قصة بعنوان:#عروسي بقلم:#ساجدة_سجود (زيني حلا)

🔺الحلقة 25⁦🔺

🔺الحلقة 25⁦🔺
🔻عروسي..........#ساجدة_سجود🔻
قطعت عليه الخط وحطات تليفونها يتشارجا وخرجت عندهم لقاتهم الكل في الكوزينة كلثوم توجد في لعشاء ولبنات يغسلو في لماعن...قربت منهم وقالت...
سجى:نعاونك في حاجة...
كلثوم:دارت ليها تحكي...لا ابنتي أقعدي أرتاحي دورك انتي بروحين....لازمك تعملي حساب لخطواتك...
سجى:جبدت كرسي وقعدت عليه....عاد شاف في أمها وقالت...والله من وقت ما فقت بروحي وانا نمشي بالحساب اماما....كيف كيف داوود حتى هو يعس عليا عس...
كلثوم:دارت لبرمتها وضحكت عليها ....كون تشوفي باباك وقت سمع بيا حاملة بخوك سمير....قالي يديك ما تحطيها في الماء...مع وقتنا حنا غير وقتكم....امرأة اذا ما ناضتش صباح و طيبت غداها وخبزت كسرتها.... حتى واحد يعطيها....ما عليك كان بالصبر ونشاء الله تولديه وتنسي تعبو الكل....
سجى:تعبو راحة ....لحمدلله على نعمة ربي ....شافت في خواتها كملو خدمتهم وخرجو ...لقاتها الفرصة تفتح قلبها لامها....ماما ...
كلثوم:غطاء على برمتها وشافت فيها...من كلمت ماما لي نطقتها حسات بيها....تنهدت وقربت من طاولة وقعدت متقابلة مع بنتها لي بقات متبعتها بعينيها حتى قعدت....نطقت وهي دور في عينيها على وجهه بنتها تقرأ في ملامح ووجها.... احكي ابنتي واش في قلبك خرجيه....
سجى:عمتي عزيزتي من نهار روحت عندها وهي ما تحملنيش والله ما عملت ليها حتى حاجة....عمري لا قلالت منها ولا سمعت مني كلمة العيب....مفهمتش وعلاه ماشي هضمتني لا هي ولا حتى بنتها....تصوري اماما نهار صباحي مخبريني لي امو كانت محطيا العين على بنت اختها ....ناوية تخطبها ليه...نزلو دموعها بالوقت ....من يومها وانا نسمع ونخبي حتى لنهار الجمعة وقت نزلت عندها أنا في دارها وهي هزات روحها وخرجت عند بنتها مخليتني انا وحدي... معرفتش هذا شيء الكل وعلاه.... حتى وقت روحت طليت عليها وقت تعاركت مع ولدها عاملتني معاملة باردة و كأني وحدة غريبة عاملة الواجب معيا برك...
كلثوم:لعجوزة مرة ابني واش عندك ما تعملي ... أنا كنت كيفك ولا اكثر منك... لكن هاني مزالت محافظة على داري و ولادي...كون تبعت جداك و عماتك كون رآهم طلقوني من سنين...شيء واحد لي ننصحك بيه وحطيه حلقة في وذنك ....عليك بإحترام ليها مهما تعمل ليك احترمها باه ما تكسب عليك الحق ....اي واحد ابنتي ما يرضاش امو تتهان...اذا قلالتي من احترامها من كان ليك الحق يولي عليك....ربي ما يخلي حتى واحد يمهل ولا يهمل....إديها في راجلك و ولدك... وخليهم هم....كيف عملت أنا و هاكي تشوفي الحمدلله جداك وايني وحتى عماتك....كلهم تزوجو وحكمو ديارهم ....و جداك الله يرحمها كون تبعتهم راني خربت داري بيدي....راجلك معاك مليح....
سجى:مليح عامل كل جهدو باه يخليني مرتاحة...حتى وقت سمع بيهم مخلا مقال ليهم...عمرو ما قلي كلمة ولي نحل عليها فمي نلقها....واهم حاجة محترمني....
كلثوم:هذوم هم أهم حوايح.. مدام هو معاك مليح وماشي ولد امو....مدامو راجل معاك وما مخالي ما عمل ليك....انتي لازمك تكوني فحلة و تصبري معاه...وكيف و صيتك اغنيها ديري واجبك ككنة وخليها هي بينها بين مولاها....وحتى بنتها راهي كنة واش تعمل راح يرجع عليها....
سجى:والله اماما راني مكبرة معاهم عقلي لاخر درجة... الحمدلله داوود عمرو ما قالي كلمة...ربي يهديها....هزات يديها مسحت دموعها ...وكملت مبتسمة مع ماماها...ما تشغليش بالك معيا ...أنا اصلا حاكمة داري لا نروح ليها ولا ندور بيهم....الا في مناسبات ولا المرض ....نطل مني من الناس....
كلثوم:ناضت طل على برمتها زادت ليها الماء وغير كملت بنتها جاوبتها....هكاك اجبدي روحك مدام ماشي حاملينك أربحي راحت بالك...خالي اهتمامك الكل لراجلك هو لاساس...
سجى:حتى انا هذاك لي عملاتو ...نوض نطل على لبنات نقعد معاهم شوي....
كلثوم:روحي أبنتي الله يرضا عليك دنيا واخرة....
خرجت من الكوزينة وهي تردد في أمين على دعوة امها مرتاحة لي هي فشت قلبها لامها ونحات عليها شوي....وسمعت لنصائحها لي راح تعمل بيهم باه تربح راحة بالها....
#يتبع