من أنا يا من عشقت

الفصل الرابع ( الجزء الثانى)

كانت سجى تذاكر محاضراتها التى اخذتها اليوم .. فهى دائما تطلع من الاوائل وتعشق مجالها كثيرا وتريد ان تكون طبيبة ناجحة جدا .. فاقت من تركيزها فى المذاكرة على دقات على باب غرفتها ..
: مين!!.
: انا ايان يا سجى ممكن ادخل .
فتحت باب غرفتها سريعا : اتفضل يا ايان .
: عامله ايه يا سجى .. لاحظ الكتب الكثيرة على مكتبها ..
كنتى بتذاكرى ولا ايه .. لو هعطلك اجيلك بعدين ..
: ولا عطله ولا حاجة .. انا خلاص خلصت اساسا .. خير يا ايان كنت عاوزنى فى ايه ..
تنحنح ايان فهو لا يعرف كيف يبدأ الكلام معها : احم بصى يا سجى انا هجيبلك من الاخر عشان مش عارف المواضيع دى بيتقال ايه ..
نظرت له باستغراب وقالت : تمام .. ماشى قول الى انت عاوزه .
: بصى بصراحة كده انا معجب بسارة صاحبتك وعاوز اتقدملها ..
صدمت سجى ولاتستوعب كلامه: نعم بتقول ايه .. عيد كده احسن مش عارفه اليومين دول ودنى مالها ..
ايان بغيظ: ايه يا بنتى بقولك بتنيل بحب ام لسان طويل وعاوز اتجوزها .. ايه فى كلامى مش مفهوم.
: لا هو كلامك مفهوم .. بس مش مبلوع الصراحة .. سارة .. سارة الى هى انتمتى .. الى مبستفاك مرة قبل كده .
: اه يا ختى اتنيلت على عين اهلى وحبيتها .. اعمل ايه بقى ..قلبى اختارها من بين كل البنات .. مخترش غير دى .
: طب وعاوزنى اعملك ايه .. اروح اخطوبهالك مثلا .. ماتقول لابوك يروح يخطبهالك انا مالى .
: يخربيت ام الغباء .. مش طب ايه الى انتى دخلتيه وكمان من الاوائل ..يا ام جهل انا عاوزك تشوفيلى مايتها ايه من ناحيتى .. معجبه .. متقبلة .. متنيلة .. اى حاجة ارسى بيها على بر .. فهمتى .
: اااااااه .. فهمت. حاضر هقولها واشوف رأيها فيك ايه ..واسألها لو انت حبيت تخطبها وكده ايه رأيها .. عشان مش تحرج نفسك .. ممكن ببساطة تتكلم عنك حلو وكده بس مش انت الى ممكن تكون فتى احلامها فهمت .. فلازم يا ايان اعرف رأيها عشان شكلك وشكل عمى لو روحتوا وخطبتوها وهى لا قدر الله رفضت .. تمام.
: تمام يا حبيبتى ربنا يباركلى فيكى .
: ويباركلى فيك يا حبيبى .. ويصبرك على البلاء الى انت داخل عليه .. بصراحة بصراحة الله يكون فى عونك .
: اه بالله عليكى ادعيلى احسن دى عاوزه قنابل ناسفة تنسف لسانها الى متبرى منها ده ههههههه.
: هههههه ماشى هدعيلك.
: اسيبك انا بقى عشان تكملى مذاكرة .. تصبحى على خير.
: وانت من اهل الخير .
ذهب ايان لغرفته على امل ان ينام .. ولكن من اين يأتى النوم وذات اللسان السليط أكله عقله .. وسرقة النوم من عينيه .. ويدعى الله ان توافق سارة عليه.

فى الصباح
كان الياس يتدرب فى صالة الرياضة فكان يضع كل غضبه فى التدريب .. دخل عليه والده واخوة
والده : ايه ده انت هنا .. دا انت من ساعت سيدرا خلفت وانت مدخلتش هنا .
: ابدا يا بابا .. وبعدين انا كنت مشغول بالعيال .. ولما لقيت نفسى مع اكل ماما الى لا يعلى عليه وقله الرياضة فاكيد هتخن .. فحبيت ارجع اتمرن تانى بقى زى الاول ..
: طب يلا يا حلوين ورونى اخباركم ايه ولا خسعتم يا كتاكيت.
: فشر داحنا نعجبك ولا ايه يا كبير .
: كده يا خويا.. يلا احسن منظرنا بقى فانله خالص .
: يلا .
وبدأو مباراة كاراتية بين الياس وايان وكان والدهم يقف يشاهدهم .. وكانوا يلغبوا بمهارة عاليه جدا فهم ابطال مصل والدهم .. كانوا فى نفس المستوى وكانوا يصدون ضربات بعضهم بمهارة فائقة .. ولكن يبقى الياس الكبير سنا ومهارة وانتهت المبارة بفوز الياس ..
ايان بوجع: ااه ايدك تقلت يا ثقيل انت .. ايه يا عم خف ايدك شويه.
: هه الله يرحمك يا رجولة .. كانت مأنسانا والله.
: لا يا برو الرجولة موجودة .. عيب عليك.
والدهم : لا تمام يا رجالة عاش .
: انا هروح الشركة انا بقى وانتو كملوا .
: اكمل ايه بعد قطمة الدهر دى .. خدنى معاك .. بعد اذنك يا والدى .. ااااه يانى يا ما يانى .
: اذنك معاك يا روح امك.
فى غرفة سيدرا
كانت تجلس ترضع مهرة فهى اكثرهم صحيانا وبكاء ..
: كده يا مهرة اخواتك نايمين يا روح مامى .. ماتنامى انتى كمان معاهم .. خالى مامى تنام شوية .. انا خلاص فصلت .. لا انا بقاوح وخلاص .. لازم اجيب بيبى سيتر تساعدنى احسن كده مش نافع خالص.
قطع كلامها لمهرة دق الباب ..
: مين .
: انا الياس يا سيدرا .
: ادخل .
: ازيك .. واخبارهم ايه .
: تمام الحمد لله .. كنت عاوز حاجة .
: اه انا خارج رايح الشركة فحبيت ابوس الهانم والبشوات قبل ما امشى .
: امم تمام هما نايمين الا الاستاذة صاحية ومش راضية تنام .
: طب ايه رايك نجيب بيبى سيتر تساعدك .
: ما انا فعلا هعمل كده .. كنت لسه هقول لبابا يشوفلى واحدة امينة وكويسة .
: نعم وعمى يشوف ليه .. هو ابوهم مش موجود ولا ايه يا مدام .. اظن انا اولى بانى اشوف مصالح عيالى ولا انتى نسيتى انك لسه مراتى .
: والله انا مانسيتش .. انت الى شكلك نسيت انك شايل ايدك من امور حياتى انا والعيال من وانا حامل فيهم وكان يا اما عمى يا اما بابا هما الى بيعملولى الى انا محتجاه .
: تمام وادينى خلاص يحلهم من اى مسؤلية .. انا دلوقتى الى هشيل مؤلية مراتى وعيالى .. وعالله .. عارفه عالله يا سيدرا اعرف انك دخلتى بابا وعمى فى اى حاجة تخص العيال .. او تخصنا اصلا .. فاااااااهمة .
لم ترد عليه سيدرا ولكنها بداخلها تموووت رعبا من طريقته ..
: مسمعتش يا مدام الياس فااهمة .
: فاهمة فاهمة .
: ماشى .. انا ماشى رايح الشركة وهبعتلك بيبى سيتر كويسة تساعدك .. ام نشوف يا سيدرا اخرة الى انتى بتعمليه ده ايه .
: قول لنفسك . قالتها فى نفسها .. فعى تعرف الياس عندما يتعصب لا يرى امامه .. فتريده ان يهدأ حتى تعرف ان تاخذ حقها منه على طريقته وكلامه معها .

ماذا ستفعل سيدرا مع الياس لترد عليه ؟؟؟!
هل يستطيع مالك اثبات حبه لريناد؟؟!
ما هو رأى سارة فى ايان ؟؟!
فولو يا حلوين وفوت وكومنت
سورى على التأخير يا قمرات