من أنا يا من عشقت

الفصل الثالث عشر

كانت نيرة تدخل شقتها وهى شبه مغيبه عن الواقع .. لقد خسرت كل شئ .. حياتها معه وعشقه لها الذى كانت تحيا عليه منذ ان عرفته فهو كان الروح والهوا الذى تنفسه ..
رأتها امها قادمة وذهبت اليها سريعا بعد ان لمحت شكلها الغير طبيعى: مالك يا حبيبتى .. فيكر ايه .. عامله فى نفسك كده .. قابلتى الياس .. يا بنتى ردى عليا طمنينى عليكى ...
نيرة ببكاء: خلصت .
: هى ايه الى خلصت ما تفهمينى يا بنتى.
: هطلق يا ماما هطلق خلاص .
قالتها وذهبت جريا الى غرفتها وكانت امها ورائها ..
: طب فهمينى براحة كده ايه الى حصل .. مش كنتى ناوية ترضى بالى انتى عايشاه وخلاص .. ايه الى حصل تانى بفى .
: هقولك ..
Flash back
: هى كككانت.. ححامل فى اربعة..
: اه يا نيرة كانت حامل فى تؤام .. كانت وهى حامل عرفة انهم ثلاثة ولاد ولما ولدت اكتشفت البنت .
: ططب دلوقتى هتعمل ايه..
: هعمل ايه فى ايه.
: فى حياتنا .. فى حبنا..
: حياتنا انتى الى نهيتيها يا نيرة .. انا اتحيلت عليكى وقلتلك بلاش .. لكن انتى الى ركبتى دماغك .. وكنا ساعتها كمان مفكرين انها حامل فى بيبى واحد .. دلوقتى انا عندى اربع اولاد .. وغير كمان هى طالبه الطلاق .
: طب ما هى محلولة اهى .. هى الى عاوزه تطلق يا الياس .. ليه ننهى حياتنا احنا . سيبها يا الياس ونرجع لبعض تانى .. احنا بنحب بعض ومانقدرش نبعد عن بعض ..
: انتى بتقولى ايه يا نيرة .. اطلقها ازاى وانا بقى عندى منها اربع عيال دا غير كمان انا مقدرش اسيبها دى فى الاول والاخر بنت عمى ومراتى ..
: وحبيبتك .. هتفضل لحد امته بتنكر مشاعرك ناحيتها هااه.. لحظ امته يا الياس .. انت عارل انا تمرى ما غرت من سيدرا سواء قبل جوازنا او بعده .. عارف ليه ..نظر اليها باستفهام.. عشان كنا بنحب بعض اوى والحب باين فى عنينا دايما .. حتى بعد ما اتجوزنا فضل حبنا مستمر لحد ما اتعرف جوازنا وروحنا القصر وبعدت عن سيدرا .. حياتك اتقلبت كنت سعيد ؟ اه ما انكرش لكن مش السعادة الحقيقية الى دايما كنت بشوفها فى عنيك طول ماكنت معايا قبل ما تروح لها .. لكن لما بعدت عنك الاكتمال الى فى حياتك قل.. وقل كتير كمان .. عشان لو كنت انا حبيبتك فهى روحك ..
قاطعها : نيرة انتى بتقولى ايه ..
: ايه بتكلم غلط .. اه هى روحك .. روحك الى ماتقدرش تبعد عنها وبتعشقها .. انا دلوقتى مش شايفة الحب الى فى عنيك ليا .. عنيك بقت فيها فراغ من ناحيتى انا شيفاه قدامى اهو .. عشان كده مغرتش منها الا لما رجعنا القصر .. غرت من نظرة عنيك ليها .. غرت من اللهفة الى فى عنيك لما كانت تيجى واحنا قاعدين .. حاولت انكر وقلت اكيد لما اطلب الطلاق هترجعلى هتحس بيا تانى.. هتحس ان حياتك ناقصة من غيرى حتى وهى على ذمتك تحاول ترجعنى باى شكل .. بس نسيتنى خالص .. ونسيتنى اكتر لما خلفت ... تنهدت وقالت.. شوف هطلقنى امته وعرفنى بعد اذنك ولادك اولى بالوقت الى بتقضيه معايا .. بعد اذنك.
Back
: اااااااااه يا ماما همووت .. هموووت من غيره حاسة روحى بتروح منى .
: معلشى يا قلب امك .. ده نصيبك يا حبيبتى .. عيشك انقطع معاه .. كان الاول هى بطولها ولما عرفنا انها حامل قلنا عيل واحد ولو اطلقوا مش هتحسى بتانيب انك بعدتيه عن عياله ..لكن دلوقتى عنده اربعه منها يعنى انتى الى تبعدى يا بنتى .. ماتبعديش العيال عن ابوهم او امهم .. العيال ملهاش ذنب يا قلب امك..
: وانا يا ماما ..ذنبى ايه .. ذنبى انى حبيته ..ذنبى ان معرفتش اعيش من غيره ..
: دا قدرك ونصيبك يا حبيبتى .. وبعدين انتى الى دخلتى عليهم .. مش هى حتى لو كانتوا بتحبوا بعض .. لكن هى الى كانت مراته الاول .. وانتى الى دخلتى بناتهم ..
: اااااه تعبت والله تعبت ..
: معلشى .. بكرة تنسى يا قلب امك .. بكرة تنسى .. هقوم اعملك حاجة تروق دمك.
خرجت وتركتها شاردة فى حياتها التى انقلبت راس على عقب .. وكان هذه اخر الدنيا .. فهل سيدق الحب بابها ثانية ام لا ..