قصة بعنوان:#عروسي بقلم:#ساجدة_سجود (زيني حلا)

الحلقة 33⁦🔺

🔺الحلقة 33⁦🔺
🔻عروسي..........#ساجدة_سجود🔻
كلهم تلمو في دارو....وهو مرة يشوف في سجى لي تبكي راح تخرج من عقلها ....ومرة في أختو وامو ...اب سجى ما حملش منظر بنتو وهي تبكي بالطريقة هذيك شاف في راجل بنتو عاقد حواجبو وقال....
مجيد:طفلة من وقت ما جينا وهي تبكي واش عملتولها ...هذي لأمانة لي عطيتها ليك اسي داوود..
داوود:شاف فيه حتى هو مكانش اقل منو معصب وما فهم حتى شيء ومنظر مرتو قسملو قلبو...حمحم سرح صوتو وقال...علمي علمك اعمي اديتها لطبيب صباح خليتها قدام الدار وتيسرت لخدمتي....عيطت عليا جيت رأسي أعلى من رجلي....شاف فيها وكمل...واش واقع اسجى ...
عزيزة:شوف اسي مجيد بنتك سحتت بنتي من دار والدي....
مجيد:الهدرة مع الرجال الالة عزيزة ماشي مع النساء ... شاف في علي ....واش تقول في هذا شيء اسي علي ... والدك ما يعرفش مرتو واش بيها ...ومرتك تقول لي بنتي سحتت بنتكم من دار خوها...وسؤال لأهم علاه توصل حتى تسحتها ....اذا ما أذتهاش....
علي:مشاكل النساء ما يخلاصش اسي مجيد ...وهم بنات تعاركو مع بعضهم ما نكبروش لحكاية ....
داوود:شاف فيها هي ما مديها حتى في واحد ...ناض وقف وتمشى حتى لعندها نزل لمستوها هز يديه وحطها على شعرها وقال...سجى شوفي فيا...حبسي من لبكاء و شوفو فيا ....هزات رأسها فيه عينيها حمر كيف الجمرات ووجها تغسل بالدموع ....غمض عينيه ضاغط عليهم ورجع كمل كلامو....قوليلي واش وقع علاه حالتك هكا....ياك قوتلك اي حاجة توقع معاك اروحي عندي وقوليلي....
سجى:بعدت على أمها وترمات في حضنو هو ناسية باباها وشيخها ....كل همها تشكيلي هو ...نبرت صوتو ونظراتو ليها خلاتها تنسى واش داير بيها...في عنقها ليه همست ليه بكلمات خلاوه يغلي....حڨروني اختك حڨرتني اداوود ....ضربتني هي لول لي ضربتني مخلات ما قاتلي وانا في وسط داري....تحب تعرف واش صرأ هاني قوتلك جيبلي حقي منهم...بعدت عليه خلاتو يشوف في الفراغ.....
صاد الصمت في المكان كلهم كانو يشوفو فيهم...وزوج قاعدين على الجمر قلوبهم تغلي عليهم....ناض وقف ودار شاف في اختو بوحدة نظرة نحات منها النص حاول يتمالك نفسو على قد ما يقدر ونطق...
داوود:ضربتيها انادية في وسط داري ....مرتي انادية لي انا وما نهزش عليها يدي....انتي جيتي وهزيتيها عليها.....
نادية:ضربتها ايه على خاطر ما تحترمش لي اكبر منها...كبرت بيها وجيت عندها دخلت دارها لي هي دار بابا أنا....قولت نحكي معها لكن هي بوجهها احمر تقولي منعرف والو واحكي مع خوك...اذا هي ما تعرفش ماله شكون لي يعرف.....
داوود:عيط بأعلى صوتو على تهزو الكل.... مااااا تضربيهاااااش ما تقيسيهاش ليا حتى بالضحك.... شكون انتي لي تعطي لحق هذا لروحك ....اي حاجة تقولها ليك تجي عندي أنا وتقوليلي....ما تتصرفيش من راسك...
علي:نزل راسو حاشم من نسيبو....شاف في سجى يحكي....بنتي امسحيها فيا وحقك تخذيه من هذا الرأس ....
سجى:عمي انت ما شوفت منك حتى كلمة تاع عيب... ما تحملش روحك المسؤولية....شافت في باباها وحكات معاه غير بعينيها....
مجيد:ناض من بلاصتو وقال موجه كلامو لداوود ... مدام وصلنا لضرب مابقى فيها ما يتحكى....بنتي ماشي رخيسة عندكم...لي ينوض يمسح فيها رجليه ...وقت عطيتها نحيت عين من عينيا معها ....قولت راح نعطيها لراجل يصونها ويهز عليا مسؤوليتها ...لكن الواضح لي بنتي من حطت رجليها هنا وهي تعاني....نوضي امرأ لمي حوائج بنتك...ما بقى ليها قعاد هنا.....
عزيزة:بنتك ولات مرت راجل....ما عندكش الحق تهزها من هنا...
مجيد:قبل ما يكون عندو حق هذا....وقبل ما يكون راجلها أنا باباها....وما نرضاش الذل لبنتي....
كلثوم:عزيزة بنتك ثاني كنة وحاملة من فوق واش تعملي في بنت ناس راه يخرج في بنتك...
نادية:بنتك ماشي خصيصة اعمتي كلثوم....وانا محطيا عائلة راجلي فوق راسي ماشي كيفها...
كلثوم:أنا ما عمت حتى واحد....وكلامي ماشي معاك ... نوضي ابنتي....
داوود:سجى ماااشي راح تخرج من دارها أعمي....
مجيد:بنتي راح تروح معيا هي تروح معيا.... والموضوع منتهي..
علي:استهدا بالله اسي مجيد وخلي طفلة في دارها...
مجيد:ونعمة بالله لكن ما تبقاش هنا....
داوود:مرتي هذيك واين أنا واين هي ...وهذي دارها وماشي راح تخرج منها....
بقاو يتعاركو وكلمة من وكلمة من لهيه ناسيين سجى لي صوتهم ولا يجيها بعيد...ووجع راهيب محسياتو في كرشها ....بعد ثواني فقدت الوعي وتسمعت صيحت كلثوم وقفتهم على الكلام....
#يتبع