❤️ បម្រើស្នេហ៍ Alpha 💫 ( Complete ✅ )

💛 បម្រើស្នេហ៍ Alpha ✨

Episode 14 : យើងសន្យាថាតទៅយើងនឹងស្រឡាញ់មើលថែឯង បង្កើតក្តីសុខនិងសុភម្គលអោយឯងនឹងមិនធ្វើអោយឯងទឹកភ្នែកឡើយ...

បន្ទាប់មក យ៉ុនហ្គី និង ជីមីន ក៏នាំគ្នាញ៊ាំអីបន្តដោយគ្មានអ្នកណានិយាយអ្វីមួយអឿសឡើយ ។ រាងតូចវិញខំលេបបាយទាំងអួលៗ គេមិនចង់យំទេដោយសារតែរឿងអន់ចិត្តប៉ុណ្ណឹងនោះ ប៉ុន្តែគេពិតជាទប់មិនបាន កន្លងមកក្រៅតែពីធ្វើរឿងលើគ្រែ យ៉ុនហ្គី មិនដែលចាប់អារម្មណ៍ខ្វាយខ្វល់ជាមួយគេបន្តិចណាឡើយបើត្រូវនិយាយល្អជាមួយនោះក៏មានលោកស្រីមីននៅជិត ។

" យំទៀតហើយមែនទេ ? " ឃើញរាងតូចញ៊ាំបាយឈ្ងោកមុខសឹងដល់ក្នុងចាន យ៉ុនហ្គី ក៏សួរឡើងទាំងធ្វើមុខធុញទ្រាន់ពេញទំហឹង ។

" អត់ទេ ខ្ញុំមិនបានយំទេ " ជីមីន ក៏ប្រញាប់តបទាំងគ្រវីក្បាលតតាក់ ។

" បើអ៊ីចឹងក៏ល្អហើយ ព្រោះបើឯងយំគ្រាន់តែរឿងប៉ុណ្ណឹងយើងក៏កាន់តែធុញទ្រាន់ជាមួយឯងថែមទៀត " យ៉ុនហ្គី ថាចំៗទាំងមិនគិតដល់ចិត្តទន់ជ្រាយរបស់ ជីមីន សូម្បីតែបន្តិច នាយមិនបានខ្វល់ទាល់តែសោះថារាងតូចខូចចិត្តខ្លាំងប៉ុណ្ណាកាលបើលឺនាយនិយាយបែបនេះ ។

" បើលោកមិនពេញចិត្ត ខ្ញុំក៏មិនធ្វើអោយលោកកាន់តែមិនពេញចិត្តដែរ " ជីមីន តបទាំងញញឹមគួរអោយស្រឡាញ់ គឺស្នាមញញឹមក្រោមភាពឈឺចិត្តយ៉ាងខ្លាំងនេះឯង ។ វាក៏សមព្រោះគ្មានអ្នកណាម្នាក់គេសប្បាយចិត្តនោះទេពេលលឺមនុស្សដែលយើងស្រឡាញ់និយាយចេញមកក្តែងៗទាំងមិនយល់ចិត្តបែបនេះនោះ ។

" ចុះមានទៅពេទ្យពិនិត្យទេថាមានកូនឬអត់ ? "

" នៅទេ ព្រោះ--- "

" មិនបាច់និយាយទេ យើងដឹងថាឯងទៅណាមកណាចាំតែយើងរហូតហ្នឹង បើគ្មានយើងស្អីក៏មិនចេះធ្វើដែរ គួរអោយធុញខ្លាំងណាស់ "

" ខ្ញុំសុំទោស តទៅខ្ញុំនឹងព្យាយាម មិនអោយរំខានអោយលោកធុញទៀតទេ " ជីមីន និយាយទាំងឈ្ងោកមុខចុះ ទឹកភ្នែករបស់គេស្រក់ចុះតក់ៗ ។

ប៉ុន្តែសួរថា យ៉ុនហ្គី គិតអាណិតឬខ្វល់ជាមួយគេមែនទេ ? អត់នោះទេព្រោះទឹកភ្នែករបស់ ជីមីន វាមិនប្រៃ វាប្រហែលសាបរហូតគ្មានតម្លៃសម្រាប់នាយសូម្បីតែបន្តិច ។