Unicode
" ခင်ဗျားခရီးထွက်လာတာလား "
တရိပ်ရိပ်ပြေးနေသော ကားလေးပေါ်က
တိတ်ဆိတ်မှုကို ချောက်ချွမ်ဖြိုခွင်းလိုက်သည်။
" အင်း ... ဆိုပါတော့ "
လျှန်ချိုးမျက်နှာက အစောကနှင့်မတူစွာ
ညှို့မှိုင်းနေသည်။
" ခင်ဗျားရဲ့ ဟိုBodyguard ရော "
အမြဲတပူးပူးတွဲတွဲသွားလေရာပါသူကို
မတွေ့တာကြောင့် ချောက်ချွမ်မေးလိုက်မိသည်။
ယခင်ကဆို ထိုBodyguardက
လျှန်ချိုးဘယ်သွားသွားနောက်ကပါလေ့ရှိသလို လျှန်ချိုး၏မျက်နှာပေးခံရဆုံးသော
သူလည်းဖြစ်သည်။
ထို့ကြောင့် မေးလိုက်မိခြင်းက
ချောက်ချွမ်အမှားတော့မဟုတ်ပါချေ။
" သူပြန်သွားပြီ "
" ဟင် ... ဘာဖြစ်လို့လဲ "
" စေ့စပ်ဖို့တဲ့ "
" ဪ "
ချောက်ချွမ် ဆွံအ,သွားမိသည်။
လျှန်ချိုးမျက်နှာမကောင်းတာမို့
ဆက်မမေးတော့။
တဖြေးဖြေးကားက Vegas 9 Hotel ရှေ့
ေရာက်လာသည်။
Taxi Driver က ကားကိုရပ်လိုက်ပြီး
" ရောက်ပါပြီ မစ္စတာ "
" Thank you "
" Thank you "
နှစ်ယောက်လုံး Luggageအိတ်
ကိုယ်စီဆွဲကာ ကားပေါ်ဆင်းလိုက်ကြသည်။
Hotelကမြို့စွန်ဘက်လောက်မှာဖြစ်ပြီး
လူအသွားအလာမပြတ်ပေမယ့်
မြို့ထဲလောက်တော့လူမစည်ပေ။
Taxiကားက သူပို့ရမယ့်နေရာကို
ပို့ပြီးတာမို့ ပြန်မောင်းထွက်သွားလေသည်။
" အကိုကြီးက ဒီလိုနေရာမှာတည်းပါ့မလား "
လျှန်ချိုးရဲ့တွေးဆဆအပြောကို
ချောက်ချွမ်လည်း လက်ခံမိသည်။
Hotelထဲဝင်ဖို့ပြင်လိုက်စဥ်
Hotelထဲမှ အနက်ရောင်ဝတ်စုံနှင့်
လူတွေထွကလာပြီး သူတို့နှစ်ဦးကို
ဝိုင်းလိုက်ကြသည်။
" မင်းတို့ဘယ်သူတွေလဲ !! "
" ဖမ်း !!! "
ခေါင်းဆောင်ဖြစ်ဟန်တူသူက
အမိန့်ပေးလိုက်သည်နှင့်
ချောက်ချွမ်ခေါင်းထဲ ပူကနဲဖြစ်သွားသည်။
