Unicode
" ကျန်းလုပ်ငန်းစုဆိုရင်ရော ? "
" Baby ကိုယ့်လုပ်ငန်းကို
ကျွမ်းကျင်လာတဲ့တစ်နေ့ကျရင်
ကိုယ့်ရှယ်ယာတွေအကုန်ပေးမယ် ..... "
ချောက်ချွမ်ရဲ့ခပ်ထေ့ထေ့အမေးကို
ကျန်းသခင်ကြီးက မျက်နှာပျက်မသွားပဲ
ပြန်ဖြေသည်။
" ရှယ်ယာလောက်တော့ စိတ်ဝင်စားမနေဘူး "
ချောက်ချွမ် တမင်ကန့်လန့်ပြောလိုက်သည်။
" ကိုယ့်ရှယ်ယာတွေက ကျန်းလုပ်ငန်းစုမှာ
ဒုတိယအများဆုံးအနေနဲ့ရှိတယ် .....
Babyသာ ကိုယ့်ရှယ်ယာတွေကို
လက်လွှဲယူနိုင်တဲ့အထိ ကျွမ်းကျင်လာရင်
ကျန်းလုပ်ငန်းစုက Babyလက်ထဲရောက်ဖို့
သိပ်မဝေးတော့ဘူး "
" တော်ပါ .... ခင်ဗျားမပေးချင်တိုင်း
လျှောက်ပြောမနေနဲ့ "
" ဒီကမ္ဘာပေါ်မှာ Baby လိုချင်တဲ့
ပစ္စည်းဥစ္စာချမ်းသာကြွယ်ဝမှု၊
ချစ်ခြင်းမေတ္တာတွေကို
ကိုယ်အကုန်ပေးလို့ရတယ် ......
ဒါပေမယ့် Baby လိုချင်နေတဲ့နေရာနဲ့
ထိုက်တန်တဲ့အရည်အချင်းကိုတော့
ကိုယ်ပေးလို့မရနိုင်ဘူး ......
ကိုယ်က လမ်းပြပေးရုံနဲ့ကူညီပေးရုံပဲ
တတ်နိုင်မှာ .....
အဲ့နေရာကိုရောက်ဖို့ Babyကိုယ်တိုင်
သင်ယူလေ့လာရမယ် .....
ကြိုးစားမှရမယ် .......
ကိုယ်တိုင်ထုဆစ်ထားတဲ့ ပန်းပုက
တခြားသူလက်ရာထက်
ပိုကျေနပ်စရာကောင်းတယ် Baby "
" ကျနော်က သူများထုဆစ်ထားတဲ့
ပန်းပုကို ပိုသဘောကျတယ်ဆိုရင်ရော ..... "
" Baby ဘုရင်တစ်ပါးဖြစ်ချင်ရင်
နည်းဗျူဟာကို ကိုယ်တိုင်ဆွဲတတ်ရမယ်....
ကိုယ်တိုင် စစ်တိုက်တတ်မှရမယ် ......
အဲ့လိုမှမဟုတ်ပဲ
သူများဆောင်းပေးတဲ့ သရဖူကို
အလွယ်တကူလက်ခံလိုက်မယ်ဆိုရင်တော့
သရဖူလေးတာကိုပဲ Babyသိလိမ့်မယ်.....
သရဖူရဲ့အသုံးဝင်ပုံ၊အသုံးရမယ့်နေရာနဲ့
ဆက်ထိန်းသိမ်းရမယ့်နည်းလမ်းတွေကို
Baby နားလည်မှာမဟုတ်ဘူး "
" ခင်ဗျားက စီးပွားရေးသမားပီပီ
စကားပြော တော်တော်ကောင်းတာပဲ ..... "
" စီးပွားရေးလိုပဲ Babyရဲ့ဘဝကိုလည်း
တဖြေးဖြေးတိုးတက်လာစေချင်တယ် "
