من أنا يا من عشقت

الفصل العشرون

"سورى يا قمراتى على التاخير .. داخلين على رمضان وكل سنة وانتوا طيب يا حلووووين .. فالدنيا عاوزه تتظبط
كل سنة وانتوا طيبين ورمضان كريم عليكم يااااا رب وعلى الأمة المسلمة جميعا "

اليوم هو تقدم اياد لخطبة سجى .. وكان البيت على رجل واحدة كانت سجى فى غرفتها تجهز لان اياد سوف ياتى هو وعائلته بعد ساعة .. وكانت معها سيدرا وريناد .. كانت سجى متوترة جدا .. فهى تعترف انها معجبه به ومن الممكن أن تكون وصلت لمرحلة الحب .. كانت سيدرا تخفف عنها توترها ..
سيدرا بمزاح: جرا ايه يا جوجو .. متوترة من ايه امال فين عبده موته إلى احنا عارفينه .. فينك يا سارة تيجى تشوفى صاحبتك وهى عاملة زى الكتكوت المبلول.
: أنا هنا اهو يا ختى .. مكسوفة يا سعدية مكنش العشم.. فين الراجل إلى جوانا يا بت ..
: وانا يعنى مش بت يا ختى منك ليها .. وانا كل يوم فى الموقف المنيل ده .. أنا عاوزه اليوم ده يفوت فوووت كده هوا .. احسن والله .. والله هعيط .. وانا لما بعيط هفضحتكم..
: وعلى ايه ياختى اتوترى براحتك .. بس يا سارة سيبيها تتوتر براحتها .. ثم وجهت نظرها إلى ريناد التى تكون فى الفترة الأخيرة ليست معهم ودائما شاردة .. ايه يا رودى مالك كده يا قلبى مش عجبانى الفترة دى خالص .. إلى واكل عقلك يا جميل.. هاااااااه .. يكونش اسمه ايه ده إلى اسمه الحب..
ريناد يغيظ: ديدى اتلمى.. الا أنا عاوزه اعرف فين عيالك ياختى .. قاعدة كده ومجعوسة اووى .. وعيالك مش شايفة قفا واحد فيهم..
: لااااا الا قفا عيالى .. ثم وضعت يدها على خلف رأسها.. كفاية عليكى امهم.. يا ظالمة .. بقايا طول من كتر الضرب عليه..
: ياااااه يا جدعان .. كان نفسى اشوفكم وانتوا بتتاخدوا على قفاكم ..
: تحيى تجربة ياختى..
: والله ما انتى متحركة يا رودى هانم .. بس يا بت يا ديدى .. سيبيها ياختى براحتها .. ولا حلو ليكى وكخة ليها..
: يع كخة .. مش عارفة بتجيبى الألفاظ دى منين .. كتكوا نيلة .. ام أقوم اشوف الدنيا برة.. جيل اخر زمن .
: ماشى يا رودى .. الله يسامحك..
: على فكرة يا جاموسة براس كلب منك ليها أنا العروسة .. هااه.. فين الفرح .. فين الزغاريد..
وعندما انتهت من كلامها سمعت صوت زغاريد تدل على مجئ العريس ..
سجى بخوف مضحك: يا لهووى يالهووى .. جه جه .. اعمل ايه .. مكياجى حلو .. شعرى تمام .. لبسى فيه حاجة .. نظرت لهم وجدتهم غير مهتمين بما تقول ولا يعيروها اهتمام.. ماتردوا عليا يازفته منك ليها.. ماشى هيجيلكوا يوم.. وخصوصا انتى يا راس عجل انتى .. أيان هيجيلك قريب .. هنشوف هتبقى عامله ازاى..
دخلت عليهم والدتهم : ايه يا سجى جهزتى ولا لسه يا حبيبة ماما ..
: اه يا ماما أنا جهزت ..
: طب يلا عشان تقدمى القهوة ..
: نعم .. مين دى إلى هتقدم القهوة .. هو انا بعرف أشيل كوباية على صنية لما هشيل فناجيل قهوة .
: ياخبتى.. يا خبتى.. يعنى ايه امال مين إلى هتدخل بالقهوة .. ثم نظرت لسيدرا..
: لا انسى أنا لا يمكن انزل وادخل قهوة لحد ..
فنظرت والدتهم إلى سارة ..
: لا يا طنت .. مش هينفع .. ليفتكروا أنا العروسة.. وايان اكيد قاعد تحت ..
: خلاص منك ليها كتكوا وكسة على وكستى فيكم .. هى مفيش غيرها إلى هدخلها .. رودى حبيبتى