"မပြောမဆိုနဲ့ အဲ့လိုထွက်သွားရလား .. ငါပြန်လာရင် လိုက်ပို့ပေးမယ်လို့မပြောဘူးလား"
"ရှူး .. တိုးတိုးပြောစမ်းပါ Baekhyun ရာ"
Jongin ကိုယ့်သဘောနဲ့ကိုယ် အိမ်ကိုပြန်လာမိလို့ Baekhyun ဆီက အဆူခံနေရခြင်းပင်။ ဒဏ်ရာတွေလည်း သက်သာနေပြီမို့ ချန်းဒူနဲ့အတူ ပြန်လာတာပါ ပြောနေတာတောင် Baekhyun က ကြံဖန်စိတ်ပူပြီး အိမ်တိုင်ရာရောက် လာဆူနေသေးသည်။
"ဘာလို့အဲ့လောက်လောနေတာလဲ .. ငါ့ကိုအမှန်အတိုင်းပြော .. မဟုတ်ရင် မင်းတစ်အိမ်လုံးသိအောင် ပြောလိုက်မှာနော်"
"ဟာ .. အိမ်ကိုတော့ အသိမပေးလိုက်ပါနဲ့ .. ငါပြောပြမယ် .. ဟုတ်ပြီလား"
"ဒါဆို ပြောပြ"
"ဆောင်ဂျွန်းမင်းသား ရောက်လာလို့"
"ဘာ!!!"
"ရှူး .. တိုးတိုးနေပါဆို .. ခရီးက ပြန်ရောက်ရောက်ချင်း ငါ့ဆီသတင်းလာမေးတာတဲ့ .. ဘယ်လိုသိတာလဲမေးတော့ အဲ့ဒါအရေးမကြီးပါဘူးဆိုပြီး ရှောင်သွားတယ်"
"ဪ .. ဟုတ်လား .. ဒါနဲ့မင်းကို ဘာတွေပြောသွားသေးလဲ"
"ဘာမှတော့ ထွေထွေထူးထူးမပြောပါဘူး .. ကျန်တာ ကျောင်းကိစ္စတွေပါပဲ .. ငါလည်း အိမ်ရှေ့စံကိုမြင်တော့ တကယ်အံ့ဩသွားတာ .. သူကမှ စိုးရိမ်ပေးဖော်ရသေး"
ဘယ်သူ့ကိုရည်ညွှန်းချင်မှန်း Baekhyun သိတာမို့ ချောင်းတစ်ချက် ဟန့်လိုက်သည်။ ဒါပေမယ့် ဆောင်ဂျွန်းမင်းသားထက်စာရင် Sehun က Jongin ဆီလာတာ ပိုဖြစ်နိုင်သေးသည်မဟုတ်လား။
"မင်းသားရော .. မလာဘူးလား"
"သူ့အကြောင်းပြောမနေနဲ့"
"သခင်လေး .. နန်းတော်ထဲကလူတွေ ရောက်နေတယ် .. သခင်လေးကိုတွေ့ချင်လို့တဲ့"
Jongin တို့ဆီကို သတင်းလာပို့ပေးတဲ့ ချန်းဒူကြောင့် နှစ်ယောက်သားမမျှော်လင့်ပါဘဲ အကြည့်ချင်းဆုံမိသည်။ နောက်ဆုံးတော့ Jongin မျှော်နေတဲ့သူရောက်လာပြီလား။
"အိမ်ရှေ့စံမင်းသား"
ရှေ့ကထွက်သွားနှင့်သူ Jongin ဆီက အသံကြောင့် Baekhyun အထဲကနေပဲ နားထောင်မိသည်။ ဆောင်ဂျွန်းမင်းသားက ဘာကိစ္စရှိလို့များပါလိမ့်။
YOU ARE READING
Sacrifice
Historical FictionIn the Joseon dynasty, the second prince rises to claim the throne, but his heart remains bound to his childhood friend-a forbidden love. SEKAI Historical Fanfiction
