من أنا يا من عشقت

الفصل الخامس عشر

كانت تزرع الغرفة ذهابا وإيابا من هذا الالياس الذى لا يزال يستفزها .. وكان آخرهم عندما غضب عليها بسبب البيبى سيتر ..
: ااااااه ..بقى أنا يزعقلى وانا اسكت .. هفضل لحد أمته أضعف قدام أمه ... اااااااه يا مين يطولنى رقبته اقطمها قطم..
دخلت عليها سجى وهى تراها تكلم نفسها: مالك يا ديدى انتى اتجننتى يا حبيبتى ولا ايه .. مالك العيال جننوكى من دلوقتى .. دا انت لسه فى الاول يا اما .
: العيال وهو العيال بتعمل حاجة دول ملائكة الدور والباقى الحلوف الكبير .. قال ايه بيزعقلى .. دا انا هطلع عينه اكتر منا كنت ناوية .. ماشى ..
: ايه إلى حصل بس لدا كله .
: الاستاذ جات سيرة البيبى سيتر وبسقةلى انتى محتاجه بيبر سيتر .
: تمام الراجل عداه العيب .. ايه المشكلة بقى .
: جيت يا حتى بقولك انا فعلا كنت ناوية اقول لبابا يشوفلى واحدة كويسة .. وانا يدوب خلصت الكلمة من هنا وهو قطر وفتح فى وشى من هنا .. المفروض أنا أبو العيال وانا الى اجيب .. وانا الى تيجى تقوليلى .. كان فين هو وانا حامل فيهم .. كان فين.. كان ماشى يتسرمحلى مع حبيبة القلب وسايبنى .. ثم ببكاء .. كان عايش حياته وعمره حتى ماسألنى على أحوال. ولا حتى عن إلى فى بطنى.. كان كل همه ازاى يرضى ست نيرة بتاعته .. لكن أنا طظ فيها مين هى عشان يسأل عليا .. مدام حبيبتى فى حضنى تولع سيدرا .. لكن دلوقتى الاهتمام ظهر لما ولدت .. الاهتمام ظهر لما الحلوة بتاعته سبته .. لكن أنا بقى مش هرجعله .. مش عيش على الهامش تانى يا سجى .. يروح للبتاعه بتاعته .. انا خلاص تعبت منه .. أنا كفايه عليا عيالى ..
: خلاص يا قلبى ما تعمليش فى نفسك كده .. مسيرة هياخد جزاته على إلى عمله فيكى .
: ولا ما يخدش خلاص يروح للهانم بتاعته يشبعوا ببعض ..أنا بقولك انتى ليه . الكلام ده بقاله هو فى وشه ..
ذهبت سيدرا إلى ناحية غرفة المعيشة فكان الجميع جالس بعد الافطار لتناول القهوة الا أيام الذى ذهب للشركة فى عمل ضرورى ..
تفاجأ الجميع بدخول سيدرا الغير طبيعى وتنظر لجدها : لو سمحت يا جدو اظن جه معاد إلى اتفقنا عليه دلوقتى .
الجد بصدمة : دلوقتى .. ليه يا حبيبتى ايه إلى جد .. وبعدين يمكن بعد ولادتك الدنيا ترجع زى الاول .
: زى الاول إلى هو ازاى يا جدو .. على الهامش .. ثم نظرت بالاياس بنفور .. والاقى البيه يا اما راجعلى اخر الليل رحته تقرف من برفانات الى كان نايم معاهم ولا سحبلى فى أيده واحدة ويجر يقولى مراتى .. مش هيحصل .. وانا دلوقتى بقولكم كلكم انا عاوزه أطلق .. ومش عاوزه ابقى على ذمته ثانية واحدة بعد النهارده .

نظر الياس لها بصدمة وكان كأن دلو ماء مثلج نزل فوقه .. ثم بصدمة قال: انتى بتقولى ايه .. انتى واعيه بالى بتقوليه .. عاوزه تتطلقى ..طب والى نايمين جوة دول .
: مش هيكونوا اول اطفال يتولدوا وأهلهم منفصلين .. والصراحة كده احسن لهم .. بدل ما يطلعوا يشوفوا امهم متهانه وساكته عشان خاطرهم .. وده إلى لا يمكن يحصل ابدا .. انت فاهم .. ثم نظرت إلى الجد .. هاه يا جدو بعد اذنك انا عاوزه قرار دلوقتى حالا..
: يا بنتى استهدى بالله ايه إلى خلاها تطلع فى دماغك مرة واحدة كده بس..
نطقت سجى : الياس يا جدو .. زعق لديدى عشان قالت إنها هتقول لبابا يشوفلها بيبر سيتر كويسة .. وهو زعق أنه هو المسئول وانا ازاى ماتقولوش هو .
الياس بغضب: طبعا تقولى أنا .. أنا إلى ابوهم .. أنا إلى مسئول عنهم .. أنا إلى اجيبلهم مش حد تانى .
: من أمته .
: هاه يعنى ايه ..
: يعنى من أمته الباشمهندس الياس باشا بيتهم.. من أمته وانت كنت مسئول ..
من أمته بتسأل عنى وعن العيال .. هاه إلى بعد ما ولدت .. حتى مش بعد ما الهانم مراتك سالتك .. لا بعد ما ولدت .. عمرك سالتنى عن حملى .. عمرك سألتنى البيبى إخباره ايه .. عمرك جيت سألتنى نوع البيبى ايه ..هه لا لان الباشا مش مرتاح معايا .. عايش فى الهنا والسرور مع ست الحسن والجمال .. ولما الهانم سابته.. جه يدور على دفاتره القديمة .. مين إلى مرزوعه وقاعدة مهما تروح وأجى موجوده .. لكن لا خلاص بح شطبنا .. الأوفر إلى كنا عاملينه خلص .. انا عاوزه أطلق ودلوقتى حالا ..حالا يا جدو .. كفاية قلة كرامة لحد كده ..
: يا بنتى انتى بتحبيه ازاى بس حتى هو ..
: حتى لو بحبه يا ماما .. حتى لو بعشق التراب إلى بيمشى عليه .. هجيب قلبى وادوس عليه بجزمتى .. عشان قلبى ده إلى قلل من كرامتى.. قلبى ده إلى مخليه يعمل فيا اكتر من كده كمان .. لكن كفايه بقى لحد كده .. يروح بقى الهانم بتاعته .. كفايه استحملت وضغطت على نفسى وخاليته يجيبها هنا على الأقل يبقى جانبى .. لكن هو ولا حاسس جبلة .. جبلة .. بيتعامل معاها ولا كان فى واحدة لسه عل. ذمته يراعى احساسها .. لكن لا .. ثم ببكاء هستيرى شديد.. كان بيتعامل كأنهم عايشين مع بعض لوحدهم .. قمة قلة الاحترام .. قمة السفالة والانحطاط .. سواء منه ولا من الهانم بتاعته.. احضان وبوس وضحك عالى ولا أكنهم فى اوضة نومهم .. ومشاعر المرحومة جنبه على اعفن رف فى حياته .. عادى مفيش مراعيه لاحساسى .. مفيش مصراعيه انى بنت عمه حتى مش مراته لا .. دا انا لو واحدة غريبة عنهم هيحترموها .. لكن أنا مفيش .. طبعا غير كذا مرة ابقى اروح لسجى اوضتها .. لكم أن تتخيلوا بقى..
: كفايه يا قلب امك.. كفايه .
: كفايه ليه .. ما لازم الكل يعرف أنا استحملت ايه ..استحملت انى اسمع جوزى وهو بيضحك وبيقول كلام وبصوت عالى ولا كان معاه حد فى البيت .. كأنه عايش لوحده .. كأنه مش متجوز غير البرنسيسة .. كلام اتكسف أقوله ليه هو جوزى .. اسمعه منهم كل مرة أعدى من قدام أوضتهم .. كأنهم عمرهم ما يجى فى بالهم انى ممكن اجى واسمعهم ومن صدمتى رجليا تقف مكانها واسمع إلى يدبحنى وبتحليل على رجليا تمشى من قهرتى من إلى بسمعه.. فلازم الكل يعرف أنا اتهنت قد ايه .. الكل يعرف عيشت كام يوم من ساعة ما اتجوزته دموعى مش بتنشف .. مش هسكت تانى .. عشان كده بقول كفايه بقى .. المسرحية بقت ماسخه .. ملهاش طعم .
: ليه سكتى كل ده .. ليه عيشت كده .
: اقولك ايه يا عمى.. واقول لمين .. ليكم عيلتى وعيلته .. هقول لمين واخرب الدنيا ومحدش هينضر غيركم .. انت وبابا وجدى .
: حتى لو مكانش ينفع تقسى على نفسك كده يا قلب ابوكى.
: ليه يا نجمتى ليه يا حبيبة جدك مستحملة ده كله وساكته .
سيدرا ببكاء وهى تحضن جدها : عشانكم يا جدو عشانكم ..
: أنا أبوة اهو وبقولك مفيش بنى آدم فى الدنيا يستاهل تعملى كده عشانه.. وانا الى بقولك باوسخ شبشب عندك وتدوسى على قلبك إلى حب بنى آدم انى زى ده.
: أنا مش هدوس على حد يا عمى .. كفاية لحد كده معاه .. واظن كده الحياة بنا بقت مستحيلة .. بعد اذنكم.
تركتهم وذهبت وهى تبكى الما على ماحدث كأنه حدث فى هذه اللحظة.

والدة الياس بقهر: يا خسارة تعبى فى تربيتك .. يا خسارة.. ليه يا ابنى .. ليه كده .. عملتلك ايه هى .. لو مكنتش عاوزها كنت قلت من الاول وكنا خلاص .. لكن لا .. والله لهتعمل إلى هى عاوزاه .. وانا الى هقفلك بقى المرة دى .. انت متعرفش هى اتقهرت منك قد ايه .. أنت متعرفش كسرتها منك عملا فيها ايه .. سيبها يا ابنى وطلقها .. على الأقل تلاقى إلى يصونها . إلى يحبها بجد. إلى يعيشها ملكة . تاج فوق رأسه . يهانيها وينسيها إلى انت عملته فيها.
الياس بغضب : بموتى .. عارفين يعنى ايه بموتى أنها تبعد عنى .. عمرى ما هسيبها .. فاااااااهمين .. وتركهم وذهب .

هل سيطلق الياس سيدرا ام ماذا سيحصل ؟؟
ماذا سيفعل الياس بعد معرفته بما قالته سيدرا؟؟!

فولو وفوت وكومنتااااااات كتير عاوزه اعرف رايكم ايه يا حلوين .. وعاوزه اعرف اقتراحاتكم ايه عن الأحداث إلى جايه
دمتم سالمين إن شاء الله