من أنا يا من عشقت

الفصل السادس

فى حجرة الياس ونيرة
دخلت نيرة الاوضة بغضب شديد: ممكن افهم بقى واحدة واحدة كده الى حصل تحت ده . عشان انا على اخرى .
الياس : تفهمى ايه ؟؟! بقولك انا مش فايقلك خالص دلوقتى
: لا يا الياس لازم تفوقلى والنهارده بالذات لازم افهم . يعنى ايه الى عمتك قالته ده . انك دنجوان يعنى كنت بتحبنى وبتخونى طب ليه . ويا ترى كنت بتخنى بعد ما اتجوزنا ولا ايه النظام
سكت الياس ولم يرد عليها ..
نيرة بغضب: رد عليا متسكوتش كده . ثم ببكاء شديد.. دا حتى اتهزقت تحت مهانش عليك توقفهم عند حدهم معايا. ايه انا رخيصة اوى كده.. ولا عشان بحبك وقبلت اتجوزك وانت متجوز ابقى رخيصة .. انت فين من كل ده..  فين .. المفروض تبقى سندى وماتخاليش حد يدوسلى على طرف .. ودلوقتى بقت سيدرا مراتك.. كان فين الكلام ده لما كنت بتحفى عشان تتجوزنى ..كان فين كلامك لما كنت بتيجى تقولى انا مش طايقها .. فين الكلام ده دلوقتى ..ولا لما عرفت انها حامل وجيت اترميت فى حضنى وتقولى كان اكبر غلطة لما وفقت على الجواز منها ونتيجه الغلطة دى طفل مش عارف اذا كنت هتحبه ولا لا .. فين يا استاذ كلامك . ولا كنت بتسكتى ساعتها عشان ما اطلبش منك اننا نخلف .. احنا داخلين على سنة ومخلفناش وعمرك ما سألتنى الحمل اتاخر ليه .. ذنبى انى حبيتك ..رد عليا ماتسكتش كده رد.. وظلت تبكى كثيرا
وهو واقف لا يعرف ما يقوله لها هو يحبها ولكن لا يعرف ما يحدث له ..
: نيرة انا بحبك وانتى عارفة كده و كمان انا عمرى ما خنتك من اول ما اتجوزنا عمرى ما لمست غيرك .
: كدااااااب امال سيدرا حامل منك ازاى بعد ما اتجوزنا بشهرين هاه فهمنى حامل ازاى بالاسيلكى .
: كانت غلطة معرفش قربت منها ازاى ضعفت كانت محضرة ليلة وضعفت غصب عنى.
: لا يا استاذ مش غصب عنك انتى اه بتحبنى بس بتعشق سيدرا اكتر ..
صدم الياس من كلامها : انتى بتقولى ايه .. وانا لو بعشقها كان زمانى اتجوزتك .. كنت خنتها كل يوم مع واحدة؟؟.. اه انا دنجوان زى ما قالوا بس بسببهم.. لما غصبوا عليا الجواز ..
قاطعته: عشان غصبوا عليك اتنمرد عليها هى لكن انت مش بتشوف نفسك وهى موجوده قدامنا فى مكان عينك مش بتنزل من عليها .. الياس انت حبتنى صحيح بس مش زيها .. انا كنت بحاول ابعدك عنها باى شكل يمكن ترجعلى تانى .. بس لا انت مش قادر على حبها .. حتى لما قلتلى انك وانت معاها كنت بتقول اسمى انا مش اسمها هى .. ده كان عشان تخاليها تبعد عنك وتطلب هى الطلاق لانك عارف ان جدك مش بيرفض لها طلب .. بس بعد ما بعدت عنك حسيت اد هى فارقه معاك وباين فى عنيك .. الياس انا اكتر واحدة افهمك احنا مش معرفة سنة ولا اتنين .. لا احنا نعرف بعض من سنين .. الياس طلقنى .
الياس بصدمة: نعم انتى عارفة انتى بتقولى ايه .. نيرة بلاش تخلى دماغك تودى وتجيب انا بحبك ومقدرش اعيش من غيرك وانت عارفة كده كويس . ليه تفرقينا عن بعض .  انا اسف بس ما تبعديش عنى ..
: خلاص يبقى تطلق سيدرا .
: ايه!! .. ايه الى انتى بتقوليه ده ..
: الى بقوله ده هو الصح.. لازم تختار يا انا يا هى.
: انتى اكيد جرا فى مخك حاجة .. ما هى بعيد عننا هو باجى جنبها .. احنا جواز على ورق عشان الى فى بطنها .
: وانا مش قادرة استحمل . قرر دلوقتى يا انا يا هى .
: انتى مصممة ليه . فى ايه عاوز افهم؟؟
: فيه انى تعبت . تعبت من الدور الزوجه التانية الى سرقت راجل من مراته. عشان خاطرى يا الياس لازم تختار يا انا يا هى ودلوقتى حالا.
شرد الياس للحظة وتخيل حياته من غير سيدرا .. لا لا يقدر .. ما يجعله يستحمل بعدها انها مازالت على اسمه ولكن لما هى تاخذ تفكيره حتى وهو مع نيرة . مع حب حياته .ماتمناها ان تكون زوجته . فعل المستحيل للزواج بها ماذا حدث الان ؟؟! .
: نيرة انا مقدرش ولا ابعد عنك ولا عنها .
: يبقى انت كده اخترت . انا همشى ولو سمحت خلص بالمعروف لانى من المستحيل افضل على ذمتك ثانية بعد كده وهى لسه على ذمتك .
قالت هذا وذهبت لتحضر شنطتها.
: دا اخر كلام عندك . نيرة انا لسه بحبك ولسه باقى عليكى . ارجوكى ماتخربيش حياتنا .
: حياتنا خلاص خربت لو سمحت انهى كل حاجة من سكات بعد اذنك .
: يعنى ده اخر قرار عندك .انا لسه باقى عليكى .
: اه اخر قرار يا الياس . بس نصيحة ماتخسرهاش . انا اه مش بحبها بس بعترف انها انسانة طيبة جدا .
قالت كلماتها واخذت شنطتها وذهبت.
وبقى هو يفكر فى كلامها.