليه خلاتو يشوف فيها ومرة يشوف في الطابلية...
سجى:يلاه أراجلي لعزيزة عاون مرتك لي واحلة في روحها....
داوود:رجعها ليها في بلاصة يحكي...روحي ابنتي شوفيلك حاجة اوخرى تلهي فيها....قالك تعاوني ...
سجى:عاودت رجعتها ليه عاقدة حوايجها تحكي...لا اسي دودو راح تعاوني هي راح تعاوني....
داوود:سجى كلمة وحدة...
سجى:يعني ما نغيضكش أنا ووالدك ....حاملة وتخليني نخدم وحدي...وزيد واش فيها اذا نضتي عونتني ماشي انت لي سببت الفوضى هذي الكل....علاه نحصل فيها أنا وحدي...مرتك مريضة وانت ماشي معاوني خلاه...
بقات تحكي وتشكي خلاتو غير يشوف فيها....وكل أمرو لله وناض من بلاصتو يعاون فيها .... ابتسمت بنتصار و خلاتو يجمع الصالون ويهز حوايجو يديهم لدوش يحطهم في سلة لقش وهي تكلفت بالكوزينة غسلات لماعن الكل نظفتهم ....وحطات لعشاء فوق النار يطيب عاد كملت مسحت البوطاجي ومسحت لارض خالاتها تشعل....وريحة الماكلة تفوح في الدار... طلت عليه هو لقاتو مزال حاصل شبعت عليه ضحك وهو يدور يدور ويخزر فيه كشما تحشم لكن هي والو حتى نطقاتو....
داوود:تسكتي ولا ندير بناقص وعومي بحرك....
سجى:قداه جيت غزال وانت تعاون في مرتك ...لكن اروحي لازمك تخف يديك شوي ....على حساب سرعتك راح نباتو هنا...طرشقت بالضحك خلاتو يحط واش في يديه ويقرب منها..غير شفاتو جاي ليها هربت خلاتو يعيط من ثم...
داوود:والله نسمعك تضحكي تخلصيها....ونخليك حاصلة وحدك ونزيد نبيتك فايقة لصباح....
دخلت لشمبرة شبعت عليه ضحك ....كملت جمعت الدنيا ثم بدلت غلاف السرير ....مسحتها حتى هي ومسحت دوش ولكلوار كملت بالصالون لقاتو كاملها وقاعد يتفرج....فوتت عليهم معطر خلات دار ريحتها تشعل....تفقدت عاشها واين وصل....ما كملت حتى تهدات هزات حوايجها ودخلت لدوش دوشت ولبست حوايجها ثم...دارت القش في الماشين خلاتو يتغسل وجدتلو الدوش وعيطت عليه دوش وحتى من حوايجو جابتهم ليه معاها.... خلاتو هو دخل دوش ورحت هي لكوزينتها لقات لعشاء طاب طفات عليه وبدأت توجد في الطاولة وتليفون في وذنها تحكي مع ماماها طمن فيها ....كمل هو دوشو وخرج طول للكوزينة وقف في الباب يشوف معها دارو رجعت نورت مرة أخرى غير رجعت ليها....انتبهت ليه وقفلت الخط ...قعدو يتعشاو مع بعض في جو عائلي....كملو وغسلت هي لماعن غير شافها كملت هزها من لارض مخليها تضحك بأعلى صوت....وهو منزل راسو يسرق في قبولات من شفايفها خدودها جبهتها ....دخلها للغرفتهم لي شهدات على بزاف من مشاعرهم.....وقفل من وراه الباب ...
#يتبع