قصة بعنوان:#عروسي بقلم:#ساجدة_سجود (زيني حلا)

الحلقة 34⁦🔺

🔺الحلقة 34⁦🔺
🔻عروسي..........#ساجدة_سجود🔻
طار في إتجاهها وهزها في حملتو ...قلبو راح يخرج من بلاصتو بالخوف....مسبلة ...غائبة على الوعي... هاربة من المشاكل.لي من نهار تزوجت وهي طيح عليها كي نو....في اخير بعد صبر فقدت اخر ذرة تحمل عندها واستلمت لظلام...والم النفسي ينهش فيها أكثر من لالم الجسدي....
ما عرفش روحو لا كيفاه هبط الدروج ولا كيفهاه حتى ركبها وطار بيها للسبيطار....ما فاق كان ما خذوها من يديه مخلينو واقف جامد....عقلو وقلبو ورحو روحو معها....قعد فوق لكراسى منهار من واين راح يلقها....كل مرة يقدها من بلاصة ترجع تخرب من بلاصة اخرى....صباح برك كانو عند طبيبة و فرحانين بولدهم. مزال ما كملت فرحاتهم خرجت ليهم مشكلة اوخرى وهاهي مرتو و والدو لداخل ما يعرف عليهم والو....دار رأسو بين يديه كتافو طايحين....حالتو ما يعلم بيها كان ربي سبحانو....
لحقو عليه ام سجى و باباها وحتى أمو و باباه وخوه عادل....لقاه قاعد مسلم أمرو لله....حتى حس بيهم مهزش راسو....وحتى هي ما شافوش فيه من غير خوه عادل لي حطلو يديه حتى كتفو و طبطب عليه ... بقاو كلهم يستناو فيها على احر من الجمر ...كلثوم تبكي وقلبها شاعلة فيه النار ...عزيزة عاملة الواجب برك أما رجال واحد قلبو وجعو على بنتو....ولوخر على والدو لي حالتو تشفي لعدو.....بعد ساعة وقفت قدامهم طبيبة تحكي...
طبيبة:انتم اهل لمريضة سجى...
داوود:مرتي ادكتورة ووالدي هم بخير....
طبيبة:مرتك امسيو كانت في حالة انهيار والجنين منع من لإجهاض بمعجزة من ربي سبحانو....نفسيتها تحت الصفر وهذا شيء يضرو بزااف...نظن طبيبتها نبهتكم ...
داوود:نزل راسو ورجع طلعو يحكي...قدر الله وماشاء فعل....نقدر نشوفها...
طبيبة:ايه تقدرو تشوفوها غير يكمل السيروم تقدرو تخرجوها لكن تبعد على اي مشكلة واي جهد يفضل تبقى ناعسة على ظهرها وتخفف من الحركة باه الجنين يثبت الحمدلله على سلامتها.....
انسحبت الطبيبة من ثم مخليتهم واحد يتنهد براحة ولوخر ما على وجهو حتى تعبير....دخلو عندها الكل ما عدأ عزيزة لي منعها راجلها وهي ما رضاتش بهذا شيء...
عند سجى كانت فايقة وسارحة بنظراتها يديها على كرشها وكلام طبيبة يتعاود في دماغها...واش قالت ليهم قالتو ليها حتى هي....يديها فيها سيروم وجهها شاحب عينيها دخلو رأسها ....سمعت الباب تفتح عرفتهم هم لي دخلو عندها... اول واحد كان داخل عندها وقرب منها كان داوود قعد جانبها هز يديها وباسها يحكي..
داوود:لعمر خلعتيني عليك...
سجى:تشوف فيه برك من غير رد...حولت عينيها لامها لحكات معها ...
كلثوم:بنتي انتي بخير....
حركت ليها كان رأسها بأه بعدها ساد الصمت ما لقاو ما يقولو ....وخافو يهدرو وهي وضعها الصحي مدهور.... داوود يشوف فيها ويقارن في الصورة لقديمة ليها في عقلو مع هذي....غمض عينيه بحسرة على وضعها كون جاء يعرف لي مرتو راح تعاني وهي حتى ثلاث شهر ما كملتهم لا كان يجب بنت الناس ويعذبها معاه...ولا حتى والو تزوج يهزها ويسكن في بلاصة ما يعرفو فيها حتى واحد....لكن واش يعمل لي وقع وقع...
كسر الصمت صوت سجى وهي تشوف فيهم الكل ...
سجى:ممكن تخلونا أنا وراجلي واحدنا. ..
استجابو لطلبها وخرجو الكل مخلينهم واحدهم....شاف فيها بفضول يستنى فيها واش راح تقول وحتى هي ركزت عينيها مع عينيه وقالت...
سجى:مرانيش مستعدة نخسر والد على جال حتى واحد ....تحملت وصبرت جيت على روحي وكبرت عقلي وقولت معليش كل شيء يهون على جال راجلي وداري وحتى وقت سمعت لي انا حاملا زادت طولت في صبري وغمضت عيني على الف حاجة....لكن لهنا وخلاص لا بقى عندي الجهد ولا حتى الصبر ....وصلت لتوب وشعرة لا ترزيت في ولدي والكف لي كليتو هذوم لي فيضو الكاس...
داوود:عقد حواجبو وقال...المعنى من كلامك...
سجى:أنا راح نروح مع دارنا اداوود وهذيك الدار عمر رجلي مزال نحطها فيها....أنا و ولدي محتاجين لراحة ومرانيش راح نلقها الا فوسط عائلتي لي تحبني من غير تصنع....
داوود:ايه وانا ...لمن تخليني...
سجى:انت عندك امك واختك يحبوك كل همهم أنا هاني راح نخليها ليهم ....
داوود:وتقدري تبعدي عليا....اذا انتي تقدري أنا ما نقدرش ....
سجى:لازمنا نبعدو حياتي ولات جحيم....هذي رغبتي ونتمنى ما تعارضهاش على خاطر وقتها راح نروح بسيف....
داوود:بجملتها أنهت الحوار ...ناض وقف وشاف فيها وحتى هي شافت فيه لزوج كارهين البعد لكن تكتب عليهم....قرب منها ونزل لمستواها حط شفايفو فوق شفايفها وباسها في وسط قبلتو نطق ...نموت عليك ...بعد عليها مخلي دموعها ينزو على خدودها جبد دراهم من جابو وعطهم ليها وخرج من عندها ما شاف حتى في واحد فات خلص وركب طموبيلتو وديمار من ثم مخلي اغلى ما يملك وراه..
#يتبع