قصة بعنوان:#عروسي بقلم:#ساجدة_سجود (زيني حلا)

🔺الحلقة 14⁦🔺

🔺الحلقة 14⁦🔺
🔻عروسي..........#ساجدة_سجود🔻
نهار جديد ....حياة جديدة....غرفة جديدة...دار جديدة كل شيء جديد في حياتها ...فرحتها ما تعطيها لحتى واحد وهي واقفة في كوزينتها تشوف فيها ويديها يا لمسو في كل شيء من بوطاجي لطابلة لي في الوسط
.... للماعن لي محطوطين فوقها ... عينيها يلمعو ...بعد ما شافت كل شيء ....وكل حاجة كانت ثم طيرت ليها عقلها كيف تمناتها لقاتها....مع داوود عمل تعديلات في دارو...سألها على اي حاجة حابتها حتى ألوان الصبغة... وكيف قتلو كيف لقات....تنهدت وبدأت توجد في لفطور قبل ما ينوض ....ابتسمت وقت فاقت صباح على وجهو وهو راقد....تسللت من جنبدو دخلت لدوش دوشت وتوضات لبست حوايجها لداخل وخرجة راح تصلي لكن ما عرفتش القبلة من واين....فخلاتها حتى ينوض وتسألو عليها....خرجت من غرفة و عينيها يدورو على كل حاجة حتى وصلت للكوزينة....وسعت ابتسامتها اكثر ...وقربت من غاز شعلاتو و حطات فوق لابرس تاع القهوة بعد ما عمراتو...و خلاتو يطيب .... هزات طاوة غسلاتها حتى هي كيف ما عملات مع لبراس....صبات فيها لحليب وحطاتو حتى هو فوق النار وبقات تعس عليهم في زوج ....حتى طابو وطفات عليهم....
على ريحة القهوة لي فاحت في الدار الكل فتح عينيه... ما لقهاش جنبو عرفها هي صاحبة الريحة ....حك عينيه وناض من بلاصتو لابس كلاكيتو كان لابس حوايجو وقت فاق في الفجر دوش وصلاه ورجع رقد ....تمشى في اتجاه الدوش غسل وجهو وشلال فمو هز منشفة نشفو وخرج عندها عارفها راح تكون في الكوزينة..... غير وصل قبلاتو احلى صورة ممكن يصبح عليها ... كانت كيف الفرشة تنقز من بلاصة لبلاصة بعد ما وجدت الفطور ما لقات ما تعمل ...ولات ترتب في لحوايج لي جباتهم معاها....كانت مندمجة معاهم لدرجة ما حساتش بيه حتى وقت وقف جنبها ....وهبط باسها من رقبتها لي كانت باينة ..حتى تهزات وتنفضت ودارت في سع تشوف فيه عاملة يديها على صدرها تحكي...
سجى:خلعتني حرام عليك...ما حسيتش عليك...
داوود:كنتي مشغولة مع ماعنك على هذي ما فقتيش.... حطيلي قهوة الله يحفظك ...
دار و تمشى في اتجاه الطاولة قعد يمسد في رأسو محتاج لڨارو يفيق بيه....مد يديه لجابو ما لقاشو عرف روحو نساه....شاف فيها هي كانت صباتلو قهوة وحطاتها قدامو....وهزات الحلوة لي خلاوها ليها دارهم من لي جابوها معاهم ....طلعت كل شيء معها لبارح حطت منها في صحن وحطتهم فوق طاولة ...بقى مراقبها بعينيه حتى كملت عاد نطق...
داوود:وانتي ما تفطريش...
سجى:ما نحبش نفطر في صباح ...
حرك رأسو باه وناض من بلاصتو مخليها مستغربة من نوضتو....خرج من الكوزينة طول لغرفتو هز باكي الدخان ولبريكة ورجع ادراجو...قعد في بلاصتو بعد ما فتح الطاقة باه يخرج الدخان وجبد واحد دارو في فمو وشعلو...سف منو وخرج الدخان من فمو وخشمو مخليها غير تشوف فيه....عاد هز فنجانو وجغم منو ورجع حطو في بلاصتو....وهز راسو فيها يحكي...
داوود:شوفتي هذاك الكاس لي جنبك اسجى...دارت تشوف فيه من نيتها....حركت رأسها باه تستنى فيه يكمل كلامو....راح تهزيه وتصبي ليك لحليب وتجي تقعدي قدامي تفطري....ما عنديش أنا نساء ما يفطروش رجع ڨاروه لفمو وسف منو مرة اوخرى مرقبها ....
سجى:داوود والله ما نحب نفطر في صباح ....من بعد ناكل حاجة وخلاص.....
داوود:هي كلمة وحدة الله يرضا عليك....
ما عوداتهاش معاه هزات الكاس لي قالها عليه وصبات فيه غير شوي حليب ....دارت السكر وهزاتو وقعد متقابلة معاه ....وبدأت تشرب وهو يقرب ليها في صحن الحلوة ويجغم من فنجانو حتى كملو....وكملت حتى هي هذاك الكاس بسيف ....وغير شافها كملت نطق. هو مبتسم ....
داوود:بصحة ...
سجى:واش من صحة الله يهديك راح مصارني تقلبو على الصباح....
داوود:مصارنك راح يتعودو ...ما عنديش أنا لفشوش بزاف نقعدو على هذي الطاولة ناكلو كيف كيف ولا حتى انا ما نكلش...
سجى:واش قبل كنت نقعد معاك....ياك على حد علمي كنت تاكل واحدك حتى على ساعتين تاع ليل ...
داوود:ضحك بالصوت على كلامها يحكي...كنا وكانو دورك تزوجنا ولينا مشاركين لفراش عيب اذا ما شاركناش حتى لماكلة...
سجى:بدلت الموضوع ما لقات كانت تسألو...داوود كشما تنعتلي القبلة من واين قبيلا حبيت نصلي وما عرفتش من واين...
داوود:طفاء ڨاروه وناض من بلاصتو يحكي...كملي واروحي عندي...
حركت ليه رأسها بأه وخرج هو مخليها هي هزات الكيسان لي فطرو فيهم...غسلاتهم ومسحت الطاولة رجعت الحلوة لي فضلت عليها لبلاصتها وقفات عليها عاد تبعاتو...
#يتبع