قصة بعنوان:#عروسي بقلم:#ساجدة_سجود (زيني حلا)

الحلقة 29⁦🔺

🔺الحلقة 29⁦🔺
🔻عروسي..........#ساجدة_سجود
ودعت عائلتها الكل وخرجت من دارهم رجل لوراء ورجل لقدام..... ركبت معاه من غير ولا كلمة...ركب حتى هو في بلاصتو وديمار الطموبيل ....مبعد على دارهم....تكات رأسها على زجاج تاع الطاقة وعينيها يشوفو لبرأ....وعقلها خدام يخمم في حياتها ....عندها إحساس انو راح يوقع معها حاجة لكن كل مرة يجي لبالها هذا لاحتمال تنعل الشيطان وتستغفر ربها....
طول طريق والصمت هو سيد الموقف لا هو حكى معها ولا حتى هي دارت بيه....مركز مع طريق ومرة مرة يجبد ڨارو يحطو في فمو...فاتح الطاقة من جيهتو باه الدخان يخرج....مصغر عينيه مع الطريق....مسافة الطريق وكانو واقفين قدام الدار... هزات فيها عينيها وكأنها جاية لجهنم الحمراء برجليها....كرهتها كره كبير فتح الباب وخرج مهزي حوايجها وحتى هي نزلت موكلا أمرها لله....تبعاتو من غير ولا كلمة طلعو الدروج درجة درجة....حتى وصلو للباب حاط الساك من يديه فتح الباب ورجع هزو ودخل مخليها هي من وراه .... حركت رأسها ودخلت قافلة الباب من وراها ...نحات صباطها من رجلها تبعاتو الجلابة ودخلت طول لاكوزينة.. .ما عندهاش الرغبة انها تتناقش حتى مع واحد....جبدات الخضرة وبدأت تنقش فيهم كملتهم غسلاتهم وقطعتهم دارت البرمة فوق النار مع التوابل تاعها....قلاتها وزادت ليها الماء خالتها تغلي....ودارت للماعن غسلاتهم الكل حتى نظاف عاودت غسلتهم المهم تفوت الوقت...وتبعد عليه قدر لامكان....
أما عند داوود دخل طول للغرفة حط ليها ساكها ثم وتمد فوق سرير داير يديه فوق عينيه ...وبالو يخمم فيها يسمع في حركاتها حتى لعندو....دارو دورك واين رجعت فيها الروح....ماشي غير هي حتى هو ندم وقت زاد معها في الهدرة...وفي ليلتو عيط عليها باه ما يخليهاش ترقد زعفانة منو ...لكن تفاجئ وقت لقاها قفلاتو ....عاود مرة وزوج ....وحتى غدوة عاود نهار الكل وهو يعيط عليها....لكن والو هنا تعصب عليها .... وزعما مخليها عند والديها تبقى ثم حتى تحط عقلها في رأسها....لكن شوقو ليها والدار لي سامطة بلا بيها خلاتو ينوض بسيف عليه ويروح يجيبها... ناض من بلاصتو لابس كلاكيتو وخرج عندها...لازم يحكي معها ويفهم منها حتى كلام امها بقى في وذنو....دخل عندها للكوزينة طلعها وهبطها قبل ما يدخل ويقعد فوق الكرسي نطق بصوتو الرجولي حتى قفزها ....
داوود:ديرلي قهوة وارواحي اقعدي لازمنا نحكيو...
سجى:شافت فيه من غير ما تجاوبو بدأت توجد في القهوة وقلبها يدق بطريقة غريبة....كملتها وصباتها ليه هزاتها حطاتها قدامو وقعدت متقابلة معاه....تستنى فيه يحكي....هز فنجانو جغم من ورجع حطو عاد هز فيها رأسو وقال...
داوود:علاه قفلتي تليفونك ....
سجى:شوف روحك انت...
داوود:ايه أنا قلقت حتى انتي تقلقي وتروحي تقفلي تليفونك نهار كل....ما عندك راجل يحكم فيك ولا يخاف عليك...وزيد فوق هذا شيء الكل حاملة وخليتيني نعيط عليك كيف المهبول...والف فكرة طاحت على بالي....
سجى:دورك من غير ما تحط الحق عليا أنا....حتى انا ما عندي حتى ذنب جيت نضحك معاك سبيتني وقفلتي في وجهي...شوف روحك حتى انت عاد قولي علاه قفلتي تليفونك....خاف عليا وحط بعين الاعتبار اني مريضة قبل ما تسبتي ....
داوود:سجى مراكيش ملاحظة انك زدتي فيه ....بقالك غير تنوضي تضربيني....
سجى:لا نضربك ولا نقولك حتى حاجة حبيت تحكي هنا نحكيو...وانا نجاوب فيك على واش قاعد تقولي ...
داوود:شوفي ابنت الناس غلطت صح معترف لحظة غش وضغط جات فيك انتي....غلطي غلط اكبر مني وقت قفلتي تليفونك...وجيت عندك هزيتك من داركم حتى لدارك....الموضوع يخلاص هنا وكانو عمرو كان....ناض من بلاصتو وقرب منها باسها فوق جبينها وكمل...هاني انا راح نتنازل ونطلب منك السماح...بعد عليها وعطها بالظهرو راح يخرج لكن وقفاتو ...
سجى:ناضت من بلاصتها وعنقاتو دافنة رأسها في عنقو مخلياتو يغمض عينيه من قربها ليه...ويجبدها حتى هو عندو مدخلها فيه وبصوت هامس نطقت... نحبك ومرانيش حابة نخسرك...سمحني حتى إنت...
داوود:ديري عقلك نبقاو بخير...هزها من لارض ... توحشتك العمر....
سجى:لعشاء ادوود يتحرق..
داوود:قرب وطفى عليه وخزر فيها وقال....دورك ما عندكش الحق توقفيني ....حقي وراح نخذو راح نخذو وراح تخلصي اجديد والقديم....كمل خطواتو لغرفتهم مخليها تضحك عليه...
#يتبع