Unicode
" လုပ်ပါဆို ... ကူညီပါနော် "
Operation ခန်းထဲက ထွက်လာသော
လျှန်ချိုးကို
ချောက်ချွမ်တပူဂျီဂျီလုပ်နေလျှက်ရှိသည်။
လျှန်ချိုးမှာ ချောက်ချွမ်စကားတွေကို
မကြားဟန်ပြုပြီး
လက်အိတ်တွေချွတ်ကာ
နားနေခန်းထဲ ပြန်သွားလိုက်သည်။
" သာ့ကော ... ကူညီပါနော်လို့
သာ့ကော တူလေးမလိုချင်ဘူးလား "
" မလိုချင်ဘူး "
လျှန်ချိုး ခပ်ပြတ်ပြတ်ငြင်းလိုက်သည်။
သူရဲ့စမ်းသပ်မှုမအောင်မြင်မချင်း
လည်ပင်းမယားချင်သေးပါ။
ချောက်ချွမ် လာဂျီကျနိုင်လည်း
အလွန်ဆုံးတစ်ပတ်ပေါ့။
ဒီလောက်လေး နားပူခံလိုက်တာနဲ့
နစ်နာသွားစရာအကြောင်းမရှိပါဘူး။
ပြီးနောက် ချောက်ချွမ်ကိုမကြည့်တော့ပဲ
စားပွဲမှာဝင်ထိုင်ကာ
ကိုယ်တွင်းအင်္ဂါအစားထိုးခြင်း
ဆေးပညာစာအုပ်ကို
မှတ်ထားသည့်နေရာကနေပြန်လှန်ပြီး
ဖွင့်ဖတ်နေလိုက်သည်။
လျှန်ချိုးရဲ့အရေးမလုပ်မှုကြောင့်
ချောက်ချွမ် နည်းလမ်းပြောင်းကာ
မင်းသားပီပီ Dramaခင်းတော့သည်။
" ဟင့် .. ရွှတ်စ် အင်းပေါ့
ကျ .. ကျနော်က အငယ်အနှောင်းပဲဟာ...
ဘယ်လိုလုပ် ကျနော့ကလေးကို
အင့် ... လိုချင်ကြပါ့မလဲ "
လျှန်ချိုး မကြားဟန်ပြုပြီး
ဆေးစာအုပ်ကိုကိုင်ကာ
တစ်ဖက်လှည့်သွားသည်။
ပြီးနောက် အံဆွဲထဲက ဂွမ်းကိုထုတ်ယူကာ
နားထဲဆို့ထားလိုက်တော့သည်။
သူမလုပ်ပေးချင်၍မဟုတ်။
အကိုကြီးသာခွင့်ပြုပါက
ကလေးယူဖို့ ချက်ချင်းထလုပ်ပေးမှာပါ။
ခက်သည်က ချောက်ချွမ်မလာခင်ထဲက
အကိုကြီးက ဖုန်းဆက်ပြီး
ကြိုပိတ်ထားတာကြောင့် သူလည်း
မလှုပ်ရဲပေ။
ဒါကို ချောက်ချွမ်က ဘူမသိကိုးမသိနဲ့
သူ့ကိုလာဂျစ်တိုက်နေသည်။
သူပေပြီးနေတော့ ချောက်ချွမ်လည်း
မျက်နှာငယ်နဲ့ပြန်သွားတော့သည်။
