မနက်ခင်းညီလာခံပြီးတော့ မင်းကြီးက အခေါ်ရှိတာကြောင့် သူ့ရဲ့နန်းဆောင်ကို Jongin လိုက်လာခဲ့ရသည်။ ဆွေးနွေးတိုင်ပင်နေကျ ကိစ္စတွေကလွဲ အထွေအထူးတော့ မပြောလာပါ။ Sehun ရဲ့ စစ်ပွဲအောင်နိုင်မှုအကြောင်းတွေဆီရောက်လာတော့ Jongin ဆောင်ဂျွန်းမင်းကြီးရဲ့ ရှေ့မှာထိုင်ရတာ လိပ်ပြာမလုံသလိုဖြစ်လာသည်။ တံဆိပ်ကို သိမ်းထားခဲ့တာ Jongin မှန်း ဘယ်သူက တွေးမိမှာလဲ။ ပြီးတော့ အဲ့တံဆိပ်တော်ကို မင်းကြီးလက်ထဲမထည့်ဘဲ Sehun ကို ပေးခဲ့သေးတာ ..
"မင်းသားနဲ့ရော တွေ့ဖြစ်သေးလား"
"မ .. မတွေ့ဖြစ်ပါဘူး .. မင်းကြီး"
"Sehun က ထင်ထားတာထက် အရည်အချင်းရှိတဲ့သူတစ်ယောက်ပါ .. ဒါပေမယ့် သူ့အရည်အချင်းတွေကို တော်ရုံမထုတ်ပြတတ်ဘူး .. ခမည်းတော်ရှိတုန်းက တောကစားထွက်ကြသေးတယ် .. အစကတော့ Sehun က စိတ်မပါသလိုပဲ .. မလိုက်မဖြစ်လို့ လိုက်ရသလိုမျိုး"
မင်းကြီးက အတိတ်ကို ပြန်သတိရသွားရင်းကနေ ခပ်ဟဟရယ်လာသည်။ Jongin လည်း ပြောမယ့်စကားကို ဆက်နားထောင်နေလိုက်သည်။
"ခဏအနားယူကြပြီး ပြန်စတဲ့အခါမှာ Sehun မျက်လုံးအရောင်တွေ လုံးဝပြောင်းသွားတာ .. သူစပြီး အမဲလိုက်တယ် .. သားကောင်တိုင်းဟာ သူ့လက်မှာပဲ အဆုံးသတ်တယ် .. အဲ့တုန်းက ကိုယ်တော်ရော တခြားအမတ်တွေပါ အရမ်းအံ့ဩသွားခဲ့တာ .. ခမည်းတော်လည်း မချီးကျူးဘဲ မနေနိုင်ခဲ့ဘူး"
"ဘာလို့ ချက်ချင်းပြောင်းလဲသွားရတာများလဲ"
"သူ့စိတ်ခံစားချက်ကို တစ်စုံတစ်ခုက တွန်းအားပေးလိုက်လို့ထင်တယ် .. အဲ့ပုံစံကို Jongin မြင်ဖူးရမှာ .. လုံးဝတခြားလူတစ်ယောက်အတိုင်းပဲ"
မင်းကြီးပြောပုံအရ Sehun က ထိန်းချုပ်ရခက်တဲ့သူမျိုး ဖြစ်နိုင်သည်။ Jongin မမြင်ဖူးတဲ့ Sehun ရဲ့ တခြားမျက်နှာတစ်ဖက်ကို စဉ်းစားမိတော့ စိတ်မောရသည်။ အခုဆို မယ်မယ်လည်းမရှိတော့ ပိုစိတ်ပူမိသည်။ ညီလာခံမှာတုန်းက Sehun ရဲ့ မျက်လုံးတွေက အရှိန်အဝါတစ်မျိုးနဲ့ အေးစက်စက်နိုင်နေတာတော့မှန်။
"အခုလိုခေါ်လိုက်ရတာကိုယ်တော် Jongin နဲ့ တိုင်ပင်စရာရှိလို့"
YOU ARE READING
Sacrifice
Historical FictionIn the Joseon dynasty, the second prince rises to claim the throne, but his heart remains bound to his childhood friend-a forbidden love. SEKAI Historical Fanfiction
