အစကတော့ Sehun နဲ့ ဆက်ဆံရေးကို ဒီလိုမျိုးပြောင်းလဲလိုက်ရလို့ အဆင်ပြေပါ့မလား တွေးပူခဲ့ပေမယ့် ထူးဆန်းစွာပဲ အဆင်ပြေနေခဲ့သည်။ Sehun ဘက်ကနေ သူ့အပေါ် အရင်ကထက်ပိုပြီး ပွင့်လင်းလာသလို Jongin နေရခက်စေမယ့်အရာမျိုးတွေ မကြိုက်တာတွေကိုလည်း ရှောင်ပေးသည်။ တစ်ခါတလေတော့ တဇွတ်ထိုးဆန်တဲ့ အကျင့်လေးက ဖျောက်မရပေမယ့်ပေါ့။
"ကိုယ့်အနားမှာရှိတဲ့အချိန်တိုင်း မင်းရဲ့အပြုံးတွေက အသက်ဝင်ဆုံးဖြစ်စေရမယ်"
ယုံကြည်မှုရှိစွာနဲ့ ပြောခဲ့တဲ့စကားအတိုင်း Sehun နားမှာရှိတဲ့အချိန်တွေဆို ပေါ့ပေါ့ပါးပါးနဲ့ ပြုံးရယ်လို့ရခဲ့ပါသည်။ ရှားပါးလှတဲ့အနမ်းတွေကလည်း ရစ်မူးဖွယ်ကောင်းသလို နေသားကျဖို့တော့ ကြိုးစားနေရတုန်း။
"Baekhyun .. ငါတို့ပုံစံက တစ်မျိုး .. ဟို .. နည်းနည်းသိသာနေလား"
"ဘာကိုလဲ .. မင်းကြီးက အရင်တည်းက မင်းအပေါ်ဒီလိုပါပဲ .. သိပ်ပြောင်းလဲသွားတာမရှိပါဘူး .. မင်းသတိမထားမိလို့ဖြစ်မှာ"
"ဒါပေမယ့် သူများတွေအမြင်မှာ .. "
"ya .. Jongin .. ကိုယ့်အတွက်ပဲတွေးစမ်းပါ .. မင်းပျော်နေတယ်မလား .. ဒါဆိုရပြီလေ"
Baekhyun က ရှာတာလည်းမပြတ်ဘဲ Jongin ကိုလည်း စကားသေချာပြန်ပြောပေးနေသည်။ အဲ့လိုဆိုမှ သူကဘာလို့ မလာစဖူး စာကြည့်ဆောင်ထဲ လာရတာလဲ။
"ဘာရှာနေတာလဲ .. ငါ့ကိုပြောလေ .. ဒီကို ခဏခဏလာနေကျဆိုတော့ ဘယ်စာအုပ် ဘယ်နားရှိမလဲ သိတယ်"
"ဟုတ်သားပဲ .. မင်းရှာရင် ပိုမြန်မှာပေါ့ .. မင်းကြီးက မှတ်တမ်းတစ်ချို့ ယူလာခိုင်းလို့"
Jongin က ခေါင်းတငြိမ့်ငြိမ့်နဲ့နားထောင်ပြီး ညာဘက်ထောင့်စွန်းက စာအုပ်စင်ဘက်ကို လျှောက်သွားသည်။
"ဒီထဲမှာရှိလောက်တယ် .. ငါရှာကြည့်လိုက်မယ်"
"ဒါဆို တွေ့ရင် မင်းကြီးဆီကို ယူသွားပေးပါလား .. ငါ ဂိတ်ဘက် သွားစစ်ဆေးရဦးမှာမို့"
Jongin လည်း အားနေတာနဲ့ပဲ Baekhyun အကူအညီတောင်းတာကို လက်ခံလိုက်သည်။ မှတ်တမ်းတွေက သိပ်တော့မရှာလိုက်ရ။ ဒီအချိန်ဆို Sehun က သူ့နန်းဆောင်မှာပဲရှိနိုင်တာမို့ ယူသွားပေးလိုက်သည်။
YOU ARE READING
Sacrifice
Historical FictionIn the Joseon dynasty, the second prince rises to claim the throne, but his heart remains bound to his childhood friend-a forbidden love. SEKAI Historical Fanfiction
