Unicode
" တော်ပါပြီ ..... လူများရင် ကျနော်က
ခေါင်းကိုက်တတ်လို့ "
" အဲ့တာဆို အိမ်ထဲသွားရအောင် ....
ကိုယ် သီးသန့်ပြင်ထားတာ ရှိတယ် .....
ငြင်းရင်တော့ ကိုယ်စိတ်မကောင်းဖြစ်မိမှာ ..... "
ချန်ကုမင်က မျက်နှာကိုအတတ်နိုင်ဆုံး
ဝမ်းနည်းသည့်ပုံဖမ်းကာ
ချောက်ချွမ်ကို ချုပ်လိုက်သည်။
ချောက်ချွမ်က နဂိုထဲက အားနာတတ်သူမို့
ထပ်ငြင်းဖို့ ခက်သွားရသည်။
နောက်ပြီး ကိုယ်ရှယ်ယာဝင်ထားတဲ့
ကုမ္ပဏီပိုင်ရှင်မလား .......
စိတ်ခုသွားရင် သူ့မှာဆုံးရှုံးစရာတွေ
များမှာပေါ့ ......
" ဘယ်မှ သွားစရာမလိုဘူး .....
ချောက်ချွမ်က ကိုယ့်လက်အောက်က
ဝန်ထမ်းဆိုတော့ ကိုယ့်ကိုအဖော်ပြုပေးဖို့
တာဝန်အပြည့်ရှိတယ် "
တွေးနေတုန်း ကျန်းသခင်ကြီးရဲ့စကားကြောင့်
ချောက်ချွမ် မျက်ခုံးတွေတွန့်ချိုးကုန်သည်။
" ခင်ဗျား ပြောချင်တာက ? "
" ကိုယ့်နားမှာနေ !!! "
" ခင်ဗျား !! "
" ချောက်ချွမ်ကို ကျန်းသခင်ကြီးနဲ့
ခဏထားခဲ့လိုက်ပါ Daddy ....
ဟိုမှာ ဝန်ကြီးချုပ်ရောက်နေပြီ ....
Daddy သွားဧည့်ခံလိုက်ပါဦး "
အခုချိန်ထိ ချောက်ချွမ်အနားကပ်နေသည့်
ချန်ကုမင်ကို ရိယွမ် ပထုတ်လိုက်သည်။
" အာ ဝန်ကြီးချုပ်ရောက်နေတာပဲ ....
ကိုယ်သွားဧည့်ခံလိုက်ဦးမယ် .....
ကိုယ်ပြန်မလာမချင်း မပြန်သေးနဲ့ဦးနော် ...
ကိုယ် အမြန်ပြန်လာခဲ့မယ် ..... "
" ဟုတ်ကဲ့ပါ ချန်သူဌေး .... "
ချန်ကုမင် မတတ်သာစွာနဲ့ ချောက်ချွမ်ဘေးမှ
ထွက်သွားရတော့သည်။
" ထိုင်ပါဦး ကျန်းသခင်ကြီး.....
Daddyရဲ့ တာဝန်မကျေမှုကြောင့်
ကျန်းသခင်ကြီးကို အားနာလိုက်တာ "
" ရတယ် .... ကိစ္စမရှိဘူး "
ရိယွမ်က အားနာစကားဆိုလာပေမယ့်
ကျန်းသခင်ကြီး ဝိုင်ခွက်ကိုလှုပ်ရင်း
ခပ်ပြတ်ပြတ်ပြန်ပြောလိုက်သည်။
