قصة بعنوان:#عروسي بقلم:#ساجدة_سجود (زيني حلا)

🔺الحلقة 2⁦🔺

🔺الحلقة 2⁦🔺
🔻عروسي..........#ساجدة_سجود🔻
سكتو وقت شافوها هي لي ابتسمت وقربت منهم قافلا الباب من وراها .....قربت منهم تحكي..
كلثوم:بناتي مزالتو لدورك تطوو في لحوايج....
مروى(بنتها الصغيرة واخت العروسة): لحوايج بزااااف لازم ليهم الوقت....وزيد كل واحد فيهم خاصو كادو وكل كادو لازمو يتغلف...
نهى:(لاخت الوسطة للعروسة): هذا شيء هو لي ولا موجود ما عندنا ما نعملو....
كلثوم:شافت فيهم وحولت عينيها لبنتها لقاتها مزالت متبعة واش قاعدة تعمل....ومبتسمة على كلامهم تنهدت من أعماق قلبها....فراقها شيء صعيب بالنسبة ليها ... لكن ما في يدها ما تعمل طفلة ما ليلها كان دار راجلها في لاخير قد ما قعدت في دار باباها....ووقت مكتوبها جاء ومتوفرة فيه كل الشروط ....ما عندها علاه ترفض....ابتسمت لفرحتها تحكي....بنتي سجى لازمك تزربي شوي مبقاش الوقت ويجو يدو لفراش تاعك...
سجى:هزات رأسها في ماماها تحكي....هاني اماما نزرب حتى إذا ما لحقتش لي يبقى نديه معيا وخلاص....
وفاء(بنت خالتهم):نلحقو نشاء الله غير نخفو يدينا....خالتي انتي كوني مرتاحة وأرجعي لخدمتك وخالي الباقي علينا من للعشية نكونو كملنا كل شيء..
كلثوم:الله يعينكم ابناتي...
حركو ليها رأسهم ....ورجعو كملو شيء لي في يهديهم...وكل حديثهم على العريس وليلة الدخلة.... مخليين سجى كل مرة تتلون بلون وعلى وجهها لابتسامة لما تخطيهاش....حتى قاطع حديثهم مرة اوخرى صوت تليفون سجى....دورت وجهها لطاولة لي جنبها وقرأت اسمو على شاشة وسعت ابتسامتها أكثر وهزاتو ضاغطة على زر لاخضر دراتو في وذنها وما تجي في وذنها كان تسنحيمتو صرح.صوتو وقال لكلمة لتخليها تترفع والحشمة تحتل معالم وجهها...
_لحلوة تاعي في واش غاطسة ....
سجى:ضحكت تحكي...في لحوايج قاعدة نجمع فيهم...قبل ما تجو تهزو لفراش...
_تعيي في روحك انا عندي وقت نجي نهزك انتي دنيا وما فيها....
سجى: داوود خلاص ...بصوت هامس..معيا لبنات...
داوود:ايه ومن بعد ياك.غير لحلوة لي قاعدة تسمع فيا ...
سجى:لازمني نقفل دورك...تبعاتني خدمة...
داوود:ارجعي لخدمتك وما تعبيش روحك بزااف...لي تقدري عليه أعمليه...
سجى:حتى انا هذاك شيء لي نعمل فيه بسلامة...
قطعت الخط عليه وهي تضحك حتى جمعتها وقت سمعتهم يضحكو عليها....خزرات فيهم وحطت تليفونها ورجعت غطست في خدمتها تطوي هذي وتغلف هذي...وكلام لبنات ما يخطاش مرة تجاوبهم ومرة تخليهم يحكو وحدهم.....
⁦في بلاصة اخرى...وبتحديد في غرفة من شكلها واثاثها وحتى صبغة لي على جدرانها واضح لي هي جديدة....واقف وداير يد في جيبو ويدو لوخر حاكم بيها مفاتح طموبيل يلعب بيهم بين صوابعو ....وعينيه يدورو على كل شيء ممخلي حتى حاجة تفلت منو....ابتسم وقت جات عينيه على سرير وتمتم بينو وبين روحو بكلمات سمعهم كان هو....بعد نضرة تفحص بيها كل شيء دار وخرج منها ومن الدار الكل ونزل في دروج فات على باب دارهم لقى امو واقفة قدام الباب غير شفاتو ابتسمت تحكي...
عزيزة:ولدي عريسنا...
داوود:الوليدة واش لأمور كل شيء ماشي ...
عزيزة:كل شيء في بلاصتو الحمدلله ....شافت في الشاب لي كان جاي في اتجاههم....وكملت كلامها موجهاتو ليه....ولدي عادل لازمكم تتحركو لدار عروستنا كنت نحكي مع كلثوم وقاتلي كل شيء واجد لوقت لي تحبوه مرحبا بيكم....
عادل(خو لعريس):شاف في داوود ورجع شاف في أمور يحكي...دورك الوليدة من نيتك مخليا لعريس ومعيطا عليا أنا....هذا شيء ماشي عدل...
داوود:خزر فيه يحكي...تتحرك دير شيء لي قاتلك عليه ولا لا....
عادل:علاه اخويا عندي حل اوخر من غير اني نفذ ...شيء يتزوج وشيء يتعب...
داوود:اذا حاسدني هاهي الوليدة تجيبها ليك من غدوة...وتزوج.حتى انت وبركاك من.الهدرة الفارغة ما عندها بواش تفيدك....باس جبين امو وتخطاهم مكمل طريقو ومفاتحو في يدو يلعب بيهم وعينيه يدورو على دنيا الكل...ولي يفوت عليه يحركلو راسو كرد على التحية والتهاني لي يتلقى فيها ....كل الحي عارف لي عرسو بقالو ايمات...
#يتبع