قصة بعنوان:#عروسي بقلم:#ساجدة_سجود (زيني حلا)

🔺الحلقة 8⁦🔺

🔺الحلقة 8⁦🔺
🔻عروسي..........#ساجدة_سجود🔻
كملت الدوش كان خفيف تنحي لعرق برك...أما دوش لكبير دوشاتو لبارح وقت كملت من لمان حوايجها... خرجت منو حمراء....مغطيا من رأسها لرجليها طلعوها طول لغرفتها معها خواتها في زوج ...وبنت خالتها اما الباقي مشغولين في تحضيرات....
قعدوها فوق سرير عاونها نشفت جسمها ولبست حوايجها شعرها لموه ليها في منشفة وخلوه حتى تجي عندها الماشطة لكاريتها وتبدأ تحضر فيها...خلاوها ترتاح ونزلو هم يعاونوهم مخليينها مهزية تليفونها وكيف العادة لقاتو معيط عليها عاودت ليه بالوقت..
.قطع عليها وعاود ليها هزات عليه لكن قبل ما تحكي وصلها صوتو يحكي...
داوود:علاه عملاتو التليفون اذا ما كنتيش راح تهزي عليه...
سجى:كنت لتحت ندوش وهو لفوق ...و لبارح رقدت من تعب ....
داوود:اممم ما شفعلك عندي كان العرس لي مشغولة فيه ...
سجى:ضحكت على كلامو تحكي...داوود ياك تلبسلي الخاتم من بعد...
داوود:تكى على الكرسي تاع طموبيل وكيف عادتو فتح مكبر الصوت حطو على فخضو وجبد ڨارو يشعل فيه حتى سمع هدرتها ضحك بستهزاء يحكي...هذاك لي بقى ليا مستحيل...
سجى:عقدت حواجبها حتى هي تحكي...علاه مستحيل كشما فيها....داخل تركب لمرتك الخاتم نتصورو نقطعو لبياس مونتي وهنا كملنا وربحنا صور لذكرى....
داوود:سف من ڨاروه وخرج دخانو حتى تعمرة طموبيل مصغر عينيه بسبب دخنة....ويسمع ليها بتركيز غير شافها كملت نطق...معندو حتى معنى هذا شيء ....الله يهديك ...
سجى:علاه ياك القصة الكل راح تكون في عشر دقائق راح تغليهم عليا...
داوود:دنيا مخلطة عندك أسجى ما عندو ما دخلني عندك....تلبسو ليك نادية وخلاص ...
سجى:لا تلبسو ليا انت ماشي نادية انت هو راجلي ماشي هي....ولا راح..
داوود:قاطع كلامها ومن نبرة صوتو عرفت لي هو تعصب عليها...ولا واش ولينا في إلا خلاص....
سجى:بلعت واش كانت راح تقول....خفضت صوتها تحكي...على خاطر مرتك اليوم عرسي ما ترجعهاش في وجهي...وتخسرلي فرحتي....ادخل معيا خمس دقائق وأخرج المهم ما ندخلش واحدي...
داوود:فتح زجاج رمى الڨارو ورجع طلعو مركز عينيه على الزجاج لي قدامو....يسمع ليها حتى كملت وبقى هادئ ما جوبهاش حتى شكت قطع عليها ...بعدت تليفون على وذنها شافت الخط مزال رجعاتو لوذنها تحكي...
سجى:الو داوود ...
داوود:هما خمس دقائق ولا ثانية بعدهم....
سجى:ضحكت بفرح وانتصار تحكي...يعيشلي الحب خمس دقائق كافيين ....المهم ندخل يدي في يد دودو تاعي...وهو لي يلبسني الخاتم...
داوود:رجعنا لدودو ثاني كل شيء مقيدو ليك...اصبري على رزقك برك....
سجى:ضحكت تحكي...راح نخلص مدوبل ماله على حساب الشوفة...
داوود:اضحكي الالة حتى يجي الوقت لي نضحك فيه عليك...
سجى:علبالك نخاف وقت تقولي هكا...ياك مرتك لي دلع فيك منعرف علاه ما عجبكش لاسم...
داوود:تسمعت ضحكتو حتى لعندها بصوتو المبحوح من دخان جاوبها....دودو الالات لبنات وقيلا اسمي سماح وانا ما في خباريش...عطى ربي كيفاه دلعي راجلك لكن انتي لي قاعدة تجبدي على روحك في نحل وانتي لي راح يقرصك...
سجى:خلاص خلاص كأني فهمت الموضوع....لازمني نقفل جات عندي الماشطة...
داوود:تهلاي..
قفلت معاه وناضت سلمت عليها ....ومن غير ما يضيعو الوقت خاصتا انهم وقتها كانو في منتصف النهار...قعدت معاها وسمعت ليها واش حابة تعمل غير كملو نقاشهم تحط ليهم لغداء تغدو في سع ....وناضت بدأت ليها....
في دار العريس واين كانو حتى هم التحضيرات عندهم على قدم وساق....كل واحدة راح تروح في الموكب لي راح يروح للعروس مديين ليها الحنة...يحضرو في روحهم....وكل وحدة تجري من بلاصة هذي تلبس وهذي تعدل في شعرها ولخرى وصلت من الحفافة تحوس على فاليزاتها ونساء لكبار قاعدين لابسين و فاتحين لقديمة يحكو فيها...بالمختصر دنيا داخلا بعضها وكل واحدة فيهم تسابق في الوقت باه تلحق توصل ...لبرا واين كانو الرجال قاعدين قدام الدار وطموبيلات مصفوفين قدامهم.... كاين لي وصلو وكاين لي مزال ...ومن بين طموبيلات كانت تاع داوود لعطها لخوه يسوقها....يستناو غير في الوقت يجي ونساء يخرجو عاد.يشدو الطريق لدار لعروسة....
#يتبع