Direction Of Heart ទិសដៅនៃបេះដូង [Khmer] [GxG] [GL]

34. រថភ្លើងជួបគ្នា ?

ផ្លូវជីវិត Qing Yi ពេលនេះគឺរលោងស្រិលដូចចាក់កៅស៊ូ ងេីបពីម៉ោង 6 រៀបចំទៅធ្វេីការដល់ម៉ោង 12 ចេញពីធ្វេីការហេីយទៅសាលា ប្រាក់ខែដែលបេីកមកបានគឺសមល្មមនិងចំណាយប្រចាំថ្ងៃរួមទាំងថ្លៃបន្ទប់ទៀតទាំងមិនចាំបាច់ដេកភ័យព្រួយនិងសល់ខ្លះទុកសន្សំបានទៀតផង ។ ចំណែកថៅកែថ្មីក៏ជាមនុស្សចិត្តល្អ បេីទោះបីជាអ្នកមាននៅផ្ទះតម្លៃរាប់លានដុល្លារក៏មិនក្រអឺតឆ្មេីងឆ្មែរដែរគឺគាត់តែងឆាតនិង Qing Yi រាល់ថ្ងៃ រាល់ពេល រហូតពេលខ្លះ  Qing Yi ឆ្ងល់និងថៅកែដែលមានពេលវេលាអីច្រេីនដល់ថ្នាក់និងចាំ Reply Chat នាងរហូត ។ អ្វីដែលកាន់តែហួសចិត្តនោះគឺឲ្យតែនាងតបយឺតឬភ្លេចមេីលមិនបានចូលមេីលយូរ នោះពេលនាងតបទៅគាត់វិញគឺគាត់ Seen ចោលតែម្តងដែលធ្វេី Qing Yi កាន់តែចម្លែកហេីយជាចម្ងល់គឺគាត់តែង Good Night ដាក់នាងម៉ោង 11:11នាទី រាល់យប់ឥតខានតែម្តង នេះបេីកុំតែនាងដឹងថាថៅកែធ្លាប់ឈឺចាប់យំនឹកសង្សារដាក់នាងថ្ងៃមុនទេ នាងប្រាកដជាគិតថាថៅកែនាងលួចស្រលាញ់នាងហេីយ ។

ក្រោយបញ្ចប់ការងារជាស្ថាពរ Qing Yi បានពិនិត្យមេីលបរិវេណផ្ទះគ្រប់ជ្រុងជ្រោយថាស្អាតល្អអស់ Qing Yi បានរៀបចំឥវា៉ន់និងកាតាបនាងចេញពីធ្វេីការដូចសព្វមួយដង។

ក្រោយពេលចុះដល់ជាន់ក្រោមបង្អស់ Qing Yi ក៏មានអារម្មណ៍ថាចង់ចូលបន្ទប់ទឹកដេីម្បី ហេីយនាងក៏ដេីរចូលបន្ទប់ទឹកដ៏ធំនៅជាន់ក្រោមតែម្តងទៅ ។ ឈានចូលដំបូងបន្ទប់ទឹកពេញអស់ដោយមាននារីពាក់សុិចសុីម្នាក់ក៏កំពុងលាងដៃនិងពិនិត្យមេីលបបូរមាត់ខ្លួន ហេីយដៀងភ្នែកមេីល Qing Yi ដែលចូលមកអម្បាញ់មិញនេះពីក្បាលដល់ចុងជេីង ។ Qing Yi កាលដែលឃេីញគេមេីលលេីមេីលក្រោមកក៏មិនស្រណុកក្នុងខ្លួន ធ្វេីកាយវិការបែបណាក៏មិនសម រហូតបន្ទប់ដែលរវល់បែរមានមនុស្សចេញមក នារីសុិចសុីម្នាក់នោះដេីរកាត់មុខ Qing Yi ហេីយចូលទៅបាត់ ។ ចំណែក Qing Yi ដែលស្ពាយកាតាបក៏មិនបានគិតអីច្រេីននោះដែរ ដោយឃេីញមានគេចេញពីបន្ទប់ទឹកផ្សេងមួយទៀត Qing Yi ឃេីញថាទំនេរក៏ចូលទៅបាត់ទៅ ។ មិនទាន់ទាំងបានចូលស្រួលបួលផងស្រាប់តែមានគេមកគោះទ្វារបន្ទប់ទឹកនាងខ្លាំងៗ ដោយស្រែករំពងអេីងកងពាសពេញអគារ ។ Qing Yi ចេញមកទាំងមុខឆ្ងល់ថាមានរឿងអីកេីតឡេីង ដែលគ្រាន់តែនាងចេញមកភ្លាម នារីសុិចសុីម្នាក់នោះបែរចាប់ទាញ Qing Yi មួយទំហឹងរួចស្រែកប្រាប់សន្តិសុខដែលឈរក្បែរថា Qing Yi ជាចោរលួចខ្សែរដៃរបស់ខ្លួន ។ Qing Yi ដែលត្រូវគេចោទទាំងរស់ ភ័យស្លន់ស្លោបែរព្យាយាមប្រកែក តែពុំមានអ្នកណាជួយនាងទេ គេគ្រប់គ្នាធ្វេីដាក់នាងដូចជាបានយករបស់អ្នកដទៃពិតមែនអញ្ចឹង មនុស្សគ្រប់គ្នានាំគ្នាចោមរោមមេីលមកនាងដូចនាងជាសត្វធាតុ ចំណែកនារីសុិចសុីនោះបាននិយាយដោយចាប់ក្រវួចករអាវ Qing Yi ស្រែកក្តែងៗឲ្យយកខ្សែរដៃចេញមក ។ Qing Yi ដែលមិនដឹងខ្យល់អីសោះបែរគេចោទជាចោរ ហេីយសន្តិសុខម្នាក់បានព្យាយាមទាញកាតាបនាងមកឆែកឆេរ ទាំងមិនមានភស្តុតាងថានាងជាអ្នកយកពិតប្រាកដ ។ Qing Yi ដែលត្រូវរោមជិត ស្លុតរហូតខ្លួនឯងជាអ្នកត្រូវសោះក៏ប្រកែកមិនចេញព្រោះគេបានវិនិឆ្ឆ័យនាងដោយសារតែសម្លៀកបំពាក់នាងបាត់ទៅហេីយ ។