قصة بعنوان:#عروسي بقلم:#ساجدة_سجود (زيني حلا)

🔺الحلقة 21⁦🔺

🔺الحلقة 21⁦🔺
🔻عروسي..........#ساجدة_سجود🔻
اليد في اليد نازلين من دارهم....وصوت ضحكهم مسموع ....مكاين غير قولها و أضحك عليها....ناسيين واش وقع الصباح الكل....فاتو على دار لكبيرة من غير ما يدخلو....مأجلين اي نقاش حتى لمن بعد ...ركبو في طموبيل و ديمارو في اتجاه القالة....بحكم داوود يسكنون في بلاصة بعيدة شوي على الولاية....مع كان الصيف الناس الكل تخرج تسهر في ليل....طول الطريق هم يتناقشو على مواضيع مختلفة حتى تفتح موضوع لولاد.....شافت فيه سجى على آخر كلمة نطقها مخرجة فيه عينيها ....وقالت...
سجى:واش تحكي صح 6 ولاد...قطة أنا...
داوود:علاه لي جايبين عشرة وخمستاش كلهم قطط... حتى هم عباد كيفك كيفهم...
سجى:ايه نتفق معاك لكن هذاك كان قبل...أما دورك مبقاش حتى واحد يجيب عشرة ولاد....غير ربي يرزقنا برك...طفلة وطفل الحمدلله نربوهم ونقروهم و نتهناو...
داوود:مركز مع الطريق ويجاوب فيها....واش انتي صفا في مخك اسجى....زوج بالحساب علاه خلينا في واحد برك ما نتعبوكش معنا....
سجى:ضحكت على كلامو وقالت...نخمم ونقولك ...
داوود:اضحكي امدام من بعد نشوفو رايي شكون لي يمشي.....
تقفل الحوار بعدها ....خمس دقائق وكان واقف قدام مطعم مشهور بأكلات البحرية وعائلي....نزل ونزلات حتى هي ادور في عينيها دنيا كانت عامرة ....دخلو واختاروا طاولة فارغة قعدو وجاء عندهم سرفور أداء طلبهم وراح..... دقائق وكان طولتهم معمرة بشيء لطلبوه....باشرو بأكل من غير ولا كلمة لزوج كانو جعانين فغير تحط قدامهم ما بقاو شافو حتى حاجة حتى شبعو كرشوهم....كان أول واحد كمل فيهم هو داوود هز رأسو فيها لقاها مشغولة بالماكلة ابتسم على منظرها....وبقى يشوف فيها حتى كملت على خاطرها عاد هزات رأسها وشافت فيه....هزات بابي مسحت فمها وقالت...
سجى:الحمدلله شبعت تقول عندي عام ما كليتش...
داوود:بصحة الالة....
سجى:هزات كاس الماء شربت منو ورجعاتو لبلاصة وقالت....دورك واين نروحو ما تقوليش نروحو...
داوود:نهبطو للبحر ....
سجى:ايه علاه لا عندي بزاف ما رحتش تعرف...قاطع كلامها صوت تليفونها ابتسمت وهزات فيسع تحكي.. ماما صفا...
كلثوم:بنتي واش حوالك...
سجى:لحمدلله اماما انتم لاباس...كلكم بخير...
كلثوم:بخير نسقسو عليك....مولا بيتك بخير عمتك...
سجى:كلنا بخير ...داوود هاهو جنبي..
داوود:سلمي عليها...
سجى: أو مسلم عليك اماما....خرجنا نتعشاو لبرأ...
كلثوم:علاه ما عيطيش اليوم ....نهار الكل وانا بالي معاك ....
سجى:والله اماما ما نفرغ من حاجة لحاجة...زيد هبطت عند عمتي عزيزة تغدينا معاهم....وخرجنا دورك قولت غير نروح نعيط عليكم....لبنات واينهم ....
كلثوم:هاهم ديما متعاركين على خدمة...كيف تعرفيهم...المهم نخليك دورك وقت تروحي صوني عليا وهنيني عليك....ما نوصيكش على راجلك ودارك....
سجى:كوني هانية سلميلي عليهم الكل....غير نروح نعيط عليك اماما....
قفلت الخط عليها وخبات تليفونها ....عاد هزات رأسها فيه لقاتو يشوف معها وفي يديه ڨاروه لي ميخطاشو...مبتسم حتى هي ابتسمت معاه تحكي...
سجى:علاه تضحك...
داوود:علبالك بلي.نحبك...كل يوم نتاكد لي انتي احسن شيء وقع في حياتي ...وصبري مكانش خسارة...
سجى:ضحكت على كلامو....حتى انا نحبك اروحي... لكن علاه قوتلي لكلام هذا...
داوود:مرتي ونقولها واش نحب عندك مانع....نوضي نتحركو....
ناضو خلاصو واش كلاو....وخرجو من ثم وجهتهم المرة هذي كانت لبحر....مكانش بعيد بزااف على المطعم هذاك....ربع ساعة وكانو في البركينك حبس طموبيل ونزلو حكم في يديها وهبطو من وحدة الدروج....نحاو صبابطهم وتمشاو في الرملة وسجى فرحتها ما تعطيها لحتى واااحد....و فرحتو هو فرحتها هي ....اهم حاجة عندو هو ينسيها في شيء لي وقع الصباح والمشكل لي وقع.....تمشاو مع بعض وكل مرة يفتحو موضوع يتناقشو فيه....وفي كل مرة واحد فيهم يكتشف على لوخر حاجة مكانش يعرفها عليه من قبل....حتى لوقت متأخر عاد خرجو من ثم خلاص داوود طفل تاع لبركينك وديمارو راجعين ادراجهم لدار ... مسافة الطريق وكانو قدامها نزلو وطلعو طول لدارهم....غسلو رواحهم وتوضو صلو صلاتهم عيطت سجى على امها عاد رقدو في أحضان بعض....
#يتبع