I'm in love with criminal { completed }

Part-13

13 💙I'm in love with criminal💙
        ✨Part-13✨

"ကောင်လေး ကိုယ်ရောက်ပြီ"

စာသင်နေပါရင်း ဖုန်းထဲသို့ ၀င်လာသည့် message ကြောင့် ပိုင်မြတ်ပြုံးမိသွား၏။ စပ်စပ်စုစု ဘေးမှာထိုင်နေသည့် မိုးနိုင်လင်းက သူ့ဖုန်းကို စောင်းကြည့်နေသည်မို့ မျက်မှောင်တစ်ချက်ကြုတ်ကာ ကြည့်ပစ်လိုက်သည်။ ယောကျ်ားလေးဖြစ်ပါပြီး ဘာကြောင့်အဲ့လို စပ်စုရလဲမသိပါ။ပိုင်မြတ် အဲ့ဒီ့မိုးနိုင်လင်းဆိုတဲ့ကောင်ကိုကြည့်မရ။ သူ့ဆီက မှတ်စုတွေရနေသည်မို့သာ အလိုက်အထိုက်ဆက်ဆံနေခြင်းဖြစ်သည်။

ဆရာက သင်နေတာမပြီးသေးသည်ကြောင့် ဒီနေ့တော့ ဘဲကြီးခဏလောက် စောင့်ရမည် ထင်သည်။ ခြေထောက်နာနေတာအကြောင်းပြပါပြီး ဘတ်စ်ကားမစီးနိုင်ဘူး ပြောတော့ အလုပ်မအားသည့်ကြားက သူ့အား ကျောင်းပို့ကျောင်းကြိုလုပ်ပေးနေပါသော ဘဲကြီးကြောင့် အကျေနပ်ကြီးကျေနပ်နေရ၏။

"ကိုယ်အလုပ်မအားပေမယ့် ကောင်လေးအတွက်ဆိုရင်တော့ အချိန်ပေးနိုင်ပါတယ်"တဲ့လေ...

ဘယ်လောက်တောင် သဘောကျဖို့ကောင်းတဲ့ ဘဲကြီးပါလဲ ။

ဆရာထွက်သွားတော့ သူ့မှာ ဦးဆုံးအခန်းထဲက ထွက်လာရသည်။ မိုးနိုင်လင်း၏ အနောက်ကခေါ်သံကြားပေမယ့်လှည့်မကြည့်ဖြစ်ပါ။ ထိုကောင့်ကို ဘယ်လိုရေစက်ကြောင့်မှန်းမသိ။ သူလုံး၀ကြည့်မရ။ တစ်ခြားသူတွေနဲ့ ခပ်ကင်းကင်းနေတတ်ပေမယ့် သူ့နားတော့ တစ်ချိန်လုံး လိုက်ကပ်နေတတ်၏။ ပိုင်မြတ်သဘောမကျရသည့်အထဲတွင် ထိုအချက်လည်းပါသည် ။ ဘာမှန်းမသိ ။ လူနားမှာတစ်ချိန်လုံးလိုက်ကပ်နေတာ ။

စောင့်နေကြနေရာရောက်တော့ ကားတံခါးမှီကာ ဘောင်းဘီအိတ်ထဲလက်ထည့်ထားပါရင်း နောက်လက်တစ်ဖက်မှ ဖုန်းကိုင်ထားသည့် ဘဲကြီးကိုတွေ့ရသည်။ ပုံမှန်ရပ်နေတာတောင် စတိုင်ကျလှသည့် ဘဲကြီးဟာ တကယ်မိမိုက်နေသည်။

အနက်ရောင်ကိုသာ နှစ်ခြိုက်စွာ ၀တ်တတ်သူမို့ ရှင်းသန့်သည့်အသားအရည်နဲ့လိုက်ဖက်နေပြန်သည်။ ဘဲကြီးနားလျှောက်သွားလိုက်ပါပြီး ကွက်ကြည့်ကွက်ကြည့်ရှိုးနေကြသည့် ကောင်မလေးတွေကို အကြည့်စူးစူးပေးလိုက်၏။ ဘဲကြီးကတော့ သူ့ကိုလူတွေကြည့်နေကြမှန်းတောင်သိဟန်မတူပါချေ။ လက်ထဲကဖုန်းကိုသာ အာရုံရောက်နေ၏။