قصة بعنوان:#عروسي بقلم:#ساجدة_سجود (زيني حلا)

🔺الحلقة 7⁦🔺

🔺الحلقة 7⁦🔺
🔻عروسي..........#ساجدة_سجود🔻
ليلة كانت حافلة بالنسبة للعائلات في زوج ....وهذا هو العرس تعبو كبير....حلاوتو في لمة العائلة والجيران لي كل واحد يمد يديه يعاون بحاجة...ليلة فاتت وفي كل ليلة تفوت يقرب الوقت مغادرت عروستنا لعش الزوجية...واين راح تبدا حياة جديدة لا يعلم خبياها الا الله سبحانو وتعالى....على هذي يقولو ناس زمان إدي ولد ولا بنت لأصول لعلى الزمان يطول....
بعد تعب لي تعباتو وهي توجد في حوايجها ... والوقفة لوقفتها قبيلا وكثرت التسليم وبعد ما انتهت سهريتهم طلعتها كلثوم لغرفتها وحنات ليها يديها ورجليها ولمت حناتها خباتها عندها بعد ما عملت الفال للبنات خواتها وبنات عماتها وخلاتها العزبات.... ...محستش بروحها حتى كيفاه رقدت مخليا تليفونها يطفى ويشعل وحدو...بإسم دودو...حتى عييا ومبقاش صونا عليها عرفها رقدت وحتى هو مكانش اقل منها....كان متمدي فوق مطرح في لارض في دارو....سارح بأفكارو في مسقبلو وفي بنت الناس لي تكتبت على إسمو... ومسؤوليتها ولات في يديه هو....الحياة صعيبة مهما كنت راجل وسيد الرجال راح تركعك...يخمم في حياتو لي راح تنور بوجودها....لكن في نفس الوقت راح تكون صعيبة على قبل ... راح يكون رب لأسرة وممكن مع الوقت أب لطفل أو طفلة....تنهد من اعمااق قلبو وهو يتخيل في الموضوع ...لكن شيء واحد متأكد منو هو راح يعمل المستحيل غير باه يخليها مرتاحة معاه وفرحانة...كون يعرف روحو ينيحها من فمو ويعطيها ليها هي....يلبسها هي وهو الله لا لبس....تفرح هي عندو هو الفرحة لكبيرة....سبحان ربي لزرع حبها في قلبو... وسبحان ربي على عظمة الحب غفات بيه عينيه على الفكرة هذي....
نهار جديد حافل ملئ بالفرحة ....نهار فرحة عروستنا ...ناضت بكري على غير عادتها و أول شيء تفقدت تليفونها غير فتحاتو لقات اتصالاتو و رسالتو الصباحية قراتها بالصوت ..."صباح الانوار لاحلى عروسة ....بقات غير 48ساعة ومراح تفرفني عليك غير الموت"...
ابتسمت وعينها لمعو بالفرحة وهي تقرأ فيها...جوباتو في هذايك اللحظة بصعوبة وهي يديها محنية حاولة تفك صبعها وكتبت..."الله ينجيك من الموت"... قفلت تليفونها وناضت من بلاصتها لابسة كلاكيتها وخرجت من الشمبرة ....نزلت لطابق تحتاتي واين كانت كل العائلة مستنفرة ...وكل واحد فيهم يجري من بلاصة والطباخة تعطي فيهم في أوامر وكيفاه يقطعو الخضرة واش يسبقو....وينو اللحم...وينو الحمص...اففف مكانش الملح والفلفل الكحل...ابتسمت وهي تسمع في كلام الطباخة قبل ما تقرب منهم تحكي...
سجى:صباح الخير عليكم...
الكل:هزو رأسهم فيها وابتسمو معاها ورجعو ليها التحية قربت منها كلثوم تحكي..
كلثوم:بنتي لازمك تحتحتي الحنة عاد تفطري وتروحي لدوش راح نوجدو ليك...
سجى:ويني مروة تعاوني ...
كلثوم:اطلعي لغرفتك دورك نبعثها ليك ما نوصيكش ابنتي ما توثقي حتى في واحد...اي حاجة تحتاجيها يا تجي ليا ولا عيطي على وحدة من خواتك...ناس واعرة والعين حق علينا....
سجى:حركت رأسها لأمها تحكي..ما تخافيش كل شيء راح يكون بخير ...
كلثوم:اطلعي دورك نبعثها ليك...
ما عودتهاش معها رجعت ادراجها لغرفتها وامها تشوف فيها...حتى بعدت عليها عاد بدأت تحوس على بنتها مروة حتى لمحتها وعيطت عليها وخبرتها تطلع عند اختها تعاونها...وهي رجعت لخدمتها اليوم فرح بنتها والخدمة مدوبلا لازمها توقف عليهم وتمد حتى هي يديها معاهم....وتفتح عينيها عليهم ....
طلعت مروة عند سجى لقاتها بدأت تحتحت في الحنة...كملت معها عاونتها في رجليها وهي حكمت يديها لمو الحنة الكل حتى طرف ما بقى ربطو قطع لقماش هذومك ونزلو مع بعض سجى حطت ليها مروة لفطور فطرت ودخلت لدوش تدوش ....ومروة هزات لقماش تاع الحنة وعطاتو لامها ....لي حكماتو من عندها وخباتو في شمبراتها واين مخبيا باقي لحوايج وقفلت عليه بالمفتاح وخباتو عندها....
#يتبع