Unicode
လေယာဉ်ပေါ်က ဆင်းလိုက်သည်နှင့်
ချောက်ချွမ် စိတ်လှုပ်ရှားကာ
သွေးတွေပူလာသည်။
ယခုဆို သူလေဆိပ်ကို ရောက်လာခဲ့ပြီ။
လေဆိပ်ကနေ Taxiတစ်စီးငှားကာ
ဟိုတယ်ကိုမသွားပဲ
ကျန်းလုပ်ငန်းစု၏ ရုံးချုပ်ကို
သူသိတဲ့လိပ်စာအတိုင်း တန်းသွားလိုက်သည်။
45မိနစ်ခန့် ကားစီးပြီးသည့်အခါ
မြို့လယ်ခေါင်က
ဟိန်းဟိန်းထနေသည့်ကုမ္ပဏီကြီးရှေ့သို့
သူရောက်ရှိသွားသည်။
Taxiခ ရှင်းလိုက်ပြီးနောက်
ကုမ္ပဏီထဲ ဝင်ဖို့သွားမိတော့
လုံခြုံရေးဝန်ထမ်း၏တားမြစ်ခြင်းကို
ခံလိုက်ရသည်။
" ဘာကိစ္စများရှိလို့လဲခင်ဗျာ "
" ကျန်းလုပ်ငန်းစုရဲ့သူဌေးကျန်းရိဝမ်နဲ့
တွေ့ချင်လို့ပါ "
သူပြောလိုက်တော့ ဦးလေးကြီးက
ဦးဆောင်ကာ ကုမ္ပဏီထဲဝင်သွားလေသည်။
ပြီးနောက် ဧည့်တွေ့ခန်းတွင်ထိုင်စေကာ
မန်နေဂျာကိုခေါ်ပေးသည်။
အသက်ငယ်ငယ် မျက်မှန်နဲ့
တရုတ်လူမျိုးမန်နေဂျာက
ချောက်ချွမ်ကို နာမည်ကြီးမင်းသားမှန်း
ချက်ချင်းမှတ်မိသွားသည်။
မန်နေဂျာက အံ့ဩနေသည့်သူ့ပုံရိပ်ကို
ထိန်းကာ
" Boss က သူ့အမျိုးသားနဲ့
မြန်မာနိုင်ငံကို ခရီးထွက်သွားပါတယ်.....
ဒီက ကြိုတင်ချိန်းထားတာမျိုးရှိလားမသိဘူး "
" အဲ့လိုမျိုးတော့ မရှိပါဘူး .....
အရေးကြီးလို့ ချက်ချင်းလာခဲ့တာ "
" Boss ပြန်လာတဲ့အထိ
စောင့်လို့ရလားခင်ဗျ .....
ရရင် ပြန်ရောက်တဲ့အချိန်
ဆက်သွယ်ပေးပါ့မယ် "
ချောက်ချွမ် တစ်ခဏစဥ်းစားပြီးနောက်
သိပ်မကြာလောက်ဘူးထင်တာကြောင့်
သဘောတူကာ
ဖုန်းနံပါတ်ချန်ပေးခဲ့လိုက်သည်။
ပြီးနောက် Taxiငှားကာ အနီးဆုံးရှိ
Hotel တစ်ခုမှာ တည်းလိုက်သည်။
သူHotelမှာ တစ်ပတ်ကျော်နေပြီးသည်အထိ
ကုမ္ပဏီမှ အကြောင်းပြန်မလာခဲ့ချေ။
