قصة بعنوان:#عروسي بقلم:#ساجدة_سجود (زيني حلا)

الحلقة 31⁦🔺

🔺الحلقة 31⁦🔺
🔻عروسي..........#ساجدة_سجود🔻
طلعت لدارها فرحانة بولدها فتحت الباب ودخلت حطات لمفاتح وساشي دواء من يديها غير خطات الخطوة تسمع صوت الدق على الباب استغربة وقربت فتحت لقاتها اخر شخص ممكن تتوقع تشوفو...
سجى:نادية مرحبا...
نادية: مرت خويا...قربت وسلمت عليها بالوجه ....واش حوالك...
سجى:الحمدلله ادخلي...
دخلت وقفلت من وراها الباب...دخلتها لصالون تحكي...
سجى:والله هذا واين وصلت حطني داوود قدامو الباب وراح...نخليك خمس دقائق و نرجعلك ادار دارك ...
نادية:ما تحتاجيش تقوليلي عزيزي دار خويا هذي...
تقرصت سجى من ردها ومع ذالك بقات محافظة على إبتسامتها...انسحبت من ثم طول لغرفتها نحات جلابتها ولبست ڨندورة صيفية خفيفة ...نحات خيمارها نفست شعرها رشت عطرها ولبست كلاكيتها.... عاد خرجت عندها مبتسمة ....قعدة متقابلة معاها مخليا نادية طلع وتهبط فيها....
سجى:واش حوالك مع الحمل كرشك بانت مشاء الله ....
نادية:حطات يديها على كرشها وقالت...ايه بانت وانتي واش قاتلكم طبيبة....
سجى:قالت لبيبي وضعوا بخير الحمدلله ..
نادية:الحمدلله...لمهم اسجى ندخلو في الموضوع لي جيتك عليه ...
سجى:استغربت و جاها فضول لكن قالت...لازمك تشربي حاجة قبل عاد نحكيو...
نادية:لا ما تعبيش روحك ...شربت عند ماما...كشما سمعتي مني انا أمرت خويا....
سجى:عقدت حواجبها من سؤالها تحكي...لا علاه ...
نادية:خويا قاطع معيا الهدرة من وقت ماما خلاتك في الدارنا....ووقت حكات مفيدة على قصتها مع خويا أنا ثاني لي قولتها....منعرف واش بيك معيا اي حاجة توقع تلصقيها فيا....و منعرف ثاني واش قولتي ليه حتى ولا ما يشوفش في وجهي....
سجى:أنا ما قلت لخوك حتى حاجة... روحي احكي معاه هو وسأليه على السبب لي خلاه ما يشوفش فيك أما أنا ما عندو ما دخلني بيناتكم انادية....
نادية:كيفاه هذي ما عندو ما دخلك ...تعمليها عاد تحطي روحك ما عملتي حتى حاجة....أنا شيء واحد حابة نعرفو مشكلتك مع ماما خلاتك وحدك على حد قولك منها عملتي حكاية أنا علاه مدخلتيني في الوسط وفتحتي عليا باب المشاكل مع خويا....
سجى:قوتلك انادية وراح نعاودها ليك...خوك اذا قطع كلامك فهو الوحيد لي يعرف علاه...أنا ما دخلنيش فيكم حاكمة داري ومديتها في روحي ....ما قوتلو يقطع كلامك ولا فاتحتو نهار في موضوع عليك...أنا اصلا منعرفش اذا هو ما يحكيش معاك....من فمك دورك....
نادية:لا انتي وجهك صحيح ولفعة من لكبار ....عمالتها وبوجهك احمر تقوليلي احكي معاه هو لا والله هذي مليحة....كون جيت عيني نحكي معاه راني حكيت معاه لكن أنا لي غالطة قيمتك وقولت نحكي معاك انتي تعرفي راجلك....ناضت من بلاصتها ...راح يخرج فيك واش راكي تعملي ...تحرشي فيه على امو واختو الوحيدة تعمريلو في راسو حتى ولا ما يسلمش على أمو ولا يحكي مع أختو....
سجى:وقفت حتى هي عاقدة حوايجها...واصلا بيها للعظم إهانات نادية فيضو الكاس...وفقدوها اخر ذرة صبر عندها...خزرت فيها تحكي...حشاك ماشي من شيمي هذا شيء...الحمدلله متربية وماشي من أخلاقي نعرك بين ام والدها ولا حتى اخت و خوها....مزالت محترماتك على خاطرك في داري...وللمرة لالف نقولك مشاكلك حليهم بعاد عليا ....تحركت من قدامها وفتحت باب البرأ...ودورك اخرجي من داري وقت يجي خوك إحكي معاه...
نادية:جنون الدنيا ودين ركبوها وقتها لغش عملها عينيها قربت منها وهزات يديها ضربتها كف حتى دار وجهها ....وحتى سجى مكانتش من العاكسين هزات يديها ورجعاتو ليها بالوقت تحكي...
سجى:انتي الكلبة تضربيني في وسط داري.... والله ما تبقى فيك....
نادية:حطت يديها على وجهها وشافت فيها بغل كبير ضغطت على كل كلمة وقالت...والله كون ما ندفعكش ثمن الكف هذا ما شيء اسمي نادية اصبري عليا برك... خرجت من عندها مخليا سجى دموعها ينزلو بالوقت ...قفلت من وراها الباب وطارت من غير عقل للشمبرتها تحوس على تليفونها....
#يتبع
حلقاتنا خلاصو خلولي ارائكم #بونوي