قصة بعنوان:#عروسي بقلم:#ساجدة_سجود (زيني حلا)

الحلقة 37⁦🔺

🔺الحلقة 37⁦🔺
🔻عروسي..........#ساجدة_سجود🔻
قفل السوبيرات وتحرك لدارو....مسافة الطريق كان قدام الباب...ما بغاش يشوف في دارهم....نزل رأسو و دخل في طريقه تلقى باباه... هذا لأخيرة لي غير شافو تنهد بأسى على والده....عييا فيه يروحو يرجعوها لكن داوود دائما كانت يرفض ويقول خليها على راحتها... شافو داوود قرب منو و باسو فوق رأسو يحكي...
داوود:الحاج صفا...
علي:الساعة نقولو الحمدلله....انت هو لي وضعك ماشي عاجبني أولدي....مرتك في جهة وانت في جهة...ما يهديكش ربي نروحو نرجعوها...
داوود:مرتي مرتاحة في لبلاصة لي هي فيها....خليها تقعد قد ما تحب...
علي:وانت راح تبقى هكا حتى لوقتاه ....لا نهارك نهار ولا ليلك ليل....تسف غير في هذاك السم لي راح يقضيلك على حياتك....
داوود:خليها على ربي سبحانو كون ماشي هو هذاك راني ندور في الشارع و نهدر وحدي....
قبل ما يلحق علي يجاوبو خرجت عزيزة طايرة لابسة جلابتها....ووجها اصفر من الخوف شافت في داوود لي مطولش فيها الشوفة ورجعت شافت في راجلها تحكي..
عزيزة:نادية أ علي نادية راح تولد عيط راجلها دورك وقالي....
علي:الله يهديك امرأة تقول واش وقع بشوي عليك وانتي راح تموتي ....تقول غير هي لي راح توالد...شاف في والدو وقبل ما يقول حاجة سبقو داوود وقال...
داوود:تصبح بخير الواليد...
عزيزة:خزرت فيه ماشي معتربها موجدة خلاه...شهرين وهي تحاول تحكي معه لكن ما تلقى منو كان صد... وزيد كملها دورك نطقت بغش...وانا أولدي ماشي امك وهذيك لي مرمية في سبيطار ماشي اختك....
داوود:لأم اعزيزة تفرح لولدها وقت تشوفو منهني ماشي تخلقلو الف مشكل باه تنخص عليه فرحتو....لام أعزيزة تخاف على والدها من الهواء لا يقيسو ماشي توصل هي لي تأذيه....ولاخت هذيك خليها لربي برك ...
عزيزة:نزلت راسها من كلامو وما بقات حكات حتى كلمة....وعلي حرك رأسو على حالة والدو وبقى متبعو بعينيه وهو طالع لدارو....وداخلو يدعي معاه بالخير والتيسير....وجمع شملو مع مرتو حتى هو و يتهنى عليه....
عيطو على والدهم محمد جاء لعندهم بطموببلتو هزهم. وطريق وحدة حتى لسبيطار ....نزلو ودخلو الكل حوسو على قسم التوليد حتى لقاوه ولقاو حتى راجلها غاني واقف ثم يستنى ....وقفو عليه وعزيزة مخلوعة على بنتها ....
عزيزة: والدي مزال ما خرجت ...
غاني:مزال ...
بقاو يستناو على أعصابهم...حتى خرجت الطبيبة ملامحها ما يتفسروش....شافت في غاني بأسى ورجعت شافت في باقي العائلة ....وقالت....لام بخير لكن مع لاسف خسرنا البيبي....البقاء الله...
كمل جمتها ونسحبت....مخليا صدمة كبيرة على ووجهم ووجع فقدن لابن ينهش في قلب غاني.... عزيزة داخت من واقع لخبر علي يتمتم كان بجملة قدر الله وماشاء فعل لله ما أعطى ولله ما أخذ.....فيسع ما تحولت فرحتهم لحزن ..من كانو راح.يفرحو بحفيذهم هاهم يبكو عليه....ومزال حال لام وقت تسمع لخبر....
بعد ما هضمو لخبر جات عندهم فرملية خبرتهم لي هم يقدرو يشوفها ....دخلو عندها لقاوها فايقة مع بنجوها بنج نصفي برك....لكن مزال ما سمعتش الطبيبة وقت والدتها خذو طفل دارو ليه الفحوصات الكل باه يتأكدوا ويعرفو السبب حتى خرجت النتيجة لي هو اصلا توقف النمو تاعو وحبس قلبو من أسبوعين ....غير شافتهم ضحكت وقالت...
نادية:واش شفتوه ...غاني لشكون يشبه ليا ولا ليك...
بقاو كلهم يشوفو معاها ....حتى واحد فيهم ما تجرأ وقالها لي هي ولداتو ميت اصلا....قرب راجلها منها..وقال وهو يشوف فيها نزلو دموعو بالوقت شيء لي خلاها تجمع ابتسامتها ....
غاني:ولدنا خلق ميت انادية....ولدنا ميت مات ...
"مات" الكلمة لي بقات تتردد في وذنها قبل ما تضحك وتحرك رأسها بهسترية ....وكلمة وحدة على فمها .. تكذبو والدي عايش غالطين والدي خلق عايش ماشي ميت....حالتها قطعت في قلوبهم الكل ....قربت منها عزيزة قعدة جنبها تحكي...
عزيزة:بنتي ربك حبو هو لي عطاه ليك وهو لرجع خذاه منك...لازمك تصبري ووتقبلي لي والدك مات انتي نافسة جديدة....ماشي مليح ليك العصب...
نادية:شافت في أمها نزلو دموعها بالوقت هزات يديها حطتها على قلبها تحكي....هذا اماما هذا شاعلة فيه النار ....أنا دورك لشكون شيرت لحوايج هذومك.... لشكون راح نعيط ....اسمو اماما أنا وباباه تعركنا عليه بعد ما قنعتو لي أنا لي نسميه راح....ولدي مات أما قلبي تشوء عليه....آه اربي علاه علاه ....علاه حرمتني منو حتى ريحتو ما شمتهاش....كنت تستنى وقتاه يجي حسبت الوقت وحضرت الدنيا الكل....نخمم لشكون يكون يشبه ليا أنا ولا لباباه....لكن حتى عويناتو ما شفتهمش...ياربي علاه اديتو ليا....
كلهم ما لقاو كيفاه يواسوها....عزيزة تبكي دم على بنتها.. أما راجلها هذاك حكايتو حكاية ....باباها وخوها يشوفو متحصرين عليها....ليلة هذيك فاتت كحلة عليهم نادية بسيف باه هدأت ورقدت وكل دقيقة تنوض قافزة تبكي ....طلع النهار بمشقت لانفس كملو إجراء تخريج البيبي بعد ما سموه كيف طلبت هي تسميه أنوار خلوها تشوفو ....غير كملو لإجراءات خرجوه مغسل مكفن في صندوق وهي معاه....دفنوه وحلفت غير تروح وراحت ....شافت كل شيء بعينيها ودمعتها ما نشفتش وحلقها بح من لعياط جسمها تعب من الحركة...انتشر الخبر الناس لي يعرفوهم جاو يعزو فيهم.....داوود حتى هو سمع وعمل واجبو...لا اكثر ولا اقل ...وهكا فاتو ثلاثة أيام تاع لعزاء ولي عندو دار حكمها بقات كان نادية لي حاكمة حوائج والدها وتبكي عليه....
#يتبع