قصة بعنوان:#عروسي بقلم:#ساجدة_سجود (زيني حلا)

🔺الحلقة 11⁦🔺

🔺الحلقة 11⁦🔺
🔻عروسي..........#ساجدة_سجود🔻
يوم اخر يمر....العرس خلاص...اليوم لاخير فيه ولي معروف بيوم صباحية لعروسة....البداية من عرسنا ...ناضو بكري ...دوش داوود لول مخليها هي تنوض بعقلها...عارفها موجوعة وحشمانة منو ....دوش وخرج ...مخليها تدخل بعدو...دوشت وهي تعمل في الحركة بسيف ...كملت في سع لبست حوايجها من لفاليز لي جابتها معها....نشفت شعرها وخرجت عندو لقاتو قاعد فوق واحد الفوتاي يلعب بالتليفون هز رأسو وقت حس بوجودها....ابتسم معها يحكي...
داوود:صباح الخير العمر...
سجى:صباح النور...
داوود:قربي عندي ...
ما عوداتهاش معاه ...غير شافها وصلت عندو مد يديه ليها....حكم يديها وقعدها جنبو يحكي....
داوود:موجوعة...حركت ليه رأسها بلا ...ابتسم على حركاتها وكمل. كلامو ببحة رجولية بسبب دخان لي ما عندوش دقائق من كماه....اسمعيني مليح اسجى دورك وليتي مرتي قدام ربي وقدام الناس...العيب ابنت الناس إذا شوفتي مني حاجة ما تعحبكش...ولاخليتك مخصوصة حاجة....لي تتمنيها تلقايها ولي تحلى في عينيك ليك....كيف جبتك من دار والديك بالعز راح تعيشي معيا بالعز...لي تضرك تضرني ولي تفرحك تفرحني....لكن مقابل هذا شيء نحبك تكوني مرأة لي نعول عليها حتى في غيابي ....لمرأة لي تصوني وتصبر معيا في المرة قبل لحلوة....تصون اسمي وتحط عائلتي عائلتها....الوليدة والوليد حتى إذا غلطو معاك امسحيها فيا...ولا ارواحي قوليلي....كثرت اللغاء ومشاكل النساء ما نحبهاش....واش تسمعي عليا ارواحي وقوليلي ...ما تحكميش عليا من كلام الغير والعكس راح نعملو أنا....واش متفاهمين الحلوة...
سجى:طول فترة كلامو كانت مركزة معاه ...تسمع فيه بتركيز وتسجل في كل كلمة كان يقول فيها...حتى كمل عاد نطقت....كون هاني نشاء الله ماشي راح يوقع بينا كان الخير...عمتي عزيزة وعمي علي بلاصتهم من بلاصة ماما وبابا...وحتى احترامهم ...
داوود:قرب منها وبأسها من جبهتها ونزل لشفايفها حط عليهم شفايفو وغرق معها في قبلة طويلة ما بعد منها كان وقت حس بحاجتها للهواء...حط.جبينو على جبينها يحكي...الله يكملك بعقل ازينة لبنات....لازمنا نتحركو...
سجى:تديني.عند الحفافة لازمني نعدل روحي...
داوود:ندي لعمر غير ابقيلي ضاحكة وفرحانة عندي الدنيا وما فيها...
سجى:الله يخليك ليك...
ناضت من بلاصتها دارت خيمارها سترت شعرها...ولمت لحوايج الكل منهم لاغوب ...نظفت الغرفة وطوات حتى لفراش لي فقدت عليه عذريتها...عطاتو لحوايج نزلهم عاد رجع ليها هي شابك.يديه مع يديها ونزلو خرجو طول...خلاص وقت نزل لحوايج ركبت جنبو وركب هو في بلاصتو ....وديمار في اتجاه الحفافة لي قالتلو عليها....
في دار لعريس واين كانو حتى هم ناضو الكل....غير شرقت الشمس....دارو على الدنيا لموها وخرجو مخليين الكوزينة لأهل لعروسة ....يوم صباحية يا يعملو غداء يا قهوة برك....واهل سجى اختارو يعملو قهوة وخلاص...فغير طلعت الشمس ناضو كلهم يوجدو لفطور لاهل الدار في انتظار تجي سجى ....وهذاك لي كان وجدو قهوة وحليب ....والحلوة لي جايبنها معهم موجدين في لزاسيات معمرة...فطرت العائلة الكل عاد فطرو هم....لمو لماعن غسلوهم خلولهم الدنيا تشعل ما خلاو لاهل داوود ما يقولو....

#تتمة_البارت
عند سجى لي خلاها داوود عند الحفافة عدلت ليها سبقتها هي غير كملت ليها عيطت عليه جاء أدها.... مسافة الطريق وكانو قدام الدار لقاو العائلة الكل قدام الباب غير سمعو صوت التزمير اصطفو الكل قدام الباب....وخرجت لالة لعروسة تحت زغاريد وكلهم يباركو ليها...أما داوود حرك ليهم كان رأسو وبعد من ثم مخليها معاهم داخلوها لداخل لشمبرة واين باتو اهلها...واين محطوطين حوايجهم عاونوها لبست ڨندورة لي شراتها هي في الفاليز..... أمها تسأل فيها وتعاود....وهي حشماتة حتى تجاوبها ....خرجوها وتصدرت في لبلاصة لمخصص ليها واين كانو قاعدين ....وهكا فات الوقت لبست فيه سجى ثلاث لبسات من لخيطتهم....باركولها الكل وتصورو معها ....وجاء وقت الوداع والوقت لي لازم اهلها يغادرو...اصعب لحظة في العرس الكل هو لحظة الفراق ....بسيف باه تفكات على امها في زوج دمعتهم على خدهم....تحضنت خواتها في زوج شبعوها بوس ...عاد سلمو عليها باقي لعائلة وخرجو مودعينها ومخليينها من وراهم.متبعتهم بعينيها ونادية تصبر فيها ...وعزيزة مع كلثوم لتوصي على بنتها....ركبو في طموبيلات وديمارو في اتجاه دارهم ....
تحط لغداء بعد ساعة من خروج اهل سجى...لي هدأت بسيف...تغداو مجموعين وهي في وسطهم ناس غراب عليها كاين لي يضحك معها من قلبو وكاين لي رسمها على وجهو مزيفة....تهز لغداء و بقات هي في بلاصتها قاعدة في وسط بنات خالتو و عماتو فاتحين مواضيع مختلف يحكو فيها ....حتى نطقت نادية تحكي..
نادية:مفيدة خالتي مروحة الليلة ولا حتى لغدوة ...
مفيدة:ماما مروحة اليوم أنا لي غدوة...مرانيش ساخية بالمة....
نادية:ضحكت تحكي...لعرس خلاص فيسع ما عدا ...كنا نخممو فيه...شافت في سجى وكملت...مرت خويا الليلة ناكلو من تحت يديك..
سجى:ابتسمت معاه تحكي...نشاء الله ...
مفيدة:خزرات فيها وقالت...كنت راح.نكون في بلاصتك اسجى...لكن كل شيء بالمكتوب داوود راجل حافظي عليه وحطيه في عينيك ...ما تلقايش كيفو....
سجى:طلعت حاجب ونزالت لوخر تحكي...كيفاه في بلاصتي ما فهمتش عليك...
نادية:علاه ما قالكش داوود لي ماما كانت متمنيا ليه مفيدة....لكن المكتوب ...
نجلة(بنت عمتو):دورك علاه تجبدو في الماضي هو دورك تزوج الله يهنيهم...سجى عزيزتي ما تديش عليهم ديما يجبدو الموضوع هذا وقت نتجمعو تعودو...
نادية:خافت من خوها خاصتا وقت شافت وجهها تبدل ابتسمت تحكي...والله كل شيء من عند ماما هو ما قال والو ....مجرد هدرة برك ....يلاه نوضي معيا نديك للكوزينة....
سجى:لازمني نبدل حوايجي ...
نادية:نعطيك من عندي حتى تروحي لدارك....
ناضت معها من غير ولا كلمة ...مورالها طاح وقلبها وجعها من الكلام لي سمعاتو....لكن ما بينتش ...
#يتبع