قصة بعنوان:#عروسي بقلم:#ساجدة_سجود (زيني حلا)

🔺الحلقة 20⁦🔺

🔺الحلقة 20⁦🔺
🔻عروسي..........#ساجدة_سجود🔻
كانت في دارها وكل شيء سمعاتو مع كانت فاتحة الباب ....حتى لين سمعت داوود يعيط على أمو عرفت واقعة معها حاجة....حبت تهبط لكن خافت لا يقولو كانت تتسمع عليهم...رجعت لدارها وقفلت من وراها الباب ورجعت قعدة في الصالون...وسارحة تخمم في العجوزة لي عطها ليها ربي....متعرفش علاه تكرها وهي مكبرة بيها ومحطيتها كيف كلثوم....هي ماشي نيتها تعمل العرك ولا كان هدفها توصل لهذا شيء....كل شيء كانت حباتو انها تقيمها تعطيها اعتبار....
غرقت في أفكارها وكل مرة تتنهد تنهيدة خارج من قلبها لدرجة حتى وقت تفتح الباب ورجع تقفل ما حستش بيه...قادوه رجليه لصالون وبقى واقف قدام الباب يشوف فيها كيفها غايبة على الوجود....عزات عليه وقتها...حتى هو مكانش اقل منها تحط بين نارين وحدة تحرق اكثر من الثانية ....من جهة امو لي هذا واين كانت دايخة بين يديه والحمدلله كان الضغط لي طلع ليها وخرجت باللطف...وبين مرتو لي ما أذتهم بحتى حاجة ...عارف مشكلتهم معها لكن ماشي حاب يقولها....باه ما تبقاش تتحسس منها ....تفكر كلام باباه بالحرف....
علي:والدي زواج صعيب لازمك تكون حكيم....بنت الناس عمرك ما تقيسها اذا ما قستكش ..وامك مهما تعمل تبقى امك والجنة تحت رجليها هي...رضها هو النور لي نورلك طريقك....لعياط ماشي هو الحل ... لازمك تعرف كيفاه تتصرف وتخلي مرتك تغمض عينيها على حوائج باه المركب يمشي...تبقاو تعسو على فام الناس ولا هذا أو عملي ولوخرى عملت...وانت مرة طالع مرة هابط...ماشي راح توصلو لبعيد....سجى بنتي وربي شاهد عليا هذا شيء لمصلحتها ....
تنهد حتى هو من أعماااق قلبو وكأنو مهزي جبال فوق رأسو....قرب منها وهبط باسها من فوق جبينها مخليها تشهق فجعها....بعد عليها يحكي...
داوود:علاه سارحة وتخممي همم...حتى حاجة ما تستهل لحزن هذا الكل...
سجى:أنا هي سبب ياك ...عيطي على أموك بسبابي هذا شيء لي راح يقولوه...راح نخرج أنا هي لغالطة في لآخر.....
داوود:حتى واحد ما قالك غالطة وانا ما قولتش ... عندك الحق في كل شيء....لكن اسجى ساعات اسمعي وفوتي باه نقدرو نعيشو بعاد على المشاكل....خلي كل شيء يوقع يقعد البرأ...وخلي دارنا تبقى نظيفة....ما نحبش حتى مشكلة تكون بينا....
سجى:والله كنت نفوت لكن وقت ما لقيتهاش غاضتني ما كنتش راح نقولك ...
داوود:قاطعها يحكي....خلاص الموضوع انتهى دورك قرب وباسها من شفايها وبعد ...مكاين حتى بنت مرأة لي ساكنة في لقلب من غيرك.انتي....قولتها ليك وراح نعاودها....وقت قرارت نكمل نص ديني ما شوفتك كان انتي حلالي....وربي شاهد عليا....
سجى:ابتسمت وعينيها لمعو من كلامو حطات جبينها فوق جبيتو وتنهدت في وجهو تحكي...كون تعرف واش حسيت وقت قاتلي اهتمي بيه....قلبي وقتها شعلت فيه النار....فكرة انها تكون خطيبتك وتحكي معها كيف تحكي معيا خلاتني كيف المهبولة....انت راجلي أنا ما منحق حتى واحدة تحكي عليك....
داوود:داعب أنفها بأنفو يحكي....راجلك الحلوة تاعك انتي وحدك....حتى وحدة ما عندها الحق فيا من غيرك...
سجى:عمتي زعفت مني صح....
داوود:ما تزعفش وحتى تزعف نرضوها....دورك انساي عليا عمتك....ناض وهزها في حملتو شافت فيه مصغرة عينيها....وقالت...
سجى:لا ادوود ماشي وقتها....
داوود:واش هي العمر لي ماشي وقتها....عندي أنا وقت ما نحتاجك لازمني نلقاك....
سجى:ضحكت بصوت وقالت...ولا خالي في ليل لازمني نوجد لعشاء....داوود...
داوود:اششش نخرجك من بعد تعشاي لبرأ...
سجى:وااادوود ...
ما سمعش منها نهائيا ....طريق وحدة حتى لغرفتهم وبعد رفض منها ولات هي لي طالبة عليها....ذوبها بين يديه كيف ما يحب هو...خلاها تسل فيه ليها...طالبة المزيد....وحتى هو مكانش أقل منها ....توحدو في جسم واحد ...ناسيين المشاكل والناس والعالم الكل...
#يتبع