قصة بعنوان:#عروسي بقلم:#ساجدة_سجود (زيني حلا)

🔺الحلقة 19⁦🔺

🔺الحلقة 19⁦🔺
🔻عروسي..........#ساجدة_سجود🔻
تسمرت في بلاصتها ...بقات كان عينيها يلعبو ...بلعت ريقها بصعوبة وهي تشوف فيه لكن هو ما عطهاش الفرصة لي تبقى تشوف فيه بزاف...دزها ودخل لداخل يحوس على أمو بعينيه حتى لقاها قاعدة في الصالون وقفت وقت شفاتو تحكي...
عزيزة:والدي مرحبا مرحبا...جيت وحدك ولا معاك سجى ...
داوود:واش قوتلك أنا الوليد قبل ما تدخل بنت الناس لداري هاا..
عزيزة:ولدي نقص في صوتك امك هذي لي قاعد تحكي معها....وزيد احترم حرمة لبيوت راجل اختك لداخل واش يقول علينا...لبسة خيمارها ...عدنا درانا نحكو فيها ....
داوود:علاه انتم خليتو لامي عقل نفكر بيه....
دار عطيها بظهرو راح يخرج لقاها واقفة قدام باب الصالون تشوف....هز صبعو كإشارة تحذير وكل كلمة نطقها كان يضغط عليها .....
داوود:اقسم بالله العلي العظيم ومزال نسمع عليك انك ما حترمتيهاش وقللتي منها ....راح ننسى اني عندي اختي ....راح ندفنك حية انادية وعمر كلامي راح يجي على كلامي...ولا رجلي تعتب دارك ....بنت الناس ديري بيناتكم شبر تيساع....مشاكل النساء ما نحبهاش ....
رمى كلامو وخرج من دارها مخلي امو من وراه تودع في بنتها....حتى خرجت عندو لقاتو يسف في دخان وحواجبو عاقدهم.....الشوفة فيه تعرف لي هو معصب ووصلا بيه للعظم....غير حس بيها تمشى وهي تمشي جنبو لا هي رجعت حكات معاه ولا هو رجع حكى معها.....مسافة الطريق وكانو وصلو لدار دخل هو لول وهي من وراه تبع فيه وعقلها خدام يخمم في واش ممكن يكون واقع ولا واش قاتلو حتى رجع هكا..... دخلت لدارها ما أدتهاش فيه نهائيا نحات جلابتها براحة راحتها وقعدة قدامو وهو غير شافها قعدت نطق...
داوود:هاني نسمع الوليدة ...
عزيزة:واش عندك ما تسمع من عندي...خير نشاء الله جاي حتى لعندي تتنفخ وتتفش واحد....عمراتك عليا كون غير نكون عملت ليها حاجة....
داوود:استغفر الله العظيم....ما عمرتنيش مرانيش ساعة باه تعمرني ونجي نصوني عليك....لمرأ ما قالت والو ...جات عندك خليتها عندك قولت مع الوليدة... وانتي تلبسي وتروحي عند بنتك...وتخليها هي هنا ... ترضيها لبنتك ....وزيد ماشي قوتلك موضوع لخطبة ما خطبة يتقفل ر** قولتها ولا ما قولتهاش ...
عزيزة: باه نروح عند بنتي لازم ندي إذنها....وزيد خليتها في بلاصة فارغة وجيت...هاهي في دارها ثانية معتبرتها بنتي مخليتها في داري....كون جيت وقولت ليها كانت راح تفهما لي انا نسحت فيها....خليتها قاتلك اي مقالتش ليا....وموضوع مفيدة هي لفتحاتو نبقى نعس على فامهم باه مرتك تبقى بخاطرها ....
علي:واش كاين هنا...علاه صوتكم عليا...شاف في والدو ورجع شاف في مرتو وقال...رااني هدرت ...
عزيزة:ارواحي اسي علي ...اسمع والدك كيفاه شاعل فيا من قبيلا على جال مرتو...خليتها هنا وقولت بنتي إدار دارها....ورحت عند نادية قاتلك اي ما قلتش ليا...وجاء هو حتى لعند اختو وكون تشوف واش سمعها وهي حاصلة في روحها .....
داوود:صمت ما قال حتى كلمة قاعد يشوف برك....
علي:وانتي علاه ما قولتيش ليها ....طفلة واين تعرف هي لي انتي محطيتها كيف بنتها الالة عزيزة.... بنتك لمن قال ما تروحيش ليها....وحتى بنت الناس خبريها ممكن تحب تروح معاك...العيب اذا قالتيها ومن بعد قالت فيك حاجة اوخرى...
عزيزة:لا والله مليحة هزات يديها وضربتها على فخاضها تحكي....طفلة جات البارحة حابة تخرجني أنا لي غالطة.....واش نعمل نظهر أنا ماشي مليحة....ايه زيدوني نستاااهل كون قولت ليها الباب راني رايحة راكم جبتولي البوليسية.....
داوود:الله يهديك علاه هذا شيء كل....كلمة الحق ما تعجب حتى واحد....شيء لي ما ترضيشو على بنتك ما ترضيشو على بنات الناس الوليدة...بنت الناس كلمة ما قالتها من عرسها وهي تسمع وتخبي سألتها الف مرة وما قاتلي حتى كلمة في حقكم...وانتي ياخسرة والله...
علي:والدك عندو الحق الخطا منك حتى والو من غير قصد كيف تقولي...اقفلي عليا الموضوع هذا وانتم تتغاوتو في داري واش يقولو عليا الناس....
عزيزة:نزلت دموعها تحكي....ياخسرة اولدي صح... ياخسرة لحليب لرضعتو ليك...وليت أنا لي منسواش ومرتك هي لعندها الحق ....ميمتك ماشي مليحة وهي لي مليحة ...وانت اسي علي ولو جيران خير مني انا ايه الله يكثر خيركم ....هذا واش نستاهل من عندكم....
جات راح توقف حسات بدوخة وترمات على الفوتاي لي كانت قاعدة عليه...مخليا قلب داوود يتهز من بلاصتو...ناض يجري في إتجهها...وما على فمو كان كلمة وحدة الوليدة ....
#يتبع