قصة بعنوان:#عروسي بقلم:#ساجدة_سجود (زيني حلا)

🔺الحلقة 41⁦🔺

🔺الحلقة 41⁦🔺
🔻عروسي..........#ساجدة_سجود🔻
مسافة الطريق ووقفو قدام العمارة لي تسكن فيها نادية....وقف الطموبيل وبقى يشوف قدامو وسجى تشوف فيه....ضاغطة على قلبها حتى هي وجايا بسيف... المهم عندها تقوم بواجبها بعدها تخرج من وما تبقاش تعتب فيها حتى لوقت اوخر...تنهدت وشافت فيه تحكي...
سجى:لازمنا نهبطو اداوود...
داوود:شاف فيها وحرك ليها رأسو بأه....لكن قبل ما تهبط قال....واش يوقع واش تسمعي ما تزعفيش منو... اي ردت فعل منها تقبليه على خاطر انتي لي جايا عندها برجليك...
سجى:عاملة حسابي متخافش ....المهم عندي أنا نعظم ليها لأجر ونهني ضميري وهي تقول واش تحب ما بقاش يفرق معيا....
داوود:انزلي ماله ...
نزلو ستناتو حتى وصل عندها...دارت يديها في وسط يديه وطلعو في دروج ....ووقفو قدام الباب هز يديه ودق مرة وزوج وثلاث عاد بقاو يستناو ...حتى تفتح عليهم وكانت عزيزة هي لي فتحت تفاجأة وعينيها خرجو وهي تشوف فيهم....سمعت بيها رجعت لكن بنتها هدتها....داركت لأمر وابتسمت ابتسامة خفيفة تحكي...
عزيزة:مرحبا بيكم...
حرك ليها داوود رأسو وقربت سجى سلمت عليها ببرود عملت الواجب برك وكبرت بيها....مهما يوقع تبقى ام راجلها وفي عمر امها...دخلو لداخل واين كانت نادية قاعدة مهدودة عينيها منفوخة وحمر من كثرت لبكاء على والدها .....بقاو واقفين يشوفو فيها وهي ما إنتبهاتش ليهم نهائيا....دارت شافت فيه وحتى هو شاف فيها حرك ليها رأسو بأه... هزات يديها ودقت على باب الصالون عاد انتبهت ليهم بقات تشوف فيهم من غير ما تقول حتى كلمة فقط نظرات....وايني نادية لي تخرج في عينيها وتعارك....وايني نادية لي الشر راح يخرج من عينيها واخر مشكلة كانت هي سبابها.... كأنك هزيتي شخص وحطيت شخص آخر....قربو منها متأسيفين على حالتها ....سلمت عليها سجى وقالت..
سجى:عظمة الله أجرك انادية...
تبعها داوود سلم عليها من غير ولا كلمة ....لكن قلبو لداخل يبكي دم على حال اختو ....الدم عمرو ما يولي ماء مهما يكون ....قعدو متقابلين معها وعزيزة واقفة في الباب تبكي على الوضع لي وصلو ليه...ندمت على كل شيء ...ياريت كان يرجع الزمان راهي ما تسرعتش في الحكم عليها قبل ما تعرفها....ولا تخسر والدها ولا بنتها تخلص هي ....وتخسر والدها عمايلهم في بنت الناس خرجت فيهم....حتى باه تدخل حشمت عطاتهم بظهرها مبعدة من ثم لكن سجى سبقتها وقت عيطت عليها...
سجى:عمتي عزيزة ...واين رايحة...مراكيش راح تقعدي معنا....
عزيزة:دارت شافت فيها تبكي وتقول ما بكيت ...حركت ليها رأسها بأه تحكي...نروح نجيبلكم تشربو حاجة...
سجى:ما تعبيش روحك اصلا حنا مراناش مطولين...
ما زداتش معها الهدرة دخلت قعدة من غير ولا كلمة... خلات داوود ونادية يشوفو فيها راجلها بفخر .. ونادية تشوف فيها بخجل تقارن في روحها بيها هي... نزلت عينيها لكرشها ورجعت طلعتهم في وجهها لمنور والفرحة بينا من عينيها....قارنة قلبها مع قلب سجى وسألت روحها سؤال واحد وقتها... كون جات العكس وهي في بلاصتها كانت راح تروح ليها ....راح تعاملها هكا....ولا كانت راح تششفى فيها...غمضت عينيها باسى و خانوها دموعها نزالو يجرو على خدودها...وشافت فيها تحكي...
نادية:سجى ..شافت فيها سجى...واش نهدر واش نقول مرانيش راح نغير حتى حاجة من لي وقعت... هاكي تشوفي في حالتي لي فيا يكفيني والدي وخسرتو ... وفرحتي دفنتها معاه....داري من كانت راح تستقبل بيبي كان صوتو وصوت بكاه راح يكسر صمت لي فيها استقبلت صوت بكايا أنا عليه....وانتي ربي خذالك حقك انتي و خويا مني...
سجى:لله ما أعطى ولله ما أخذ...أنا نسيت الماضي انادية حبيت نبدا حياة جديدة مع راجلي لا حابة مشاكل مع حتى واحد....صعيب ننسى واش وقع لكن هاني نحاول ننسى باه نقدر نعيش...والدك مات لكن انتي مزلتي حية ومزالتي صغيرة وتقدري تجيبي ذراري صغار ...فكري في حياتك وخلي ناس وحياتهم بعاد...
نادية:اسمحيلي أمرت خويا....اسمحيلي على اي حاجة عملتها فيك...كيف حرقت قلبك وقلبو حرقلي ربي قلبي....سامحوني في زوج هاني خلصت واش عملت...
داوود:مسامحة اختي مسامحة الله يعطيك الصبر والله يرزقك انتي و غاني....الله يهديك ديري عقلك انادية هذا لي نقولو ليك...
نادية:درتو اخويا والله درتو ....مسحت دموعها وابتسمت ... واش حوالكم لبيبي بخير ...
سجى:ايه بخير عندي والد ...
نادية:الله يجيبو ليك على خير...وربي يفرحكم بيه...
طول فترة هدرتهم حسات عزيزة روحها زايدة ناضت من بلاصتها راح تنسحب لكن وقفها داوود....
داوود:الوليدة ...ناض وراح ليها باسها فوق جبينها خلاها تبكي وتطلب في سماح تنهد يحكي...مسامحة الوليدة مسامحة ....
تصفات لخواطر...ولي غالط عرف خطأو ....قعدو كأي عائلة حكو ضحكو....من غير ما يكون فيهم حتى واحد حامل في قلبو على لوخر...نساوها شوي في همها عاد ودعوهم وخرجو ....ركبو في طموبيل وروحو لدارهم بقلب صافي وضمير مرتاح....وفرحة كبيرة غامرتهم...
#يتبع