من أنا يا من عشقت

الفصل الثانى 🦋

فى مكان اخر فى القصر
مراد: انت مش حاسة ان فى حاجة بين سيدرا والياس
سميرة: اقولك الحق انا حاسه ان بنتى مش مبسوط من ساعة ما اتجوزت بس لما بسالها عاملين ايه بتقولى كل حاجة تمام بس حاسة انها بتقولها من قلبها بس مش عارفه اصدق كلامها ولا احساسى
مراد: المشكلة انو مش باين عليهم انهم متخاصمين فى مشكلة كل الى بنفكر فيه مجرد احساس مش اكتر وعلى العموم كله بيبان فى الاخر
سميرة: على رايك ربنا يهدى يوفقهم ويكمل حملها على خير
رجعت سيدرا من الخارج واخذت قرار وقررت تنفيذه
وقفت انتظرت الياس وهى تبكى حسرة والم على حب حياتها التى تتمنى العيش معه وقلبه يمتلئ بحبها ولكن فاقت من حلمها على واقع اخر وهو ان قلبه لم يمتلها بحبها لا بل بعشق امرأه اخرى وا حسرتاه
فاقت من شرودها على صوت سيارته تدخل القصر
فنزلت استقبلته وكانت باقى العائلة متجمعة لتناول العشاء
تنحنحت لتلفت انتباههم بعد دخوله القصر
سيدرا: انا فى خبر حبيت اعرفكم بيه
الجد: خير يا بنتى انتى مش طبيعية من الصبح وباين عليكى مش مبسوطة
: بالعكس لازم انبسط لان جوزى حبيبى اتجوز وناوى يجيبها هنا قريب ولا ايه ياقلبى
نظرت لالياس ليتكلم بعد ان فجرت المفأجأه فوضعته بموضع صعب لانه كان لا يريد معرفه العيلة بزواجه حاليا حتى تسمح الامور ليعرفوا منه هو وليس من احد اخر
صدموا العائلة من كلامها ووقفوا ينظروا لالياس
الجد: الكلام ده صحيح يا الياس .... انطق مش بترد ليه
قالها بغضب
قال شريف بغضب : ما تنطق يا زفت انت الكلام ده صح انت اتجوزت ؟؟
: ايوة اتجوزت ..ثم بغضب اتجوزت الى بحبها اتجوزت الى بعشقها فاق على وجع بوجنته والصدمة كانت الضربة من والدته : انت اتجننت بتتجوز على مراتك يا كلب عملت ايه هى وحش عشان تتجوز عليها معاملة وبترضالك الرضى ترضى خلفة حامل وعن قريب هتولد حتى ما استنتش ام تولد وتعمل عملتك دى يا ظالم دى حامل وممكن من زعلتها ابنك ولا بنتك الى فى بطنها يروح
فقاطعتها سيدرا : معلشى يا طنط بعد اذنك انا مش هزعل واخلى ابنى يتأثر بعملة الى للاسف ابوة انا لو هزعل هزعل على راجل لكن ابنك على اد حبى ليه على ما بحتقر نفسى قبل منه انى حبيته
: انتى اتجننتى يا سيدرا اعرفى انتى بتتكلمى ازاى
قاطعه مراد صارخا بعد سكوت طويل ليعرف نهاية الموضوع: بتتكلم ازاى انت تسكت خالص تسمعها وانت ساكت عاوزها تعمل ايه يعنى عاوزها تباركلك وتقولك خير ما عملت انت تكتم وهى تتكلم والى هى عاوزاه هيتعمل سواء برضاك او غصب عنك ولا ايه رايك يا بابا
الجد: الى سيدرا هتقول عليه هو الى هيتنفذ حتى لو طلبت الطلاق .... انت رايك ايه يا بنتى انا مش هقدر اظلمك اكتر من كده القرار قرارك
: انا فعلا يا جدو قررت وقرارى هيكون انه يجيبها تعيش هنا معانا وانا للاسف لا يمكن اطلق عشان خاطر ابنى ولا بنتى الى فى بطنى مش عاوزاه يتشتت بين اب وام منفصلين بس بشرط انه ملوش دعوة بيا احنا اه مطلقناش لكن منفصلين محدش له دعوة بالتانى
: انتى اتجننتى يا سيدرا ..كان هذا قول والدها
:لا يا بابا ما تجننتش ملوش ذنب ابنى ولا بنتى يتعقدوا ما بنا
: طب هو اتجوز وانتى يا بنتى هتعيشى كده هتقبلى بالعيشة دى ازاى كانت هذه كلامات سميرة والدتها
:انا معاه عشان ابنى ويمكن الاقى الى يقدرنى انا وابنى واحبه وهو ده يبقى قدرى من الدنيا دى ومعلشى يا جماعة ده قرارى ....كده يا ابن عمى تقدر تعمل الى انت عاوزه ولو سمحتى يا ماما خالى حد ينقلى حاجتى لاوضتى القديمة بعد اذنك
وبعد هذا اليوم قام الياس بمجئ زوجته نيرة الى البيت وتعرفت على اهل البيت ولكن لم يتعامل معها احد على انها كنتهم ولكن معاملتهم لها رسمى بحت
نيرة حسين :
بنت جميلة ولكن ليس بجمال سيدرا كان مع الياس بالكلية ودلكن اصغر منه بسنتين كان بينهم قصة حب والدها متوفى وعايشة مع والدتها فقط ليست سيئة الطباع ولكنها تحب وهذا ما جعلها توافق على الزواج من الياس بهذه الطريقة

سجى وهى تدق باب سيدرا وتأذن لها بالدخول
:ازيك يا ديدى عامله ايه دلوقتى وحبيب خالتو اخباره ايه
: انا تمام يا حبيبتى تعالى اقعدى جنبى هنا وقوليلى ايه اخبارك واخبار المذاكرة ايه بقالى فترة مقعدتش معاكى ولا اتكلمنا مع بعض
: تمام والله المذاكرة هدا خيلى بس تمام ...ديدى حبه اسالك سؤال ؟؟
: اسالى يا قلبى
: انتى راضية عن الى حصل ده ؟؟!
سيدرا بتنهيدة : اعمل ايه يعنى يا سجى ومش هقدر اخبى عليكى انا بحبه مهما عمل بحبه ده مش خب سهر ولا سنة دا حب عمر وبعدين انا مش عاوزه هو الى يمشى حياتى هو مش شاف حياته مش هخاليه يتحكم فيا حتى وانا على زمته والصراحة انا مش هقدر اكون زوجه لحد غيره عشان كده قبلت بالوضع ده بس ماتقلقيش انا هخاليه يلف حوالين نفسه ويقول انتى وبس خاليه يعيش يومين يتهنى بالهانم بتاعته بس بكرة يجرى ورايا انا دايما كنت معاه حنينة ولاغيه شخصيتى من حبى فيه ومستحمل الى كان بيعمله على امل يعقل لكن بالعكس لما حملت زاد جحده عليا اكتر
وفى نفسها دا مجاش ناحيتى من ساعة ماعرف انى حامل
فاقت على صوت سجى : على العموم يا قلبى انا معاكى فى الى انتى عاوزاه اى حاجه محتجاها منى انا معاكى تمام
: ربنا يباركلى فيكى يا روحى يااا رب
ام على الجهة الاخرى فدخل ايان على اخوة مكتبه فى الشركة : ايه ياعم فينك هو الى بيتجوز جديد بيغيب كده
: اعمل ايه يعنى محدش طايقنى فى البيت ولا انا ولا نيرة وكنت عاوز اصلا اجيب بيت تانى ليا انا ومراتى بس محدش موافق عشان سيدرا هانم عاوزه كده
: الصراحة انا مستغرب موقفها ده بس بصراحة عمرك ما هتعرف تعوضها يا الياس وماتنكرش
: لا مش هنكر يا ايان هى لو وقت تانى غير الى احنا فيه ومكنتش بحب نيرة كنت حبيتها فعلا والى عملته ده خلانى مش فهمها ازاى واحدة تخالى دورتها معاها فى نفس البيت
: يمكن عشان البيبى عاوزه يكون مع باباه ومامته ده يدل على انها متكون ام بمعنى الكلمة ماتنساش انها اعترفت انها بتحبك فانها تستحمل انك مع واحدة غيرها عشان خاطر ابنها ده يعرفنا اد ايه هى طيبة وجبل يستحمل ده كله وسبب كمان منكن مايكونش جه فى بالك العيلة : مالها العيلة : هتتفرق انت هنبعد عن بابا وماما وجدى وده اكتر حاجه توجعهم فهمت
: فعلا هى جبل
وكانت هناك من تسمع هذا الكلام وتزيد نار الغيرة فى قلبها اكثر واكثر من ناحية سيدرا وهى نيرة تغير منها بشدة فهى فى البيت يعتبر ضيفة بسبب معاملتهم لها وكله يقول سيدرا .. سيدرا ماذا سوف يحصل بعد فى الايام القادمة
تشجيع يا جماعة وعاوزه رايكم بصراحة
فوت وكومنت بالانتقادات عشان اطور من نفسى لو فى حاجه واقعة منى