قصة بعنوان:#عروسي بقلم:#ساجدة_سجود (زيني حلا)

الحلقة 30⁦🔺

🔺الحلقة 30⁦🔺
🔻عروسي..........#ساجدة_سجود🔻
راقدين في أحضان بعض ساترهم كان دراء....محطيا رأسها على صدرو ....و صوابعو متغلغلين في شعرها.... يتناقشو على اي حاجة وقعت في حياتهم قبل....حتى وصلو للبيبي لي جايهم على الطريق ...
هزات رأسها من عليه تحكي...
سجى:حابو يكون ولد ولا طفلة..
داوود:شاف فيها مبتسم وقال...لي يجي من عند ربي الحمدلله المهم يكون بخير....
سجى:رجعت رأسها لصدرو وقالت....يعني انت ماشي من نوع الرجال لي يحبو ولدهم لكبير يكون طفل و.يزعفو اذا كانت طفلة ....
داوود:كي طفل كي طفلة عندي....هي مسألة معتقدات كل واحد كيفاه يشوف...وكاين ثاني أسجى عشائر يحبو يفتحو و لادهم بذكر.....
سجى:ناس فارغة ....ناضت من عليه تلبس في حوائج تحت نظراتو مخلياتو يشوف في تفاصيل جسمها.... حتى حشمها بنظراتو ....غير كملت هزات ساكها فرغاتو وهزات حوائج جدد وخرجت من الغرفة هاربة منو ومن كلامو....حطات حوايجها في دوش شعلاتو و رجعت لكوزينة شعلت على لعشاء وخلاتو يكمل طيباو ودخلت هي لدوش دوشت بالخف لابسة حوايجها ....وخرجت مخليا ليه الدوش...دخل بعدها غير شافاتو دخل هزت تليفونها وعيطت على امها طمنها عليها....وقفلت معها عاد وقفت على عشاها....
كمل دوش تاعو وخرج لابس حوايجو رش عطرو وطل عليها يحكي...
داوود:سجى نخرج نصلي في جامع ...تحتاجي حاجة نجيبها في طريقي...
سجى:جيبلبي معاك لاكرم ...سخفت عليه....
حرك ليه رأسو وخرج مخليها هي مخشية في كوزينتها.
تلهات مع خدمتها حتى سمعت أذان المغرب توضات صلاة صلاتها....جمعت السجادة وبدأت تجمع في الشمبرة نظمت كل شيء ....وبقات وحدها دور في دارها.... مالفة تقعد مع خواتها يومين عمرو عليها وقتها.... خرجت لصالون شعلت tv وبقات تتفرج المهم تفوت الوقت....حتى سمعت صوت لمفاتح ناضت من بلاصتها استقبلاتو كيف عادتها....حكمت من عندو ساشي تاع لاكرام أداتو للفريجدار ...طفات على لعشاء مخلياتو هو يغسل في يديه ولحق عليها....حطت لعشاء تعشاو مع بعض في جو كلو ضحك....جمعت الدنيا وقت كملو ما كملت كان مع أذان العشاء.... فضل يصلي في دار باه ما يخليهاش وحدها.... كملو صلاتهم وبقاو سهرانين مع بعض....جابت لاكرام عطاتو لكنو رفض مخليها هي تغطس فيه وحدها....وهو مرة يفكو ليها ما يرجعو ليها كان ما تبوسو ....ومرة يسرق ليها من مغرفتها...يخليها راح تبكي ....ناسيين المشاكل الكل وحتى واحد ما يقدر يخسر فرحتهم في لحظة هذيك.... بقاو ساهرين في أحضان بعض حتى لوقت متأخر عاد ناضو لغرفتهم و رقدو ....وهكا فاتت ليلتهم ومن ليلة فاتو ليالي وايام حتى فات شهر....
شهر كامل فات بحلو ومرو....المشاكل بيناتهم قلت ولو مدينها كان في حياتهم....سجى نزلت عند عزيزة مرتين باركت ليها فيهم عزيزة بحملها ببرود...ما ادتهاش فيها سجى نهائيا عملت واجبها وطلعت لدارها....زارتها امها وخواتها في شهر هذاك فرحت بيهم وقت شافتهم وحلفت ما تسيبهم حتى يباتو عندها....مخلات ما وجدت ليهم... فرحت بيهم من القلب.... وحتى داوود فرح بيهم وما خلا ماجاب ليهم...عزيزة طلعت عندهم سلمت عليهم ومن وقتها ما شافوهاش....وهاهي دورك واقفة قدام مرايتها تعدل في خيمارها وداوود يستنى فيها لتحت راح يروحو لطبيبة على جال ولدهم...كملت وهزات ساكها. نزلت عندو...ركبت جنبدو و ديمارا في اتجاه عنوان الطبيبة....مسافة الطريق وكانو قدامها نزلو مع بعض ودخلو لحسن حظهم كانو هم الثانيين مع جو بكري ....ستناو حتى خرجت لمريضة لي قبلهم عاد دخلو هم...سلمو على طبيبة سألتهم أسئلة روتينية ... عاد فحصت سجى طمنو على البيبي لي كبر شوي على قبل ... ورجعو قعدو ....شافت فيهم طبيبة وقالت..
طبيبة:الحمدلله لبيبي صحتو مليحة وحتى نمو تاعو طبيعي...الفيتامينات لي كنتي تخذي فيهم راح تكملي عليهم مع الموقويات راح نعطيهم ليك....وراح ترجعي عندي بعد شهر ...بعدي على اي جهد ولا قلق حتى يفوتو ثلاث شهر باه نبعدو على احتمال لإجهاض ...
سجى:كوني هانية ادكتورة....
حكمو من عندها الوصفة وخرجو اليد في اليد مع بعض فرحانين بولدهم لي قاعد يكبر شوي بشوي...شراء ليها دواء وروحو حطها قدام الدار وخلها تطلع وحدها وهو راح لخدمتو...طلعت لدارها فرحانة بولدها فتحت الباب ودخلت حطات لمفاتح وساشي دواء من يديها غير خطات الخطوة تسمع صوت الدق على الباب استغربة وقربت فتحت لقاتها اخر شخص ممكن تتوقع تشوفو...
سجى:نادية مرحبا...
#يتبع